بصي يا ستي الحكايه وما فيها انك بتقيسي عرض الاكتاف وتزيدي عليه شويه لان الغرزه دي في الشغل بتلم
وتبدئي بشغل الغرزه يعني السطر الاول تعملي عدد من السلاسل تزيد عن عرض الاكتاف شويه وفي سابع غرزه على الابره تعملي غرزه حشو وبعدين 3 سلسله وتتركي 3 سلسله وغرزه حشو في الغرزه القادمه وتكملي لاخر السطر
السطر التاني تعملي في داخل الفتحه 3 غرز عمود بلفتين غرزه سلسله 3 غرز عمود بلفتين في الفتحه القادمه وتكملي لاخر السطر وتعيد السطرين دول لغايه لما توصلي لطول الضهر او لما تتني الشغل تلاقي المقاس مناسب لفتحه الكم


ويكون اخر سطر اشتغلتيه سطر عواميد لما تخلصيه ما ترجعيش تاني لا اتني المستطيل اللى اشتغلتيه وكملي شغل عواميد في الناحيه التانيه في كل فتحه برضه 3 عواميد بلفتين لاخر السطر وبعد كده اشبكي اخر عمود في السطر ده باول عمود في السطر التاني بغرزه منزلقه هيكونكده اتكون عندك تلات فتحات
فتحتين من الجنب زي اللى في الصوره السابقه وفتحه كبيره من تحت دي اللى هنكمل شغل فيها دايرما يدور كالتالي
اول سطر نعمل 4 سلسله وغرزه حشو بين كل مجموعه من العواميد في السطر السابق
السطر اللى بعده اربع عواميد بلفتين في كل فتحه من السطر السابق وبينهم غرزه حشو نكرر السطرين كمان مره وبعدين نعمل كمان اربع سطور بس خمس غرز وكمان اربع سطور 6 غرز واخر سطر سبعه غرز بس انا عملته بتلات لفات في العواميد عشان يدي طول اضافي كده يكون خلص جسم الشال
بعد كده نشبك الخيط في اسفل حرده الابط ونبدا بالشغل في العمود بالعرض (يعني في كل عمود بعرضه نعمل 3 عمود بلفتين وغرزه حشو وفي العمود اللى بعده 3 عمود بلفتين لاخر الدوران السطر اللى بعده هيكون 3 سلسله غرزه حشو بين كل مجموعه من العواميد لاخر السطر نكرر السطرين دول لغايه لما نصل لطول الكم المطلوب في اخر سطر اعمل اربع عواميد بلفتين عشان احصل على الكلوش اللى في الاخر
وكده يكون خلص الجاكت فضل الورده
نعمل 3 سلسله ونغلق الدايره بمنزلقه ونعمل في الدايره 8 غرز حشو نشتغل في النص الامامي من غرزه الحشو (الفتله الاماميه ونترك الخلفيه )نعمل غرزه حشو و6 سلسله وغرزه حشو في نفس الغرزه ونكرر في كل غرزه لنهايه الدايره بعد كده نشتغل في الفتله الخلفيه غرزه حشو 8سلسله غرزه حشو ونكمل لاخر الدايره وكده تكون خلصت الورده
اتمنى ان يكون الشرح واضح

ما شاء الله تبارك الرحمن
مرررررررررررررررررررره حلو
ملبوس العافية و هذا مو جديد عليك.

:06: للاسف ما فهمت الشرح ربما لاني ما اعر ف اشرح ما بفهم بي الشرح اسفة وما فهمت انتي غالقة الشغل على شكل دائرة والله ما فهمت
اسفة حبيبتي شرحك مفهوم انا فهمي بطيئ للاسف بارك الله فيك :26:
:44: :024:

شغل الادين والظهر باين سهل بس الكول والايمن والجنب الايسر :D
:06: :mad:

ما شاء الله الله اكبر عليكى شكله تحفه واختيار الالوان كلها زوق ورقه