يبه شلونكـ @ybh_shlonk

عضوة نشيطة

تعالي ياللي زعلانه من خطأ السونار .. قربي اقولك سر

..

..

السلام عليكم ورحمة الله وبركاته

الحمد لله العزيز الجبار الفرد الصمد على مارزقنا به من نعم .. ولو أن الله يعطينا على قدر عملنا لندر صاحب النعمه ..

في اخت كتبت موضوع وزعلانه تقول لاتخرفون علينا قصص واللي خايفه من العين على ولدها لاتجي وتقول قالولي بنت وطلع ولد تقول مابين النوع ..

انا اكره اني اخوف احد أو اخلي وحده منكم تشكك ولا توسوس .. ووصيتي لكل مسلمه متوكله على ربها لاتجعل نوع الجنين همها الأوحد .. تقول يارب الصالح المعافى وربي رح يعطيها الى أن يرضيها ..

كتبت موضوع قبل فتره وقلتلكم فيه اني رحت كشفت بنهاية الخامس وبداية السادس وقالتلي الدكتوره بنت واني زعلت وماعلمت زوجي ... وكتبت اني لمت نفسي على زعلي .. وكمان لمت نفسي لأني ماقدرت شعور الأمهات اللي كانوا يتمنون الولد ..

المهم ابكمل لكم قصتي الحين ...

في الشهر السابع رحت لموعدي واصريت عليهم يعلموني بنوع الجنين وانا كنت بين الشك والأمل .. وكانت المفاجأة .. الدكتوره والسستر السعوديه أجمعوا على انه ولد .. انا فرحت فرحه يعلم بها الله وجلست أحمد ربي واشكره .. وطلعت بشرت زوجي وعلمت حمواتي وامي واهلي وكل من يعز علي ..

من زود حرصي قلت لاااااااازم اتأكد ورحت لمستشفى خاص عند دكتوره مدحوها لي .. قلتلها اعملي لي سونار اتأكد فيه من نوع الجنين .. بحثت كثيراً .. بعدين قالت ولد وهذا العضو الذكري بااين .. قلت يارب ياكريم لك الحمد حتى ترضى .. واكثر شيء فرحني في الولد اني رح ارتاح بعده إن شاء الله وقدر على الأقل سنتين .. لأن زوجي الفاضل يبغى الخلفه واكيد يتمنى يجيب ذكور .. ومع كثر حبه لبنته وفرحته فيها وحنانه عليها .. الا انه ماخلاني آخذ مانع وحملت وبنتي عمرها خمس شهووور :16:.. وعشان كذا خايفه اجيب بنت ثانيه ويخليني احمل عليها بعد .. وانتوا عارفين الحمل والولاده مو سهله ..

اليوم ياطويلات العمر رحت لموعدي بالمستشفى اللي اراجع فيها عادة .. وانا الحين بنهاية الثامن .. وهيه تكشف علي طبعاً دكتوره ثانيه غير اللي قبل لكن السستر نفسها .. قلتلها وانا واثقه ايش نوع الجنين .. قالت وهيه اكثر ثقة مني .. بنت :04: قلتلها ياهوووه المره الأولى قالتلي بوي والسستر ذي شاهده .. قالت هذا الحبل السري عندك كبير :p قلت ياسستر وش رايك !! هي طبعاً سعوديه سمراء .. قالت والله مدري كل شي جاهز انا في بنتي جلسوا يقولون ولد ولد لين ولدت وجبتها بنت :o

هيا طيب حلووني .. الحين مين اصدق :35:.. وش اجهز .. من اعلم .. احترت في امري .. وكرهت حاجه اسمها كشف وسونار وولد ولا بنت .. ولاعاااد يهمني .. لعب اعصاب وقلق .. احنا ناقصين تعب وهم .. والمجتمع هو السبب .. زادت وتعدت مسأله الولد والبنت وصارت هاجس وكابوس عند الأغلبيه ..

طبعاً علمت زوجي بكل برود .. وسواء زعل ولا فرح ماعاد تفرق معاي .. انا شخصياً ماعاد تفرق معاي .. جبت بنت جبت ولد جبت توأم .. المهم ربي يسلمني ويسلم ذريتي من كل شر وافرح بشوفتهم حولي .. كل اللي شايله همه شي واااااااااااااااااحد .. اكيد رح نتهاوش انا وزوجي على مسأله كلي مانع ولا تاكلين مانع .. وانا الصراحه ماعندي استعداد احمل من غير شر الين يصير مولودي الثاني عمره عالأقل سنتين .. حرام اتعب نفسي وحرام اراكم عيال صغار فوق بعضهم هم بعد لازم ياخذون فرصتهم في التربية والإهتمام والرعايه ..

هيا ياللي تقولين لاتكذبون وتألفون قصص .. اقسم بالله هذي قصتي ماكذبت عليكم فيها بحرف .. هل تتوقعين بعدها اثق في السونار .. لا والله ماعاد اثق فيه ولا احط له باااال .. مرتين ولد ومرتين بنت ههههههههههه شكلي باسوي قرعه .. يصير اول جنس يتحدد عن طريق القرعه :hahaha:

وسلامتكم

..

107

500K

يلزم عليك تسجيل الدخول أولًا لكتابة تعليق.

تسجيل دخول

ام رمووسه الاموره • 13 سنة

الله يفرحك بشوفة البيبي وانتو بصحه وسلامه وربي يرزقك ماتتمني

صوصيا • 13 سنة

والله مدرى وش اقولك من جد لعب بالاعصاب الله يجيبه سليم معافى والله حاسه فيكى

طيب لما قالتلك اول مرة بنت شرحتلك يعنى قالت شوفى المهبل او شوفى الخطوط البيضاء او قالت بنت وبس وكمان الولد هل شرحت لك

حكااية عطر • 13 سنة

الله يرزقك باللي تتمنين
ويجعله معافى سليم من كل زيادة ونقصان

nooovh • 13 سنة

اهم شي يكون طفل سليم معافي

للصبرأخر • 13 سنة

الله يسعدك يارب ويرزقك ويرزقنا الذريه الطيبه المعافاهـ والله هذا اهم شئ ..

وفعلا انا سمعت كثير عن اخطأ السونار والواحد المفروض مايعتمد عليه انا شوفي قالولي نوع معين لكن والله حاطه في بالي ممكن يكون غلط حتى لما ادعي في صلاتي اقول سواء ذكر ام انثى ,,, اهم شئ برهم وصلاحهم وشفاههم ,,,

وزوجك لزم تقنعيه واشرحي له وضعك وان شاء الله يقدر وربي يسخرهـ لك ’’’ ويرزقك ماتتمنين