صباح ومساء الخير لكل الكروشات وخاصة اللي يعانون من الحرقان والحموضة بالمعدة :06:
انا الحمد لله معاناتي منها قليلة جدآآآآ لاتذكر قولوا ماشاء الله .. المهم جاني فيروس قبل يومين بالمعدة وصار معي اسهال وترجيع تكرمون وحرمت نفسي من الاكل وصرت ااكل شيء خفيف مرة بس عشان النونو وانا متعودة من بداية حملي من بعد الوجبة بساعتين اشرب كوب شاي اخضر والحمد لله يريح معدتي ويحميها من الحموضة لكن مع فترة المرض اللي جاني ماشربت يومين وجاء امس الصباح الا والحموضة تلعب فيني لعب وتكتم نفسي ياربي صرت طول الوقت بس :o وارجع الحموضة يااااااااه والله معاناة معها .. واروح اشرب حليب السعودية بارد مرة ولا نفع بشيء .
قلت يابنت اخذي لك حبة رينامكس للمعدة يمكن يريحك ونفس الحال ماتغير شيء .
وبعدها بساعة وشوي تذكرت الدواء حق الحرقان اللي لونه ابيض مو متذكرة اسمه واروح واشرب منه قلت ان شاء الله برتاح الحين ومافي فايدة استمر الحال على ماهو عليه ..
واروح ابحث بالنت والاقي وحدة بأحدى المنتديات كاتبه علاج للحرقان للحوامل خاصة وان امها وصتها تأخذه وهي مرتاحة عليه مرة وروحي طيران وجربي العلاج والله مجرد مااكلت منه حسيت براحة العلاج روووووعة وغير ذلك مفيد جدآآآآآ للحوامل الله يجزيها ويجزي امها الجنة يارب ..
تبغون تعرفون العلاج نزلوا شوي :::
اي هذا العلاج (التفاح الاحمر ) لاتستغربون والله رهيب جربوه وبتشوفون الفرق بتخف نسبة الحموضة من 80 الى 90 % وهذي نسبة كبيرة خاصة للحوامل اللي يتمنون انها تخف حتى لو 40 % ولاتنسون تأكلونها وهي باردة من الثلاجة للفم ..
وبالاخير تكفون تكفون تكفون
انكم ماتنسوني من دعواتكم وان الله يحقق لي امنيتي وتكون ولادتي طبيعية سهلة ميسرة يارب ياكريم انت قادر على ذلك