اولا انا نزلت هالموضوع لاني كل فتره الاقي وحده منزله موضوع تبي حل و ارد واحيان ما اقدر ارد
فقلت اكتب تجربتي علشان تستفيدون ما ابي لا شكر و لا ذكر ابي تدعون لي
ابي دعوه منكم ان الله يصلح نيتي و ذريتي و عملي و خاتمتي
و يبارك لي بذريتي و زوجي و صحتي و وقتي
و يرفع ضر اخواني عاجلا غير اجل
نرجع الى الحشره الشريره
انا سببت لي رعب كرهت بيتي و نفسي
كأنها طالعه من فليم the ring
بحثت عن الحل بالمنتدى و حطموني البنات بقولة
مايروح مايروح
ارمي عفشك
غيري بيتك
بس انا ما يأست و سويت بحث عن الحشره ودورة حياتها وسبب انتشارها فجأة و حنا ما كنا نعرفها نسمع عنها بس
سبب انتشاره في العالم هو حظر الماده الفعاله في ابادته من الاستخدام
و قدرت انا المدعوه ماااسة الجمااال
بحول الله و قوته اني اتخلص منه باسبوعين و لي اكثر من السنه ما شفته الله لا يردهاول شي لازم تعرفون اعداء البق
الحراره فوق 50 درجه
الكلونيا
النفثالين
الكلور
القاز(التنر)
الديازين60 (هذا اكتشاف جارتي الله يسعدها جابته للنمل و انا جربته على المصيبه البق)
اللي سويته
1/// غسلت كل البطانيات و المفارش و المخاد و الملابس بماء حار يغلي و ديتول و بعضها بكلوركس و حطيتها بالمجفف الحار و على طول حطيتها باكياس فيها نفثالين و رشيت عليها كلونيا و قفلتها زين
2/// جبت ديازين 60 من مشتل و حطيته بعلبه و زدته مويه بس خليته مركز اكثرمن اللي مكتوب بالتعليمات و طلعت عيالي من البيت و غطيت كل الاكل و رشيت كل البيت (كله يعني كله )ماخليت و لا1سم
الكنب الستاير الجدران الابواب المغاسل الدواليب الحوش الشبابيك من جوا و برا الارض الدربزين ورا الدواليب و التساريح و الاسره غرقتها الكنب قلبته و رشيته من كل جهه وكذلك الطاولات و سكرت الابواب والشبابيك ورحت لاهلي 3 ايام غسلت ملابس عيالي ماء حار و ديتول و حطيتهابالمجفف الحراري
3/// يوم رجعت من اهلي جبت شغاله بالساعه وخليت عيالي بالحوش فتحت الابواب والشبابيك وجبت سطل فيه ماء و ديتول وكلوركس و مسحت كل البيت و المواعين و الدواليب مسحتهاو بخيتها كلونيا و حطيت فيها نفثالين و مسحت حتى الكنب
4/// بعده بكم يوم شفت حشرتين دايخين شكلهم الوحيدين اللي نجوا من الاباده الجماعيه بس لاااااا ما رحمتهم جبت الجزمه اكرمكم الله و اوسعتهم ضربا حتى فارقوا الحياه
5/// كل اسبوعين ارش على خفيف للوقايه فقط لمدة شهرين و خلاص
تم بحمد الله و توفيقه
