حبيباتي هذا الله يسلمكم وحده من قريباتي تعاني من الجاثوم وشخير اثناء النوم وتمت اكثر من 10 سنين على هالحال بس حالتها كانت خفيفه ... المهم تقريبا آخر سنه اشتدت عليها الحاله وصارت ملازمتها طول الوقت بحيث لازم لما تنام يجيها الجاثوم وينقطع نفسها وتبدأ تصارخ والحاله ماتنتهي الا اذا احد حركها واما الشخير << فحدث ولاحرج :hahaha:
لما اشتدت عليها الحاله على طول راحت للدكتور.. وزوجها مثقف وعرف انه هذي الحاله خطرة لانها ممكن تسبب امراض مثل ارتفاع ضغط الدم او سكته دماغيه الله يحفظنا ويحفظكم .. طبعا هي عايشه بدوله اجنبيه و وصفو لها دواء اول واحد جاب نتيجة بس سعره كان كثير غالي والعلبه صغيره بس ثاني واحد علبه اكبر وسعره ارخص بكثير وقريبتي تقول انه مافي فرق بينهم والعلاجين حلو لها المشكله والفضل لله والمنه ..
المهم هذا العلاج اللي هي تستخدمه وتقول عنه انه ارخص ومافي فرق بينه وبين الغالي
اسمه : NASACORT AQ
وهذي صورته
هو عباره عن بخاخ تبخ بختين منه بكل فتحه من فتحات الانف قبل ماتنام .. وهي مستمره عليه... ودعواتكم ان ربي يشفيها ...
وبليز اي وحده تجرب العلاج وينفعها تبشرني ..
واي استفسار انا جاهزه :35:
دعواتكم