تعالي ياحلوه ياقمر.. وخصوصا بنات القصيم والريااااااااااض..؟؟

السلام عليكم

اخباركم ..

ابسالكم يابنات كلبوكم وبنات القصيم.. وخاصه بنات الرياض؟؟

تعرفون مستوصف طبي شدا مركز تجميل للبشره..

وهل شغلهم مضمون وزين ومعروف ادويتهم او لا..؟؟؟؟ ارجوكم تفيدوني.


ابقولكم سالفتي .. دق تليفون الثابت بتاعنا الا والله اللي تكلمني صوتهاااا خوقاااق ولسان ماشاءالله

<<وش دخل صوتها:22:

وتقولي .. انتم الكمبيوتر اختاركم بجلسات طبيه من مركز شدا بالرياض

يعملك تنظيف بشره وعلاجها اذا عندك حاجه تبي لها علاج>>تراي احتسي بلهجتها واااااو تدوخ:42:

و....الخ من الكلام المثير انا صراحه مو لم محتوى كلامها لم صوتها:eek:

قلت ميخالف عيدي وعادتلي الكلام..

بأن اخصائية البشره راح تيجي من الرياض ل عندي تسويلي تشخيص للحاله وايش عندي من مشاكل..

ان اول جلسه تعملها لتس مجانا واذابغيتي تبدين العلاج يفتحون لي ملف والى الاخر واذا مابغيت الجلسه

تكون مجانا.. والله اللي انا اطير من الفرحه.. قلت يابنت خليها تسويلتس مجانا تنظيف بشره خصوصا

بتبدين دوام بالجامعه العبي عليهم وقولي ما ابغي علاج او افكر وصرفيهم وهيك..

<<افشت سر من اسرارها:22: خخخخخ

المهم اتفقت مع ام صوت خوقاااااق وقالت ان بوكرا راح تيجي وحده من الرياض.. قلت ع خير..

والحمدلله جتني بس جت الاخصائيه من هنا واشفطت فلوسي من هنا:eek:<<اصبروا اقولكم كيف..

ياعليهم اسلوب واااااااااو واقناع تخليتس ماتعرفين تفكرين تجي معتس وتاخذ منتس المعلومات وتشخص

حالتس ببعض الاساله المهم جتني بالكلام الزين,,وانا اللي اهز راسي واقول طيب لازم اشوف قبل

سوي الجلسه واشوف المفعول قالت لا انتي قرري وش بتشرين من عندي من علاج وانا ابدى فيتس اول

جلسه<< والله اللي راح تخطيطتس وطارت جلسة التنظيف:22:هههههههههه

المهم قلت وش خسرانه انا خليني اشري اللي ع الاقل اللي احس راح يفيدني..

واشري صابونه ب100 ريال وكريمه 135 ريال..وسوتلي اول جلسه خرابيط برابيط..ماحسيت سوتلي

شي.. وقالت الشهر الجاي اسويلتس جلسه ثانيه واشوف تحسن البشره عندتس..والجدول ذا لمدة سنه..

انا بشرتي كويسه ولله الحمد بس مجرد اثار خفيفه بعد الحبوب اللي تخرج بوقت تعب النفسيه ااو الدوره

وخاصه الوقت ذا بتضبيط الجدول وشيل هم الدراسه الله يعين <<تحكيلكم قصة حياتها:09:

المهم يابنات بس حبيت اسالكم مين اللي تعرفها وخاصه بنات القصيم تقول ان كثير عندي بنات يتعالجون

عندي من القصيم اقصد بنفس المستشفى ككل..وش رايكم وهل مضمون..

ومين اللي سمع فيها وتعامل معاهم؟؟ واللي جابت معاهم نتيجه.. ياليت تفيوني جميعا..

انا ماجربت الاغراض اللي شريتهم بس اببداء فيهم من اليوم لمدة شهر واشوف النتيجه

بس ياربي خير..

الله يسعدتسن بنات ياليت تخبروني وتفيدوني واللي ماعندها علم ترفع موضوعي..

دمتم بود:26: