بداية أحب أشكر الجميع لما يقدموه من عطاء وأخص بالشكر الأخت الغالية جبل صبر لأنها بعد الله ساعدتني كثير في عمل الطقم هذا لبنت أختي الغالية القادمة بإذن الله بعد شهر وشوية فلولا الورشة إللي سوتها أختي الغالية جبل صبر سواء للفستان أو للبوتز أو البونيه ما كنت قدرت أسويهم فالله يعطيك العافية ويرزقك من حيث لا تحتسبي ويعطيك حتى ترضي ويحقق لك ما تتمني يا رب
دخلت قسم الكروشيه في المنتدى أول مرة على أساس إني أنزل موضوع طلب بترون للفستان هذا لأني كنت أبغى أسويه
فلما دخلت القسم لفت نظري المواضيع وصرت أتصفح فيهم وأشوف البنات ما شاء الله فنانات ومبدعات وبعدين قرأت العنوان (%%%% ورشه النيو بيبي بورن لعيون الشهباء وياسمينا %%%%% ) وأنا مو فاهمة أيش يعني ورشة بس قلت خليني أشوف مو خسرانة شي ولقيت الفستان إللي أنا في الأصل داخلة عشانه وفرحت كثير صرت أشوف الطريقة والردود إلين ما وصل للأخير صرت أدعي للأخت جبل صبر وللعلم أن ورشتها مميزة وسهلة التطبيق وبصور واضحة جدا وثاني يوم رحت على طول واشتريت الخيوط اللازمة من محل داخل مجمع الكعكي في الدور الثالث طبعا في المدينة المنورة والخيوط تركية وصاحبتها تجيبها من تركيا ورجعت البيت وبدأت أمشي على الخطوات إلين ما خلصت والحمد لله وعجب أختي كثير وعقبال ما تشرفنا الغالية وتلبسهم بالعافية \\ السموحة طولت عليكم وحكيت قصة حياتي بس حبيت إنكم تعرفوا قد إيش أنا فرحانة وممتنة للأخت جبل صبر ولكم جميعا لأني بدأت أطبق أشياء ثانية ولي عودة لما أخلصهم إن شاء الله \\ أخلصي هاتي من الآخر :angry2:
الفستان من الأمام
من الخلف
الجزمة والطاقية
الطقم كامل بعد إضافة اللؤلؤ
وشكرا لتشريفكم لموضوعي المتواضع :26:
