تعالي يا دكتورة وأنتم يابنات حواء أبقولكم عن ولدي بعد ما طلع من العناية

السلام عليكم يابنات حواء
راح أذكركم بموضوعي اللي كتبته في هالقسم
على هالرابط
الموضوع الأول[

http://forum.hawaaworld.com/showthread.php?t=477240


والموضوع الثاني

http://archive.hawaaworld.com/showthread.php?t=498762

وأشكر كل وحدة دعت لولدي سواء بالكتابة أو في ظهر الغيب وأسأل الله يقبل منكم ويشفي ولدي ويعافيه
المهم
ولدي ألحين عمره سبع شهور ما شاء الله
أبقولكم على اللي صار بعد خروجه من المستشفى

صيااااااااحه (بكائه) كثيـــــــر

نومه قليـــــــــــــــــل

وقفوا عنه الإبر المسيلة للدم لما صار عمره شهرين وشوي

الحمد لله من نا حية الرضاعة يرضع اللهم لك الحمد والشكر

إلى ألحين وهو على ظهره لاينقلب ولا يركز كويس

ولا يجلس مسنود و ما يثبت راسه ولا يمسك شي

لما أوقفه يوقف معي ولما أحاول أمشيه يمشي
لكن أحسه مشدود شوي يعني كأنه شاد أعصابه

هو ألحين يعرفني ويعرف أبوه ولما يشوف أحد غريب يبكي
لما أضحكه يضحك ولما أزعل عليه وأعصب الله يتوب علي
يتشره وتخنقه العبرة

يشرب عصيرات أما الأكل ما فيه أمل حتى لو أعطيته أكل مهروس بالملعقة
يرررررفض يبي كل شي بالرضاعة طبعا هو عنده أنيميا الفول

نتائج تخطيط المخ عنده كهرب خفيفة ويأخذ علاج
جرعتين باليوم

اللهم لك الحمد كما ينبغي لجلال وجهك وعظيم سلطانك
ألحين ماشين معه بالعلاج الطبيعي الله ينفع به

وش رايك يا دكتورة ويابنات حواء
وش تتوقعون لولدي
راح يقدر يعتمد على نفسه على ممر الأيام ولا لا..

أدري إني ثقلت عليكم لكن وش أسوي والله تخنقني العبرة وتنزل مني الدمعة لما أشوفه يبكي
وما أقدر أسوي له شي
لكن ما لي إلا الله ثم أنتم

وألف شكر لأي وحدة منحتني من وقتها تقرأ موضوعي
وأبيها تدعي لو بينها وبين نفسها إن الله يفرج لولدي وييسر أمره ويختار له الصالح