تعامل اختي معي

السلام عليكم .
اول شيء الله يتقبل صيامكم واتمنى تدعون لي .
انا اختي اصغر مني بسنه وانا وياها بغرفه وحده طول الوقت ناقر ونقير
كل ما اسوي اي شيء تجي تنتقده والله انتقاد يبكي وانا ما اعرف اش ارد عليها
هي تحب تصرفات الاولاد وهي زي تصرفاتهم حتى كلامها زيهم حتى ترحيبها على الناس زي العيال بالضبط
وانا الله اعطاني موهبه بالمكياج وبالمناسبات والاعياد تجي عشان احط لها وانا على نياتي احط لها لان ابغاها تصير بنت لو شوي على الاقل
بمجرد ماتخلص المناسبه تجي تنتقد المياج اللي سويته لها وتجلس تضحك ضحك هستيري وانا احاول اسوي نفسي ما اتأثر لكن انا انسانه غصب اتاثر لدرجه اشك باللي اسويه هل هو صح او غلط .
ثاني شي لما احط ماسك للشعر او الوجه تجي تلم البيت كله شوفو كيف صاير وجهها وتضحك وهم يضحكون بسبب تعليقاتها
ولما احط شيء بشعري والفه تجي ترفع شعرها تقول كأنك درباوي وتضحك بصوووت عاالي وانا يبان بوجهي اني متأثره ووالله خدودي تحمر واذا رديت لو مجرد رد يبان علي واجلس اكلج وترد الكلمه بعشره.
لما نجتمع بحديقه مع خالاتي وبنتاتهم اللي عاقتنا معاهم مو مره كويسه والله ما تخليني اتكلم ابد اذا جيت بتكلم او سالو عن حاجه بالمكياج وابغى ارد ترفع صوتها وتقول احنا مالنا بالمكياج وهم ملاحظين اني كنت بتكلم بس اسكت بسبب كلام اختي .
ابوي ما يرضى عليها ابد لدرجه ممكن يظلمني وياخذ حقي بس عشان يعطيها اياه وما تزعل تخيلوا اني اصحى الساعه خمسه الفجر عشان اتجهز للجامعه من لبس وشعر ومكياج وهي تصحى 7 الا ربع وابوي يوصلها هي اول شيء مع اني انا اقرب من جامعتها واكون ما خذه موقف من ابوي وزعلانه تجي تهاوشني تقول ما يصير حتى تبينين انك زعلانه منه لان هذا من البر وهي اذا هاوشها ابوي وهذا نادر جداً ما تشوفينها كيف والله يناديها وما ترد عليه يقول لها سوي لي شاهي مترد وما تسوي له طيب وين البر اللي تقول عنه ؟؟؟
المشكله واللي محيرني اكثر انها ملتزمه وداخله تحفيظ. وانا كل ما اشوف وحده من التحفيظ تبان اخلاقهاالطيبه يبان القبول لها عند الناس كلامها موزون ما تحب تغلط على احد يعني ربي موفقها بحياتها الخاصه وبياتها مع الناس . الا اختي هذي وين اللي تعلمته من التحفيظ وين اخلاق القران اللي لازم تتحلى فيها والله توصل معاي بعض الاحيان اني ادعي عليها بس اهدأ شوي ارجع استغفر
مدري ايش اللي يخليها تتصرف معاي كذا وانا اتأثر بسرعه وصارت ثقتي بنفسي متساويه مع الارض بسبب تعليقاتها وهي لو علقتي عليها بحرف زلزلت الدنيا فوقك ايش انسب حل معاها
كيف اوقفها عند حدها لحد يقول طنشيها لان طنشتها واعتبرته ضعف وتمادت اكثر باشياء مقدر اكتبها هنا الله يخليكم او شيء ادعولي وردو علي شلون اتعامل مع وحده بنفس البيت طول الوقت مقابلتها ؟؟؟