يا حبكم للتحديات .... بس هذا تحدي لنفسج لتغيير مجرى حياتج 180 درجة
انتي دايماً تسوين جدول علشان تظبطين سلوك عيالج .. بس عمرج ما حاولتي تسوين جدول لسلوكج ....
وأتمنى إن هذي اللعبة ... ماتكون فقط لمجرد التسلية ... ولكن القصد هو إن يمر اسبوع من الهدوء في الحياة الزوجية
شروط اللعبة
1- عدم التراجع والاصرار وأي شي تنفذينة حطي علامة صح في المربع
2- تسجيل الإسم وتاريخ البدء ومن اليوم وإلى آخر يوم لتحميل الجدول .... يعني ممكن اليوم وممكن بعد سنة إذا حبيتي بس سجلي التسجيل باللون الأزرق
3- تسجيل النتيجة أول ماتبين أقصاها اسبوع وممكن تسجيل يومياتج في الملف
a. إذا النتيجة إيجابية فسجليها باللون الأخضر
b. إذا كانت النتيجة نص نص سجليها باللون البرتقالي
c. إذا ما كان في أي تغيير سجيه باللون الأحمر
وأرجو التعاون من جميع العضوات
لأني لاحظت كثير من الأخوات إللي يتشكون من معاملة أو طبيعة أزواجهم .... فحبيت ألعب معاكم هذي اللعبة ... وهي مدتها اسبوع إن شاء الله.... أهم شي إللي بتلعب معاي ... ما تخوني ... وتترك اللعب من النص ... يعني هذي اللعبة للجادات فقط
يعني إذا وحدة علاقتها طيبه مع زوجها نبغي نشوف .. هل العلاقة بتطور للأفضل
إللي علاقتها يعني نص نص مع زوجها شو بيصير
اللعبة هذي تقريباً تناسب طبيعة معظم الأزواج بإذن الله
وأهم شي إن زوجك لو تعجب خليج طبيعية ... وكأن إنتي أصلاً طبيعية بس جايز هو ما ملاحظ ...
رابط الجدول للتحميـــــــــل
جـــدول سلوكيـــات الزوجـــة
أو
جـــدول سلوكيـــات الزوجـــة
أو
جـــدول سلوكيـــات الزوجـــة
أو
جـــدول سلوكيـــات الزوجـــة
- ابعثي لزوجج من مرة إلى مرتين مسج في اليوم ... ولا تكثيرين ... ترى إذا زاد الشي عن حده انقلب ضده ... فكوني خفيفة الظل.
- حاولي تبعدين عن الحديث إللي فيه مشاكل العيال أو أهله أو مشاكل عملج أو أي شي ثاني ... واختاري الوقت المناسب للحديث معه ... واستأذنيه هل عنده استعداد يسمعج ... طبعاً بيستغرب بس إنتي خليج طبيعية ... وكأن هذي طبيعتج من الأساس .... وإذا قالج لا ... خلاص اسكتي وقولي له إن شاء الله حياتي.
- اسأليه عن هله وأخبارهم ... وحتى لو ما كلن من عوايدج ... قوي له ما أدري بس أحس إني أشتاق أسمع أخبارهم وأتطمن عليهم.
- فاجئي زوجك إما بهدية تحطينها في السيارة ... أو تبعثين له هدية على مكان عمله... أو في غرفة النوم إلا هو ... المهم مفاجأة.
- إذا طلب زوجج منج شي ... على طول قولي حاضر حبيبي ... وسوي له إللي يبغيه بأسرع وقت وإنتي تبتسمين.
- سوي له الأطباق أو العصاير إللي يحبها ... أو إشرفي وخلي الطباخ يسوي ... وإذا ما كان ياكل في البيت اتصلي به على جواله ... وقولي غناتي تغديت.. والا تعشيت؟؟.
- كل ما طلع من البيت ودخل ... اركضي عليه ... وانتي مبتسمه ... وادخلي الغرفة وراه ... وقولي تآمرني على شي حُب؟؟
- عطري ودخني البيت ... ولا تنسين اتدخنين سجادة صلاته ... وملابسه .
- أول ما يدخل البيت أطلبي من عيالج الهدوء ... أو حاولي اتدخلينهم الغرفة وتشغلينهم بأي شي ... المهم يرجع ويلاقي البيت هادي تماماً .... وإذا عيالج يسمعون الكلام... اطلبي منهم يسلمون عليه أول ما يدخل البيت ... ويبوسونه.
- مهما نرفزج زوجج ... ومهما تلفت أعصابج ... تذكري إنج في تحدي .. وهدي أعصابج ... وعلشان ما توصلين نفسج لمرحلة النرفزة ... حاولي تبعدين عن الأشياء اللي تغيضه ... علشان ما تصير الحساسية من بينكم.
- لا تشغلين اللاب توب في حضورة ... وإذا كان لا بد ... استأذني منه ... وقولي تسمحلي أفتح اللاب توب؟؟ إذا قال كيفج ... قولي إذا تحتاج مني شي ... مافي داعي أفتحه ... لأن سرعة خدمتك أهم عندي من اللاب توب.
- حافظي على مظهرج وأناقتج ... مب لازم ميك آب وغيره إذا مالج مزاج ... لكن اهتمي بلبسج ونظافة لبسج ... وخليج غرشة عطر متحركة في البيت .
- إذا قلتي له وصلني المكان الفلاني ... وقال لا ... قولي شكراً غناي ... المهم إنت تكون مرتاح ... قوليها وإنتي مبتسمة
- إذا بغيتوا تطلعون وقالج وين تبغينا نطلع اليوم ؟؟؟؟ قولي أي مكان تختاره ... المهم نكون مع بعض.
دلوعة & حبوبة @dloaa_amp_hbob
محررة فضية
يلزم عليك تسجيل الدخول أولًا لكتابة تعليق.
دلوعة & حبوبة 15 - 8 - 2007دلوعة & حبوبة 15 - 8 - 2007
بنـــــــــــــــــات لاتفشــــــــــلوني
معقولة محد يبغي يلعب معي :(
معقولة محد يبغي يلعب معي :(
شرهة يدي
•
الله يقطع شرك يادلوعة نزلت الجدول طلع لي تامر حسني او مدري مين يغني مكتوب تامر حسني بالانجليزي وش ذا ؟؟ انا اشجب واستنكر لا خربت كل سلوكياتي ابحاول مرة ثانيه وان شاء الله ما يطلع محمد عبدة
الصفحة الأخيرة
15 - 8 - 2007