تعانين من الوسواس؟ ادخلي وترتاحين بإذن الله

السلام عليكم ورحمة الله وبركاته
الوسواس صح انه صعب انك تعيش معاه ، بس سهل انك تتخلص منه ، لا تقول الكلام سهل والافعال صعب ، اذا انت ايمانك بالله قوي وعندك الإرادة راح تتخلص من الوسواس بأي حالاتك ( الوسواس القهري ، الوضوء ، النظافة ، التفكير ، و و و )




كثير منهم يحزنون انه ربي ابتلاهم بوسواس ! تأكد انه هذا ابتلاء من رب العالمين وعليك الصبر والدعاء وحسن الظن بالله ، اليقين ، وألح بدعائك في كل اوقاتك واكثف دعائك في ثلث الأخير من الليل وفي السجود♥️👌🏻.
علاجك سهل عند الله عز وجل وبالنسبه لك صعب ومستحيل تطلع من الوسواس ، بس لو تحط اليقين في قلبك كل شي راح يتغير للأفضل ، انت الحين محتاج انك تتقرب من الله 🌾☁️.






ولا تحزن واحمد الله على ما انت في ، وتجاهل الوسواس بقوتك وثقتك بالله ، بداية علاجك راح تحس بتعب وتحس انك ما راح تقدر تكمل ، بس صدقني انت تقدر ومافي شي يصعب عليك ، توكل على الله وخذ لك نفس عميق وتجاهل الوسواس💛🍂.
وكمل حياتك مثل ما انت تبغاه ، كل ما تحس انك تختنق من الوسواس تعوذ من ابليس واستغفر ، اعط نفسك الإيجابية راح ترتاح بإذن الله 💚🌻.






الوسواس شي يعقد بعض منهم ما يتحمل ، ويكون بحاله محد يعلم فيها غير العالمين ، بس صدقني الحل بيدك انت تقدر تتخلص من الوسواس بكل مافيك 💛🌧.


دايما انت بنفسك تغرس في عقلك الكلام سهل والافعال صعب ، عقب صدق بيكون صعب عليك ، لانه انت ما تعطي نفسك الفرصة انك تفتح صفحة جديدة 🌿💚.


ألح بدعائك في كل وقت ، واكثر في سجودك " انه ربي يخلصك من الوسواس " واقرأ القرآن اختمه في اسبوع ، او شهر ، يلي تقدر عليه ، اهم شي لا تضغط على نفسك عشان ما تحس بالفتور 💙🌧.


اجعل ذكر الله على لسانك ، وتعوذ من الشيطان ، افرح واستانس في حياتك واكثر من " لا إله إلا الله ، وحده لا شريك له ، له الملك وله الحمد وهو على كل شيء قدير " 🌸.


لا تستلم من وسواس الشيطان ، انت تقدر تتخلص منه ، وتقدر تعيش حياتك براحة البال والفرح ، الشيطان من يشوفك تستسلم راح يفرح على حالتك وياخذ فرصة على نفسه ان يكسرك اكثر ، ويضحك عليك ♥️🌻.


لا تعطي فرصة ، انت اقوى عنه ، تغلبه بكثرة ذكر الله ، وتقرب من الله ، واكثر من الطاعات ، واجعل التجاهل في قاموسك ، كل ما توسوس " على طول تجاهل واقطع حبل تفكيرك " بذكر الله واشغل نفسك بأشياء انت تحبها 🍂💛.






⚪ وسواس الصلاة:


دايما وابدا اجعل هالقاعدة في بالك
" ايمانك بالله وثقتك يقينك " و" التجاهل ، التطنيش " صح انه صعب تتخلص من الوسواس واحيانا تبكي وتحس كل شي ضدك بس بالتقرب من والله والتجاهل راح ترتاح ♥️🌾.


" انت عارف انه وسواس صح "!
خلاص طنش لا تحط في بالك ولا تفكتر ابدا ، كل ما تصلي الشيطان يوسوس لك انك ما كبرت ، ما قلت وما سويت وما سجدت و و و ، طنش ، ولا تسمع له وكمل صلاتك وانت عندك يقين انك اديت صلاتك بأنتظام من غير نقص او شي 💙🌿.


راح يمر يوم ويومين وشهر وشهرين وتلقى نفسك بقدرة الله " انك شخص ثاني " عايش حياتك ومرتاح وما تفتكر بشي وانك تخلصت من الوسوسة الشيطان💛👌🏻.


لا تضيع احلى ايام عمرك عشان " الوسواس " ردد في عقلك الباطن اشياء ايجابية عشان ترتاح وما تندم انك عطيت الشيطان انه يغرس في عقلك اشياء سلبية 🌿🌾.


ردد في نفسك بكل ثقة ويقين :
انا قوي بربي وبطنش الشيطان وبفتح صفحة جديدة ، وكل اللي صار معاي راح اتخلص منه وارمي ورا ظهري وانا راح اكمل حياتي بكل فرح وراحة البال) 💛🌿.




ولا تنسى انك تتوكل على الله في كل امورك ، وألح بدعائك ، الله قريب وسميع ومجيب ، يجيب دعوة المضطر إذا دعاه ، استغفر ، حوقل ، صل على النبي ، تصدق ، الصدقة مو شرط بالمال ، افضل الصدقة سقيا الماء ، تقدر تسقي الزرع ، وتعطي طيور الماء ، ولا تنسى تحط النية في قلبك 💙🌻.






⚪الوسواس في عدم تركزين فالصلاة:
البعض يصلي ويوم يوصل لـ ركعة 3 او 4 الشيطان يوسوس له ، انه يعيد صلاته ، ويوسوس له انه ما توضأ او انه قال في في ركوعه سبحان ربي الاعلى ، او انه ما قال في سجوده سبحان ربي الاعلى ، يتم يوسوس له في كل امور الصغيرة والكبيرة 💛🌿.
وعشان تنتبه لصلواتك اكثر واكثر ، احفظ سورة جديدة ، لا تصعبها على نفسك ، راح تشوف الفرق انك بتكون مركز في الكلام وتتذكر شوه الاية اللي بعدها 🌾☁️
ابدأ بسور الصغيرة ، كل يوم احفظ لو 5 ايات ، وكررها في كل صلاة ولما تحفظه خلاص كأنك ضربت عصفورين في الحجر ( الخشوع في الصلاة ، وتبعد الوسواس عنك ) ♥️🌻.
وانت تصلي اقرا بشويش ، وركز في اللي تقوله ، ولو وسوس لك الشيطان شد على نفسك وركز ، وشوي شوي وراح تتعود ، مو كل شي راح يتغير بين يوم وليلة ، اصبر مع الصبر راح تشوف الراحة والفرج 💙🕊.
وصل صلواتك بخشوع ، لا تصليها بسرعة بسرعة ، جنه في حد يركض وراك ، ولا بطير عليك الدنيا ، الصلاة عبادة وراحة البال وطمأنينة 🌧🍂.
" اللهم ثبت قلوبنا على طاعتك واجعلنا من محافظين الصلاة في اوقاتها وخاشعين فيها يارب ♥️♥️🌾






⚪علاج الوسواس:
قد تكلمة عنه، وانت بيدك تقدر تغير من نفسك ، وتأكد انه سعادتك بيدك انت وحدك ، وراح تتغلب عليه ، لا تستسلم استمر ، ولا تخاف لو ما شفت النتيجة ، مع الصبر واليقين كل شي راح يتغير بلمح البصر 🌧🌸.



وراح اتكلم عن علاج الوسواس مرة ثانية عشان تطبقونه وما تيأسون :


1- اذكار الصباح والمساء ، اذكار النوم ، اذكار بعد الصلاة .💙🍂.


2- الوضوء 24 ساعه ، وانتظام على الصلوات المفروضة 🌾♥️.


3- واكثار من ذكر الله ، الصدقة ، قراءة القرآن ، التسبيح 🌸🌧.


4- الإستغفار ، الصلاة على النبي ، الحوقلة 🍁💚.


5- اجعل التجاهل في قائمتك لـ التغلب على الوسواس ☁️💐.


وافحص على فيتامين د ، لانه اذا ناقص فهو السبب اعراض الأكتئاب ، نسيان وعدة المشاكل نفسية ، واذا ناقص اقعد على الشمس لانه قوته اقوى من الادوية ، واقرا القرآن واستغفر بترتاح . 🌱♥️.








أعجبني فنقلته❤️