تعالي ياللي تحطين رمز لجوالك

صباح الخير حوائيات 
بدخل بالسالفه على طول
امس ياطويلات العمر جتني حاله النضافه العميقه
قلت يابنت ليه ماتقومين وتنضفين جدران الحمام
الله يكرمكم واقوم واهز طولي واربط شعري بشال كني شغاله ولايهونن خواتنا الشغالات
واجيب ذاك السلم اللي يتمايل واروح بكل ثقه واقفل
باب الشقه خفت ولدي يطلع وانا مدري له
واحط المفتاح بجيبي
وادخل الحمام واقفل على نفسي علشان عيالي مايدخلون علي لان خفت يفتحون الباب ويدفوني واطيح
المهم واقوم افرك الجدران واغني (امي كم اهواها
والحن وحالتي حاله تذكرت ايام الطفوله
ومع حاله الغناء وحاله الفرك والدعك
تحركت رجل السلم ودخلت بالبلاعه الصغيره
كسرت الشبك الصغير ودخلت
والله يابنات هبدت هبده على جنبي على المغسله
بغى يغمى علي
وبناتي ياحياتي يدقن ويصايحن سمعن صوت السلم والسطل يوم طاحووالاغراض اللي على المغسله طاحت وهبدتي العنيفه
ويصايحن يماما افتحي يمامافيك شي
وانا لساني انربط من الوجع
بالله تخيلو معي الموقف باب الشقه مقفل 
والحمام مقفل وجوالي عند بناتي وحاطه له رمز
يعني مسكره من كل الجهات مافيه مجال لا يطلعون  
ينادون احد ولايدقون على احد ولايفتحون علي الباب. يساعدوني بس يبكون
بغيت اروح فيها لاكن الله ستر
لاكن الحمد لله مافيني شي بس رضوض
وكدمات بجنبي ويدي اللي طحت عليها
يعني جلست ربع ساعه بالحمام احاول اقوم نفسي
وانا اهدي بناتي من ورى الحمام اقول مافيني شي
الحين اطلع وهم لهم صياح 
والحمد لله اخذت درس معد احط رمزلجوالي
علشان لاسمح الله اذا صارلي شي بناتي يتصلون
على ابوهم او خوالهم لان يقلبي على بنتي تقول 
ماما احاول اتصل على بابا وماعرفت افتح جوالك
ولا راح اقفل على نفسي
وبالاول والاخير الله الحافظ 
الحمد لله والشكر لك يارب انك حفظتني لعيالي
الحمد لله مليون مره
والله يوم رحت للحمام قعدت اقول بس لو راسي ضرب بالمغسله ولا الحنفيه كان الله يعلم وش بيصير لي
فيا اخواتي انتبهن لازم على الاقل عيالك يعرفون رمز الجوال صدق انهم ياذونا عليه بس بنفس الوقت
يقدرون ينقذوننا لاسمح الله لو صار لنا شي
والحمد لله على كل حال
واذا فيه اخطاء املائيه لاتدققون اكتب من جوالي
على فكره اكبر بناتي برابع ابتدائي يعني صغيره
اجيب لها جوال