جت عندنا عمتي وجلست خمسه ايام وكانت بنتها كل يوم تقول جبت لك هديه واعذريني متاخره كل يوم نفس الكلام وماعطتني اياه الا قبل مايسافرون بدقايق ،،،المهم بعد مارواحو فتحته لقيت صندوق العربيه للعود وجنبه علبه ساعه وعلبه خاتم انا انبسطت قلت كلفت على نفسها ،،وافتح الصندوق لقيتها شايله البخورالعربيه وحاطه بخورمعمول ناااااااااااااااااااااشف ماله ريحه والعودين الي بالصندوق واحد مكسور والثاني فيه قليل وعلبه الساعه كانت حقت بنات صغاار والخاتم اكسسوار من بوريالين ،،،سبحاااان الله كانت قبل فترة بنت عمتي حاطه صورة الصندوق والساعه توبك وتشكر زوجة اخوها عليها ،،ورجعت جابت نفس صندوق ونفس الساعه،،رميت الصندوق لاني ماستفدت من الي فيه والساعه تعلب فيها اختي الصغيره

انا اغرب هديه كانت في نفاسي بولدي اعطتني سلفتي جلاسة ولدها مستعمله ومرجعتها بكرتونتها مهتريه ومنديلها اللي مسحت فيه طاح منها داخل الكرتون 
المشكله موبس ذي 
ودتها لمحل تغليف هدايااا والتغليف جنااان 

الهدايا مو بقيمتها او بسعرها
بعض الهدايا تكون مو غاليه بحدود 100 او 200 بس حلوه
الهدايا على ذوق صاحبة الهدايا وحده مثلا تهديك طقم عطور ب100 من محل مو غالي او ماهو ماركه بس
مغلفته تغليف حلو وذوق والعطور ريحتها حلوه وهاديه بصراحه بفرح فيها وبشكرها عليها
مو لازم الهديه تكون بمبلغ 500 وفوق
وممكن يكفيني انها تذكرتني وجتني لو بصحن حلى مو لازم هديه
بعض الناس تهدينهم شيء حلو وذوق بس مو غالي مره بحدود 100 او 200 ويجرحونك
كنك معطيتهم هديه بريالين او بعشره ريال
هذولي مايستاهلون ابد اي هديه لانهم ماقدرو جيتك لهم وتفكيرك فيهم همهم الهديه بكم !!؟؟

بنسبه لي اهم شيء عندي لما يذكروني بهديه شيء حلو
لو ماكانت غاليه لان مو كل شيء غالي حلو ولا كل شيء رخيص
شين على الذوق نفسه ....
بنفاسي صديقتي اهدتني طقم بدله مره حلو وانيق وكانت مغلفته تغليف حلو
شكل الطقم مو غالي بس والله يكفي ذوقها وتفكيرها فيني
ووحده اهدتني بطانيه للطفل بكرتون ماغلفته بس البطانيه حلوه وناعمه
وجابت حلى معها ماقصرت الله يجزاها خير ولو اكتفت بالحلى عادي يكفيني انها زارتني
وتذكرتني ...
يعني الهديه ابد مو بقيمتها على ذوق صاحبتها وظروفها الماديه وقتها
وناس زاروني ماجابوا هدايا وقريبات مره بس ماقصروا بقهوتهم وحلاهم
تكفيني زيارتهم لي ومشاركتي فرحتي بمولودي الله يسعدهم

انا عكسكم الشئ اللي استنكرته في زواجي ...اهل زوجي ما اهدوني ولا شئ !!! ما عدا اخته بعد شهر العسل جابت لي قمصان نوم !!!!!
اما اللي تقول احمدوا ربكم انه الناس تذكروكم وجابوا لكم اي شئ ,, فمعليش الهديه تقدير اولا واخيرا ,,,
اذا ما انتي جايبة زين فلا تجيبين شئ احسن ....