مرحبا بنات شلونكم :)
اول موضوع اكتبه من اشتركت اليوم وخايفه ولاني عارفه رده الفعل :(
هل راح يعجبكم الموضوع ؟
انشاءالله يعجبكم :)
انا دايما يسالوني سر ثبات الشدو على جفني ماشاءالله وليش لونه مايتغير ولا يتجمع بثنايا الجفن -- تبون السر ؟؟
خطوات لو اعتمدتيها اضمن لك ثبات الشدو لو بعز الصيف والحر والرطوبه
اول شي :
ماتحطين كريم العنايه بالعين في منطقه الجفن ابدا
لازم تكون هالمنطقه نظيفه ومافيها رطوبه يعني مو تمسحين مثلا مكياج العين بمستحضر التنظيف وتخلين المكان رطب ! لا غلط لا زم تجففينه بقطنه لو كنتي مثلا متوضيه ولا غاسله وجهك
هذي اشياء اوليه
الاهم في مستحضر يساعد بثبات الشدو وهو من ماركه اليزابيث اردن ممتاز ولكن لو مابغيتي تشتريه مو مشكله اتبعي الاتي :
اول شي لا تحطين كريم اساس عالجفن وايد بنات يحطونه عالجفن علشان يوحدون اللون وهذا غلط
قبل ماتبتدي حطي بودره مضغوطه باسفنجه ووزعيها فوق العين منطقه الجفن كلها بعدين بودره سائبه طقه وحده او ثنتين بالكثيريعني تنظفين بالفرشا رايحه وجايه بالبودره
بعدين مثلا بتحطين شدو اسود بتسوين سموكي مثلا جيبي الولاعه ومرري قلم الكحل عليها بسرررررررررعه وهو سايح شوي ارسمي الرسمه فوق الجفن واخذي فرشا ووزعي الزايد
بعدين حطي الشدو فوقه ولعبي مثل ماتحبين بالشدو اللي فوق يعني لؤلؤي تحت
الجفن وتحت اللؤلؤي اللون الخوخي وبعدين الشدو الاسود والله اللون الخوخي عجججججيب او الوردي اللي هو الزهري بس افضل انا تحطي الالوان قبل يعني بعد البودره السائبه تحطي اللؤلؤي وتحت اللون اللي تحبين تحطينه ازرق - زهر - عنابي -اخضر - زيتي وبعدين الشدو الاسود
واخر شي بفرشا كبيره شوي وانا افضل فرشا لانكوم نظفي الزايد كانك تمسحين يعني تحطين الفرشا من بدايه العين وتمسحين بخفه لخارج العين راح يصير شكل الشدو مسحوب :)
وراح يثبت معاك الشدو لاطول مده واذا تعودتي على هالطريقه ماراح تاخذ معاك 10 دقايق بالكثير وبيطلع عجيب انشاءالله :39:
نسيت اقول شي اذا ماتبين تحطين كحل وتولعين وهل مراحل كلها كافي البودره المضغوطه وفوقها اي شدو تبينه راح يثبت وهالحركه حلوه للي ماتستخدم الالوان الغامقه يعني اللي تحط سماوي او زهري فاتح مع خط اي لاينر
دوله الكويت @dolh_alkoyt
عضوة نشيطة
يلزم عليك تسجيل الدخول أولًا لكتابة تعليق.
سندس واستبرق وام طوري الله يجبر بخاطركم جبرتوا بخاطري قاعده ساعه اكتب ومشتطه واندقرت اخر شي ههههههههه
مشكوووووره حبيبتي يعطيج الف عافيه فعلا خوووش فكره
بس الكحل لما احركه تقصدين ارسم فيه بدال الشدو الاسود؟
ياريت توضحين اكثر بنقااط 1 2 3 يكون اوضح واسهل :)
سوري بنكلفج ويانا :)
شوووووووووكرا
بس الكحل لما احركه تقصدين ارسم فيه بدال الشدو الاسود؟
ياريت توضحين اكثر بنقااط 1 2 3 يكون اوضح واسهل :)
سوري بنكلفج ويانا :)
شوووووووووكرا
الصفحة الأخيرة
يا حظيىىىىىى