تعال شوفوا لي حل مع زوجي والله اني ابكي من حالي

الله يعينك اختي والله ماني داريه ايش اقولك غير انك تصبرين وتدعين ان الله يصلحه ويسخره لك ترى يااختي هذا حال اغلب الشباب لايضيق صدرك ولا حاجه وان شاء الله مع الايام ودعائك له بينصلح حاله بس انتي طولي بالك وهدي اعصابك ولاتهتمين فيه هذي الفتره واهتمي بنفسك وبيتك غير في نفسك وفي بيتك كمان حاولي تجددي حياتكواطلعي ووسعي صدرك بس كل هذا مع الدعاء واسال اللله العلي العضيم انه يصلح لك زوجك ويهديه ويسخره لك انتي وانا وجميع زوجات المسلمين قولي امين

أهلين جواهر .. :)

أولاً // اهتمي بجمالتس وشكلتس بشكل غير طبيعي , اكشخي طول الوقت
والبسي أحلى ما عندتس , يعني خلتس حلوه طول الوقت

ثانياً // سوي نفستس مشغوله بأهلتس وصديقاتتس وعندتس مشغال
مشغوله فيها ومستانسه فيها بنفس الوقت , وسوي نفستس منتي
مهتمه له , وانتس دايم تنسين طلباته , وان فيه أشياء كثيره
بحياتتس أهم منه

ثالثاً // حاولي تحسسينه انتس غامضه وعندتس أشياء كثيره
بحياتتس وما عدتي مهتمه له , وسالفة انه يروح أو يجي هذا
ما يعني لتس شي , واقعدي بدال ما هو يتهرّب منتس انتي
تهربي منه


وبالنهايه ..
هو اللي بيجي يركض وراتس ويترجاتس
أهم شي خلتس قويّه ولا تيئسين ولا تضعفين , خلتس أقوى منه
وحاولي تحسسينه انتس أحسن منه وأنجح منه في حياتتس
وانت انسانه طموحه ومحبوبه وهو عكستس , يعني كأنتس انتي
اللي ابتلشتي وتوهقتي فيه , وانتي اللي متفضله عليه موب هو


وبسسس .. :)

حبيبتي الله يصلحه ويهديه ويسخر قلبه لك
وادعي(اللهم اجعلني له سكنا واجعله لي سكنا واجعل بيني وبينه موده ورحمه)والله انه دعاء خطيييييييير
والاستغفار والله انه بعض المرات يصير بيني انا وزوجي خلاف واجلس استغفر يجي يراضيني وانا الغلطانه
وكمان تري ماكل الدنيا صبر

والله حزنت لحالك كثيرا ، بس عليك بالدعاء في الثلث الأخير من الليل ولا تملي من الدعاء لأن الله يحب العبد الملّح في الدعاء.
أصبري وليس هذا حالك فقط ، فأعرف كثير من الرجال هكذا ولكن مع الصبر والدعاء يتغير كل شئ .

أسال الله العظيم رب العرش العظيم أن يصلح حالك وحال زوجك وأن يجعل بينكما مودة ورحمة وأن يجعلك في عينه أجمل من حور العين وأن يعلق قلبه بك بحيث لا يستطيع أن يعيش لحظة بدونك يارب العالمين.

اتمنى من الله ان يهديلك زوجك واتمنى انك تجلسى معاه بهدوء وتشوفيه هو زعلان او مضايء من ايه وريحيه وربنا يهدى الحال لكل المسلمات مع ازواجهم انشاء الله