اهلييييين
امممم أول شيء واضح إن بنتك أم ١٥ حاسة بالضغط والاتهام من امك
وهالشي واضح انه انعكس على نفسيتها ونظرتها لجدتها وحتى للزيارات ومحد يلومها الواحد يطلع من بيته علشان يستانس مو علشان يقعد تحت المجهر والنكد

ومن طرف ثاني أمك يمكن يكون عندها خوف مبالغ فيه من فكرة الجوال وتأثيره على المراهقات وهذا للأسف شكوك وسوء ظن لأنها خصت بنتك لوحدها دون اخواتها وهالشي غلط 


اللحين
الحل بيدك انتي لازم توازنين بين احترام أمك وبين حماية بنتك نفسيًا
لاتجبرينها ابدًا على زيارة جدتها اذا كان هالشي سبب حزنها وضيقتها 

ولازم تعطينها احساس انك واقفة معاها مثل ماسويتِ يوم دافعتي عنها قدام جدتها بموضوع الجوال ترى هالتصرف يعطيها ثقة وامان 

بالنسبة للزيارات يختي مو لازم كل مارحتِ لأمك تاخذينهم معك خلي زيارة بناتك لجدتهم متقطعة وقصيرة
وفكرة
زيارتك لوحدك مثل ما خططتِ فكرة ممتازة علشان انتي ترتاحين بعد وهم اريح لهم بيتهم 

بالنسبة
كلامك مع أمك اختاري وقت هادي وأنتي لحالك وقوليلها
يمه أنا عارفة إنك تخافين على البنات
وأنتي غالية علينا
بس بنتي فلانه صارت تتحسس من بعض الأسئلة وتفسرها بطريقة ثانية
أنا خايفة يتكوّن عندها شعور إنها مو مرغوبة عندك وانك ماتحبينها وجالسة تطفشينها علشان ماعاد تجيك 

فودي إذا فيه شي مضايقك منها تكلميني أنا مباشرة وأنا أضبط الوضع معها 

كذا تبين لأمك إنك تقدّرين حرصها وفي نفس الوقت توقفين الاتهامات اللي تضر بنتك

اما والله اذا استمر الوضع وصار اوڤر
من حقك تخففين زيارات بنتك عندها وتخلين علاقتهم على قد ما يتحملون بدون ضغط

( بنتك ونفسيتها رقم ١ ) اهم من كل شي 

اجلسي مع أمك وتكلمي معهاابكل صراحه واسأليها عن كل شي ،، مع اني ماتوقع انها لاحظت عليها شي بس هم كذا الكبار إذا حطوا احد في بالهم الله يعينه ..

انا مع امي وولدي اذا صار شي امي منفتحه تقولي في الوجه لازم كذا وكذا حتى لو اختلف معها في بعض النقاط . المقصد نفس ماقالوا البنات فهمي من امك السالفة ليش البنت الوسطانية بالذات شفتي عليها شي احد نقل لك عنها شي كذا فاتحيها بالموضوع مع حبك وتقديرك لحلها لاحفادها ومعزتها

و بالزياره الاخيره بنتي ضمتني و تطلبني البقاله و تترجاني و انا اضحك و امازحها ، هنا امي انفجرت وهاوشتني و قالت وش تبي بنتك ؟ قلت ماتبي شئ نسولف عادي ، قالت وليش تضمك ؟

هذا غلط. لأنها ضنت إنكم تتكلمون وتضحكون عليها.
حتى شرعًا مايجوز ثنين يتكلمون ويتهامسون بوجود ثالث لأن هذا الشي يحزن الثالث.

هذي أمك مهو شخص غريب تتوجسين منه.
ومهي عدو لبنتك أبد
يعني بإختصار شديد وبشكل مباشر
تكلمي معها زي ماتكلمتي معنا هنا.
بس إنتقي ألفاظك
إنتبهي تتكلمين معها من مبدأ الهجوم أو الإستنكار أو العتب.
تكلمي معها إنه أنا ملاحظه إنك تتابعين بنتي عسى مهي غلطانه عليك أو مزعلتك في شي يا يمه.
علميني وش مسويه والله لوريها
أنا ما أرضى الغلط عليك
مع إنها تحبك وتحرص على إنها تجي معي إذا جيتك.
يعني لاتكلمينها كمتهمه إنتبهي.

وماتدرين يمكن تكتشفين وتعرفين شي كان مخبا عنك.

لا ماعندها بنات خالات
اخواتي ضناهم اولاد و اكبرهم ثالث ابتدائي والباقين صغيرين