كوبونات الراقية تسجيل الدخول

**شذا الورود**

تعانين من انتفاش شعرك بعد الاستشوار << طيب تعالي لقيت الحل

العناية بالشعر •

مساء الخير لكل بنات عالم حواء المتميزات ...

بصراحة فكرت انزل هالموضوع علشان الكل يستفيد زي مااستفدت انا وكل طلبي ورجاءي بالدعاء لي

بأن يسهل لي ربي اموري ويرزقني بالشغالة السنعة واللي كلها اخلاق عاجلا غير آآآآجل << <

لاتلوموني :angry:.. :icon33:

البدايه كانت لما شفت قريبه لي كانت تشتكي من مشكلة انتفاش الشعر بعد الاستشوار وكنت ملاحظه

انها بالفترة الاخيره متغير شعرها تغير عجيب وبالمناسبات والزواجات من اول المناسبة لاخرها

والشعر وااو منسدل ومرتب ولا انتفاش ولا شي طلبت منها تدلني لأني اعاني من نفس المشكلة اتعب

على شعري واستشوره ويصير يجنن وخيااال بالبداية لكن بعد كم ساعة ينتفش والا يتلفلف من تحت

لان طبيعة شعري كيرلي و الشعره خفيفه بسرعه تنتفش رغم انه كثير وطبيعته جاف ..


الزبدة من الموضوع .. والا اقول لكم ابشوف التفاعل والردود اوول وبعدين اكمل













لالا امزح كح كح <<< خافت تنطق :42:


بس حبيت ابين للي يسوون كذا قد ايش يرفعون الضغط << اخلصي علينا

ايه قلنا الزبده الزبده الله يسلمكم بعد ماتغسلين شعرك بالشامبو انا استعمل الفيف الاحمر للشعر

المصبوغ حطي حمام زيت فاشكول بالصبار اللي لونه اخضر ررر<<< تراه هو القنبلة بالموضوع

تكفون لاتستهينون فيه

...تحطينه على شعرك وتربطين كيس بلاستك لمدة نص ساعة وكل ماطولتي ازين ثم

تغسلينه بماء وبس وبعدين جففيه بفوطه وقبل لاتبدين استشوار حطي سيروم اي نوع انا استعمل احيانا

الفيف البرتقالي واحيانا كريستال ثم استشوري شعرك وشوفي النعومة على اصولها لا والاحلى اللمعة

بالشعر والاستشوار يبقى الشعر على حاله لو تقعدين يوم كامل حتى اني خلاص ماصرت استشور

بالصالون استشور نفسي بالبيت وبالاستشوار العادي انا استشواري براون اللي لونه رمادي وفرشته

فيه ومايتغير ولاينتفش وقسم بالله يابنات ان زميلاتي بالدوام اول مابدت الدراسة بس يناظرون شعري

(عاد انا تعلمت للفاشكول بالاجازه خخخخخ وهم خابرينه من قبل كشه وباهت وماكنه مستشور )

وكم وحده سألتني شعرك متغير وش مسويه ووحده قالت شعرك صاير يلمع وصحي وش سويتي فيه

والله العظيم ماكتبت الموضوع الا علشان افيدكم وانتم جربو وعلموني بالنتيجة وصدقوني مارح

تندمون بس رجااااء لاتجي وحده وتقول فاشكول بالثوم والا مدري وشو تراهم كلهم كنت استعملهم من

اول ولا كنت اشوف اي تغيير صح اني ماكنت اخليهم يطولون زي الصبار على حسب الطريقة الجديدة

بس مااظن انهم يفيدون زيه لاني اوقات اكون مستعجله ومااخليه يطول وبرضه يطلع شعري حلو بس

اذا تبين الاستشوار يثبببت طولي لماتحطينه يعني اقل شي نص ساعه واربطي كيس ..وتراا أنا قلت

بالصباااار لونه اخضرمن داخل وريحته قويه شوي بس مو شينه ..<< وه ياكثر بربرتي :)


يالله باي واتمنى تطيرون على السوبر ماركت والا محلات التجميل وتجيبونه وتعلموني بالنتيجه ..
99
43K

يلزم عليك تسجيل الدخول أولًا لكتابة تعليق.

تسجيل دخول

روب الصافي
روب الصافي •
والله
اسمه سيروم بالعربي
وبالانجليزي ايش
كم سعره
اقدر احصله بالصيدليات
لا جوا
لا جوا •
يعطيك الف عافيه :)
كوكيكا
كوكيكا •
مشكوره حبيبتي وجزاك الله كل الخير فعلا نصيحه غاليه ان شاء الله اجرب وادعيلك دعوه حلوه
**شذا الورود**
**شذا الورود** •
روب الصافي روب الصافي :
والله اسمه سيروم بالعربي وبالانجليزي ايش كم سعره اقدر احصله بالصيدليات
والله اسمه سيروم بالعربي وبالانجليزي ايش كم سعره اقدر احصله بالصيدليات
لحظه لحظه السر مو بالسيروم ياعيوني السيروم كلن يستعمله بس لحاله ماراح ينهي المشكله السر بحمام الزيت فاشكول بالصبار وتخلينه يطول على شعرك وتربطين عليه كيس بلاستك وبعدين لاغسلتيه حطي السيروم والسيروم تلقينه بأي محل تجميل وممكن تحصلينه بالصيدليه فيه الفيف من لوريال وفيه كريستال من يوكو وسعره تقريبا 25ريال وسلامتك :26:
**شذا الورود**
**شذا الورود** •
لا جوا لا جوا :
يعطيك الف عافيه :)
يعطيك الف عافيه :)
ويعافيك حبيبتي مشكوره على مرورك