تعاملكم الراقي مع الواتس اب يالغوالي

السلام عليكم ورحمه الله و بركاته

اخواتي

مدري ليه تسبب لي مشكله الواتس اب مع كثير من الاشخاص

منها

1- يفهمك غلط ( وهذي تحصل كثيروترد رد جارح حتى لو فهمتيها و خصوصا بالقروبات)

2- يتابع اوقاتك ويقول فاضي طول وقته بالواتس اب (زي وحده تقول دائم متصله بالواتس اب انتي)

3- الاسئله المحرجه و الي فيها لقافة و تدخل بالخصوصيات ( وين رايحه - متى تجين - متى تروحين - اي تدخل في شؤون بيتك او وظيفتك و تعتبرها من باب السؤال و هي من باب اللقافه تسحبك بالهرج) ( هذي النقطه بالذات كيف تردين و تريحين راسك من الجواب)

4- يكون متصل ولا يرد عليك ولا يعبرك (مثلا ارسلتي لها و هي متصله و تبغينها ضروري و تطنش و تقول ما فيني ارد او تقولك لا ما شفت و هي ترد على وحده من قرايبك او صديقاتك اول بأول)

5- اصبح وسيله لكل الناس من ناحيه المعايده او المباركه بدون كلفه او عناء بالاتصال ( لو شافوا ما عندك واتس اب يتعنون يتصلون عليك و يوجبون)

(( الصدق الحل الي ريحني كثيررررررررررررررر وضع بلوك ما يسمى بالحضر عشان اريح راسي و ارتاح من هذي النماذج))


اخواتي قولوا لي تعاملكم الراقي مع هذي النماذج