والله يامناير لو استحييتي بتلاقين نفسك مجبرة تدفعين بدون اعتراض بعد كذا....
ممكن انتي اذا فتحتي الموضوع تتنرفزين أو ماتوصلين فكرتك بسلاسة وهدوء
ضروري تكونين صريحة وان زعل والدك
بس قبل ماتتكلمين اختاري كلمات خفيفة وحاولي اسلوبك يكون لطيف وهادي بدون تعصب ....
ومعليه والدك لو زعل... بيزعل لكن في الاخير بيرضى
وكلمي الكل و بيني لهم الصورة ترى احيان فعلا نسهى عن تقدير ظروف بعضنا لأننا تعودنا على شيء معين
فممكن اخوانك واخواتك خلاص تعودوا على انك تدفعين معهم وغاب عن بالهم تقدير وضعك المختلف وترى تصير دايم بس مع التذكير ينتبهوا
فما يتقارن الشخص اللي عنده مسؤليات وظروف معينة بشخص ما وراه غير نفسه...
فانتي تكلمي مع الجميع
ومن حقك يختي تتدلعي وتنبسطي بدون محد يراقبك ويحط عينه على فلوسك وان كانوا اهلك....
انتي خصصي مبلغ معين ولاتزيدي عليه...
وإذا طلب اعتذري منه بطريقة لطيفة ان الراتب طار وبقي فلوس الشي الفلاني حتى مايحط عينه عليها...
لو زعل المرة الأولى بيتعود المرة الثانية...

اجتمعي مع اخوانك واخواتك واتفقي معاهم ان كل واحد منهم اول ماينزل راتبه يخصص منه مبلغ الف ريال يعطيه ابوك

وانت نفس الشي خصصي مثلهم واعطيه واذا طلبك بعد كذا اعتذري منه ان عندك التزامات ولو ماعندك ماراح تبخلي عليه مع كم كلمه طيبه واسلوب حلو



نوعية ابوك اتكالي وماراح يتغير فحلي الموضوع من الان لانك ماراح تخلصي اذا تركتي الموضوع مفتوح كانك بنك متى مااحتاج سحب منه ويزعل اذا مااعطيتيه


وعودي نفسك اول ماتاخدي راتبك اجمعي منه لو ٥٠٠ ماتقربيها للزمن ولاتبيني النعمه قدام اهلك اي شي تشتريه او تسويه خبيه عنهم لانهم مايقدروا ظروفك ووضعك


وادعي ربك يبارك لك رزقك ويعينك الدعاء سلاحك لاتغفلي عنه


وتصدقي ولو بالقليل حتى يبارك لك ربي في راتبك

شكرا بنات والله كلامكم صحيح
انا غلطت لما قلت لهم سجلت بنادي اشتراكه الشهري الف ريال
فعلا كل ما سويت شي لنفسي زاد طمعهم فيني.. تعبت قسم بالله

الحين ادور وظيفة جديدة براتب احسن
ولو نقلت لها ما راح اعلمهم الراتب الجديد بس الله ييسر الامور
انا مطلقة ام عيال واكافح حتى اوفر لهم حياة كريمة
بس محد مصعبها الا طلبات هاتي وهاتي

اقعدي مع اخوانك وكل يخصص الف
وانتي اقضي امورك بالكتمان مادام وضعك كذا
لو شريتي شي غالي دسيه او نقصي قيمته للنصف
اشتراك النادي لو مكانك اقول ٢٠٠ وهكذا
راتبك لا تعلمي احد او نقصي لو لقيتي وظيفة ثانية ودايما تشكي لا تظهري النعمة
اعطيهم كل ماقدرتي وفرحيهم لا تقصرين بس على قد ظروفك

حولت له المبلغ وقلت له انت عارف ظروفي ترى هالمبلغ كسرني وبمسك نفسي شهور قدام.. قال ما جيتك الا محتاج له ضروري.. قلت له لازم تشوف حل بدل ما تطلب مني انا واخواني وممكن تعمل لو شي بسيط يجيب دخل مستمر.. عصب علي وقطع كلامي قال: تبغين بتهذليني على اخر عمري؟؟ انا تعبت واستثمرت فيكم وجاء دوركم لرد الجميل.. اذا قاهرتك الالفين الحين اردها لحسابك واخذها من احد اخوانك!!



حسبت بحرارة بمعدتي وضاق صدري