تعبااانه مجرد فضفضه

السلام عليكم ورحمة الله وبركاته


انا متابعه للمنتدى من زماااان وكنت اشاركم احزانكم قبل افراحكم من بعييد لبعيد وعمري ماتوقعت اني اكتب مشكله خاصه فيني رغم المشاكل اللي تصير معي ورغم اني ماني من النوع اللي تتصل على اخت او صديقه عشان تفضفض لها او تاخذ رايها
. دائما اقول مشاكلي انا احلها بنفسي وماحتاح مشورة احد ويعلم الله فووق اني محتااجه افضفض احس اني مخنوووووووقه احس الدنيا ضاقت علي احس محد يفهمني مع اني كنت انسانه مرحه واحب الضحك وابد مستحيل ازعل احد او اجرح احد بكلمه انا ماقول اني ملاك بس ذي الحقيقه عيبي اني اسااامح بحياتي ناس مايستاهلو حتى اطلع في وجيهم بس ذا طبعي ياناس قلبي مايطاوعني اخلي احد زعلان مني انا تعبااااانه تعبانه تعبانه احتاج احد احط راسي على صدره واطلع اللي بقلبي واغرق الدنيا بدموعي خلاااص ماعاد انا قادره اتحمممل وربي اسفه طولت عليكم بس اعذروني من اللي فيني انتو ماتعرفوني ولا اعرفكم فعشان كذا حابه اطلع لو جزء من اللي احس فيه رغم انو اهلي حولي ويحبوني ومستعدين يسمعو لي بس انا مابي ابين ضعفي لاحد 
مشكلتي الوحيده بحياتي زوجي شريك حياتي شريك العمر 
انسان عصبي بمعنى الكلمه هو على قوله يحبني وانا بعد كنت احبو بس كثرت المشاكل خلتني كل يوم حبه ينقص بقلبي كل يومين يتمشكل معي ويغلط باهلي مع انو اهلي ناس طيبين ومسالمين وهو ابد ماخلى كلمه ماقاله بحق اهلي وبحقي حتى ابوي اللي بقبره ماسلم منه 
وانسان يتكلم من ظهرري يروح لبيت اهلو ويجلس ياكل بلحمي يجلس بين اصحابه وبرضو ياكل فيني حتى الشارع باعلى صووته يتكلم فيني بتقولو كييف عرفت اقولكم هو صوووته جدا جدا عالي لدرجه اسمع كلامه وانا جالسه ببيتي وفوق كذا ماعاتبه ولا افتح فمي وهو يدري اني عارفه وش يقول ورا ظهري بس وجهه وااقف ويعطي لنفسه سته وتستين تبرير مثلا انا لمن اغلط عليه بكلمه يقول اووه انتي غيروك انتي تخططين انتي وانتي وهو لمن يغلط بحقي يشوف غلطه جهاله وصغر سن منه . طيب وانا ليه ماتشوف لي تبرير مو كفاايه ساكته على عصبيتك وكلامك الجاررح لي ولاهلي والا لاني ماشكي وماعاتبك صرت بدون احساس !
وغير كذا دايما بين فتره وفتره يقولي شيلي عفشك اوديك بيت اهلك وانا اطنش كلامه واحس كرامتي جالسه تضيع بين ايدي واتعوذ من الشيطان واقوله ذا بيتي وبيت عيالي  اذا في واحد بيننا لازم يطلع انت تطلع وبيوم جلس يطلش فيني كفووف وربي يابنات احس اذني يطلع منها صوت مدري كيف تخيلو يضرب فيني كف وراء كف ويقولي يلا البسي عباتك لعند اهلك ولبست عباتي وانا طالعه برا يضرب فيني وانا بس ابكي وبعدين هدا ورح حرق ايده واعتذر وماحد روحت لاهلي اصلا ماعمري شكيت لاحد الكل الكل يحسبوني مبسوطه
البارح كنت اكلم امي بجوالي وهب رايحه تحضر عرس بقريه وسالتها استراحه والا قصر ووقتها هو كان نايم وفجاه قام يصارخ تعالي تعالي ودخلت عليه الغرفه قلت هلا قال وانتي وش دخلك ومين هذا قلت ذي امي قال تتكلمي معها على ايش قلت ماتكلمت عنك اسالها قصر والا استراحه وقام يناافخ يابنات انا بايش غلطت احد يفهمني ؟
قال مالك قعده بالبيت البسي عباتك ونفس الشي قلت انا ماني طالعه ذا بيت عيالي قال انا الرجال وتسمعين كلمتي غصب عنك اخذت نفس وحاولت اهدي من اعصابه وهو لسى ينافخ يبغاني اطلع يعني طرررررردني من بيتي قلت بين نفسي خلاص لين كذا وكفايه لمي بقايا كرامتك وامشي ليت ابوك وفعلا لبست العبايه وطلعنا ولمن قربنا لمدينه اهلي تخيلو وش قال يقول تذكري هالكلمه اني طاوعتك بالمخدرات !!
الله يالدنيا لاني سترت عليك وسكتت صرت طاوعتني يعني بكذا تجازي صبري ذي الثممره اللي استاهل اقطفها بالنهايه !؟
ادري طووولت عليكم بس ابي افضفض احس الدنيا ضااايقه فيني اه يابوي ليتك الرجال اللي امنته على بينتك ويش سوا فيها اه يابوي بنتك ماعاد صارت الاوليه بنتك صارت بقايا انسانه تلملم الجزء اللي بقى منها 
حسبي الله ونعم الوكيل حسبي الله ونعم الوكيل