تعامل زوجة ابي معي ومع اخواتي المتزوجات

السلام عليكم ورحمة الله وبركاته


يابنات انا ابي افضفض لكم شوي تعبت انا وخواتي نبي حل
الحمدلله انا وخواتي كلنا متزوجات
وبنفس المدينه اللي عايش فيها والدي مع زوجته
زوجته تكرهنا من سنين وسوت لنا مشاكل ما الله بها عليم وتحرض ابوي علينا تخليه يطردنا امام ازواجنا وطبعا ماتسلم علينا ابدا ونرجع نراضيه لصلة الرحم وصرنا نتفشل من كثر تفشيلاته لنا امام ازواجنا ومهما كان مانبي نبين لأزواجنا ان مالنا ظهر والله ازواجنا تغيرو علينا هواش ومشاكل دارين ان مالنا ظهر اتفقنا بدال ماتزوره كل اسبوع وحده مع زوجها صرنا نجتمع ونروح له لحالنا بدون ازواجنا ،،، وتجي ولاتسلم علينا وتجلس على قلوبنا من اول ماندخل عنده الين نطلع بس تقز وتسمع وش سولفتي وش قلتي
طبعا الوالد الله يهديه يعرف هي وش تبي يسألنا عن كل كبيره وصغيره في حياتنا فغصب نجاوب وهي جالسه واحنا نجاوب واذا سولفنا معاه بأي شيء مثل ماهو يسألنا قدامها مايعطيك شيء صدق ومانعرف اخباره الا من الناس
واذا تواجهنا معاها عند اي حد من العائله ويسألها احد من الحريم عن اي شيء تصرفه او تقصر صوتها جدا جدا عشان مانسمع
ياناس والله كل ماتفقنا نروح له خواتي صارو يكرهون الروحه له بسببها وكل وحده تصرف بزوجها او عيالها ونروح مغصوبين وتحسين الجلسه ممله ودك تمشين الوقت وترتاحين .
وش الحل يابنات ؟؟؟؟!
ان رحنا مع ازواجنا تفشلنا قدام ازواجنا غير ان انا وخواتي لاحظنا تغير ازواجنا علينا
وان رحنا لحالنا جت هي مثل المسمار من اول الجلسه لآخرها هذا غير انها تنشر كل الاخبار والسوالف اللي تسمعها لكل الناس القريب والبعيد