تعاملي مع زوجي 🤦‍♀️

هذا الموضوع يا بنات يا حلوات للفرفشة والضحك


بسألكم فيه احد مثلي 😂
اذا زوجي رفض لي طلب اتحداه واعاند وإلا تسويه وووو وأقوله انا عشان طيبة معاك تسوي فيني كذا وما تنفذ لي طلب اخليه يكره اليوم اللي صرت طيبة معاه 😂😂😂
يعني هو ماجا بالطيب ع اساس بيجي بالقوة 🤦‍♀️
ودايم بالاخير اكل هوى وما يتنفذ بس كذا اسوي مشكلة ارتاح 😂😂😂😂💔
يعني حتى هو يقول اذا حاولتي بالطيب ممكن اسويه بس بالعناد انسي
واحيانا يقول فكرت اسويه بس خلاص بعد كلامك مافيه
بس مااقدر يا بنات من اول مايقول لا اتكهرب ويدخلني جني 😂😂😂😂😂😂😂
واحس داخليا ارتاح لما اسوي مشكلة اكثر من انه يسويه بحب خشوم 🤦‍♀️
هل انا طبيعيه ولا أتعالج فيه احد مثلي 😂🤣
واللي عندها طريقة عوجا مع زوجها تكتبها 🔪🤣
واللي عندها نصيحة تكتبها برضو نستفيد ☺️
المهم لا تجي وحدة تقول موضوعك مكرر ولا تفاهه ولا فضاوة
لان اختصرها واقول اي والله فضاوة ما عندي شي قلت اكتب موضوع اتسلى ويتسلون معي الفاضيات مثلي 🤔
اما انتي اللي تدورين موضوع دسم قفلي الموضوع وارجعي وراك موضوعنا خالي الدسم تعرفين كولسترول وكذا ها ها ها🤓