السلام عليكم ورحمة الله وبركاته
بدخل بالموضوع على طول لاني والله ماعرف اكتب مقدمات وتشويق وحوسه
انا وحده مووووووووووووووت كسلانه ومتزوجه وعندي عيال وزوجي يقوم ويقعد يحطم وينتقد :hahaha:
يعني من جد تعب مابعده تعب المهم ماعندي وقت اهتم زي اول واسويت كذا شغله والحمدلله فاده طبعا انا اخذت هالمعلومات من عالم حواء بس ماكنت اصدق او بمعنى اصح قلت اكيد الي جربت وطلعت معه نتيجه هي اساسا ماهي بحاجه اهتمام ( يعني بيضاء رباني)
اول شي اباطي اسوووووووووووووود قوه لدرجه استحي البس شي يبين ابطي وله سنين على هالحاله وجربت جليسوليد وليمون طول ماكنت نفاس ولا جاب نتيجه وخليك مزيلات العرق يقولون هي الي تسود ومازال السواد موجود وبقوه وانا اشيل بحلاه لانه يقولون الموس يسود
امس يابنات شلت كالعاده بحلاوه والله ضاق صدري يوم شفته اسود قلت مافيه فايده اتعب ماتعب كله واحد :44:
قلت بما انه خاربه خاربه منا بخسرانه شي اذا سمعت كلام البنات المهم قمت وجبت ليمونه ومسحت به ابطي يحرق شوي مو قوه وخليته شوي وبعدين مسحته مره ثانيه بليمونه وحطيت عليه نشاء مسحت فيه الابط كله وخليته يمكن ربع ساعه والله الذي لااله الاهو انه مفتح ابطي بقوه والله والله انه اغمق من بشرتي يمكن بدرجه بس والله انهبلت يوم شفت النتيجه معقوله بس كذا وانا طول هالسنين حارمه نفسي من البس والحمدلله انحلت العقده ولبست كت اليوم بس بعيد الحركه مره ثانيه ان شاء الله
المنطقه الحساسه مو اسود الا بنفسجي من زود السواد صرت كل يوم اجيب قطنه واحط عليه زيت جونسن وامسح كل المنطقه من ورى ومن قدام والله يابنات اني استعمل قطنتين او 3 وكلهن يطلعن سود واستمر الى ماخلاص يصير مايطلع لون وعندي علبه حاطه به ماء وديتول شخصي ومره ماله ريحه ابد امسح اخر قطنه بهالخلطه
النتيجه انشده بشكل ملحوظ والسواد الحمدلله اخف بكثير
وجهي يابنات شاحب بقوه وانا من النوع الحساس اي كلمه تحوس النفسيه صرت يوميا افرك وجهي بليمون وسكر والله انه اسبوع والحمدلله رد له لونه يعني نور وجهي الحمدلله ( ماله دخل بالحبوب والاثار ) يعني بس ينور الوجه
شعره ههههههههه الحمدلله انواع الاهمال ولاعندي وقت بصراحه احط خلطات صرت مره بالاسبوع قبل لاتروش احط زيت عافيه حق الطبخ والحمدلله صار يلمه وحي ( بس التساقط مازال ) وطبيعه شعري قليله يعني بس يلمع وينعم
طبعا جسمي بشكل عام جاف صرت اذا تروشت افرك جسمي بزيت زيتون وملح او سكر واخليه شوي على جسمي بعدين اغسله بما واتنشف واحط اي كريم
وبعد وش بقى من العيوب ماقلت ايه الشفايف ههههههههه تكفون لحد يضحك علي والله انهن سود على اني منا سمره قوه بس الشكوى لله صرت احط عهليهن فازلين واخليه قد ماقدر بعدين افركه بمنديل حق المطبخ المنديل النشاف عرفتوه الرول افركه بشويش واحط بعده روج او مرطب والحمدلله متحسن لونهن عن اول
الحمدلله والشكر لحد يقول هذي كله عيوب بس الحمدلله على العافيه والي تهتم ازين من الي ماتهتم
ايه نسيت اقولكم بطني مترهل بعد الحمل والولاده واسوي تمارين يوم ويوم يعني مو مداومه عليهن صرت بس اشد بطني لجواء كل ماتذكرت بطني سويت الحركه والحمدلله خف شوي
يارب تسخر لي رجلي وتخفي عنه عيوبي قولو امين تكفون
بسيـــل @bsyl_1
عضوة فعالة
يلزم عليك تسجيل الدخول أولًا لكتابة تعليق.
لاتشك بغلاك
•
الله يسخر لك زوجك وتنخفي كل عيوبك وعيوبنا امممممممين
امين يارب زوجك مايشوف غيرك تسلمين اختي الغاليه ماحنا ضاحكين وانا اختك عندنا وعندك خيرررررررر الله يخلف وش نقول بس الحمدالله على كل حال والعافيه زينه وانا اختك اللهم لااعتراض يسلمووووووووووو
بسيل تسسلمين يالغلا على مشاركتك لنا بجهودك وانا والله اول ماقريت كسسلانه جيت ع طول هههههههههه
الله يسسخر لك زوجك يالغلا ويخليه لك ويخلي لك عيالك وياعله مايششوف غيرك حرمه يارب
الله يسسخر لك زوجك يالغلا ويخليه لك ويخلي لك عيالك وياعله مايششوف غيرك حرمه يارب
الصفحة الأخيرة