بسم الله الرحمن الرحيم
كيف حالكم يااخواتي ان شاء الله بخير
والله يااخواتي اني ماكتبت من فراغ ولكن من قله الحيله والانكسار ونظره الناس اللي ماترحم انا اول ماكانت تهمني نظره الناس لي كمطلقه ويمكن ماحسيت اني مطلقه لاني بكل بساطه ماحسيت بطعم الزواج عشان احس بطعم الطلاق ومرارته لكن الموقف اللي بااكتبه لكم هو اللي هزني وكسرني مع اني من النوع القوي واللي يكابر لكن مااقول الا الشكوى لله
يوم الخميس يابنات كانت عندنا عزيمه وكنت انا اللي اقهوي الحريم وعندي اختى المتزوجه وكانت جارتنا من ضمن الحضور وهي جديده ع الحي طبعا امي بدت تعرف جارتنا على المعازيم وكان من ضمنهم زوجه عمي وهي كبيره بالسن وكانت عقيم وتزوج عليها عمي عشان الذريه فيوم وصل الدور عند زوجه عمي انا اناديها ياعمه قالت امي وهذي زوجه حماي وزوجها مايشوف مثلها وبدت امي تمزح معها بالكلام وهي الله يحسن خاتمتها >>>اللى هنا والموضوع ماشي مافيه شئ نجي للسالفه اللي ماخلتني انام وزادت همي هموم الله المستعان
انا واختى الصغيره جنب بعض واختى المتزوجه جنبنا لكن كانت تسولف مع زوجه اخوي انا يوم سمعت امي تمدح بعمتى وترفع لها قلت لاختى الصغيره بمزح والله شكلها حتى الروج ماتعرفه والله يابنات اني كنت امزح ويعلم الله بنيتي وهي عجوز يالله حسن الخاتمه وحتى كلام امي للضحك بس وعمتى كانت تضحك المهم يوم قلت لاختى الصغيره هالكلام طبعا مااحد يسمعنا الا اختى المتزوجه تقرب لاذني وتقول ابرك منك ومن اختك يالمطلقات تقصد اختى اللي اكبر مني:44:
بالله يابنات لو كنتوا مكاني وش بتقولون والا وش بيكون شعوركم انا عارفها قصد اختى مزح برزح ودايم لاقلت فلانه والا علانه بتجي قالت يمكن يخطبونك لولدهم عشان راتبك ودايم بس تسالني راتبك مازادانت وش تسوين براتبك لاتعطين اهلك بكره يموتون يورثونهم اخواني انتي ليه ماتشرين للبيت وتغيرين الاثاث انتي فلوسك لو تخلص هالشهر تجيك الشهر الحاي واذا بغت شئ دقت وفصلت انا ماعندي رصيد واذا قلت يالله بسرعه خلصيني قبل مايخلص رصيدي قالت خليه يخلص واذا قلت ماعندي رصيد قالت عسى ولا سمعت اني بروح للسوق دقت على اشتريلي الحاجه الفلانيه جيبي لبنتي الفستان اللي بالمحل الفلاني واذا شافت عندي شئ يهبل اباخذه انتي تروحين للسوق دايم وانا يشغلوني عيالي والله حتى الكريمات وقسم بالله يابنات ماحلفتوني اني كنت اوجبها وكل بعد فتره اعطيها اللي يقدرني ربي عليه لغايه ماطفح الكيل وخاصا انها مو من النوع اللي تحسينها تخاف على اختها لا اهم ماعليها مصلحتها وتحب المدح ولو على كيفها سلمتها راتبي وتصرفت فيه يعني لو تشوفون بخلها على نفسها وكرمها مع للناس ماتصدقون
طبعا انا عطيتكم نبذه عن سلوكها معي حتى ابين لكم وشلون تعاملني عشان مااحد يقولي لا تسئ الظن انا حاولت وحاولت وحاولت اكتم تصرفتها وغيرتها وحسدها انتي موظفه وعندك فلوس طيب الوظيفه جت ببلاش والا بتعب وسهر ليول وقومه من الفجر وهي والله زوجها ماعليه موظف ولا عليهم قاصر وبيت ملك لكن وش تقولون بعض الناس مايملا عينهم غير التراب انا حاسه ان كلامي مخربط شوي لكن والله يابنات من حر مافيني اذا اختى تعيرني بالطلاق الناس وش بتقول انا اللي شجعني على الكتابه انكم بهالمنتدى مثل الخوات واكثر عن جد والله يابنات قسم بالله اجلس بالمنتدى اكثر مما اجلس مع خواتي
طلبتكم يابنات دعواتكم لي ان ربي يرزقني بالزوج الصالح لان بجد مقهووره :icon33:من كلام اختي من يوم الخميس لليوم ماني على بعضي من سبه كلامها نست ان عندها ثلاث بنات والله لوكنت جماد مااحس لكن مااقول الا ربي يرزقني بالزوج الصالح انه ولي ذالك والقادر عليه
انفال1 @anfal1_1
عضوة
يلزم عليك تسجيل الدخول أولًا لكتابة تعليق.
بنت ابووووووووووها
•
حبيبتي لاتزعلين ولايصير في خاطرك الا كل الله يرزقك الزوج الصالح اللي يحطك في عيونه يارب ويهنيك في حياتك عاجلا غير اجلا امين تكفين انتي بعد ادعيلي وانا والله راح ادعيلك
ياقلبي أنتي صراحة ما تنلامي كلامها خنجر وربي
بس ماعليك منها تلاقينها صدق غيرانه منك لأنك ناجحة بوظيفتك
ولا تنزلين منك دمعة عشانها
بعدين اسمحيلي ليه أنتي سلبيه معها كل هالقد ؟؟
خير إن شاء الله وش أنتي ماخذه منها عشان تكدين عليها
لو تستاهل كان ما قلنا شيء
لا تعطينها وجه من ناحية الراتب ولا تسمعين لها
هذا تعبك وشقاك لو ودك تصرفين منه لغيرك فمن نفسك مو من أحد
قولي أمين عسى ما يحول الحول إلا وأنتي ببيت زوجك ياقاااااااادر يا كريم
أنت وأختك الثانية و البنات كلهم ياااااااااااااااااارب >> وأنا معكم خخخ
بس ماعليك منها تلاقينها صدق غيرانه منك لأنك ناجحة بوظيفتك
ولا تنزلين منك دمعة عشانها
بعدين اسمحيلي ليه أنتي سلبيه معها كل هالقد ؟؟
خير إن شاء الله وش أنتي ماخذه منها عشان تكدين عليها
لو تستاهل كان ما قلنا شيء
لا تعطينها وجه من ناحية الراتب ولا تسمعين لها
هذا تعبك وشقاك لو ودك تصرفين منه لغيرك فمن نفسك مو من أحد
قولي أمين عسى ما يحول الحول إلا وأنتي ببيت زوجك ياقاااااااادر يا كريم
أنت وأختك الثانية و البنات كلهم ياااااااااااااااااارب >> وأنا معكم خخخ
اُم شوشو
•
لو انا مكانك من وقتها اقولها لاتشمتين فيجيك اماجاني
بس اللحين خلاص انسي وهالكلمة ارميها ورى ظهرك
ترى الدنيا فنا وانتبهي لفلوسك ووظيفتك ووالدينك
وتذكري لو دعيتي ربي من قلب بالزوج الصالح والله مايردك
بس اخلصي النيه لله والجاي دايما اليه
بس اللحين خلاص انسي وهالكلمة ارميها ورى ظهرك
ترى الدنيا فنا وانتبهي لفلوسك ووظيفتك ووالدينك
وتذكري لو دعيتي ربي من قلب بالزوج الصالح والله مايردك
بس اخلصي النيه لله والجاي دايما اليه
الصفحة الأخيرة