تعا لوا شوفوا كيف كنا نتكلم...هههههه

اليو م وانا قاعده لحالي استرجع ذكريات الطفوله والمراهقه تذكرت كم موقف بغيت اموت ضحك على نفسي:42: مره من المرات في عزاء جدي الله يرحمه سلمت علي حرمه وقالت عظم الله اجركم رديت عليها وقلت من يقول ****لله عاد الحرمه تسطرني بذيك النظره:confused-وانا اطالع مدري وش السالفه بس عرفت اني جبت العيد:08:وتمر الايام ..سارت قصه ,, وتجي خالتي وانا لي سنين ماشفتها بحكم زواجي ووجودها في مدينه ثانيه ويوم خلصت الزياره قالت لي تشرفنا بشوفتك والله قلتلها وانا اشرف:Dالا وسمع هذيك الضحكه من الصاله طلعت اختي الخبله ماقدرت تمسك نفسها من هول الموقف عاد انا تدورون لي ماتلقوني اما مره طلعت انا وزوجي عاد واحنا نفرفر بالسياره الا كل اشوي تطلع لي صيدلية النهدي قلت ياخي شكل صاحبها عنكيوت حاط رجله بكل مكان والله ويرمقني بهذيك النظره :eek:قال عنكبوت ولا اخطبوط قلت يوووه شبهت عليه بس وما قدرت امسك نفسي من الضحك لين رجعت البيت اما المصيبه اللي سويتها كانت بداية زواجي دوبني في الشهور الاولى وقف زوجي قدام المرايه قال يالله شكل وزني بيزيد قلت وش تبغى تسير سلق التفت علي وعيونه يطير منها الشرر وانا مبتسمه مدري وش الطبخه:biggrin:قال تدرين وش معنى ذا الكلمه قلت يعني نحيف قال لا هذا نوع من انواع الكلاب اسمه سلق اللي يجيك خصره مره نحيف عاد انا قعدت القط وجهي من الفشله وحلفت ماعد اقط الميانه معاه هذي ياساده ياكرام سوالفي واللي عندها موقف مضحك تحطه في ذا الله يجزاها الخير خلونا نوسع صدورنا شوي والله الله بالردود:26: