تعباانه يا بنات..... ادعولي الله يخليكم

السلام عليكم
اتمنى تكونون بخير
مثل ماهو باين في العنوان
صارلي فتره يا بنات وانا اعاني من بطني.... يروح ويرجع
هالحاله من كم شهر الحين..مادري بالضبط شو اللي فيني؟ التشخيص في كل مره يختلف عن الي قبلها
ا هذا غير الترجيع (اعزكم الله) بنات انا تعبانه والله خلاص تعبت تعبت كل ما اخلص من مرض يطلعلي مرض ثاني تعبت ونفسيتي زفت اللهم لا اعتراض بس والله من اللي فيني ضاقت بي الدنيا

اخر تشخيص قالولي انه كريات الدم البيضا اكثر عن الحمرا هذا غير فقر الدم...و اللوز صايرلها بداية تكون صديد..ويقولون هالبكتيريا هي الي مأثره على بطني

للحين آخذ العلاج بس ما احس بفرق !!

واليوم !! كنت رايحه الحمام (الله يعزكم) جان اشوف سائل مخاطي لونه احمر...حسبالي الدوره بس كلش مو وقتها ولا جتني اعراضها من الاساس!! صح انه كمية الدم مو وايد بس هالشي ثاني مره يتكرر ،المره الاولى كانت قبل يومين او ثلاثه..وكان لونه احمر فااتح ..قلت يمكن الدوره!! بس طلعت مو هي....واليوم بعد نفس الشي بس اللون اغمق !! يعني ماشفت غير هالافراز الاحمر وبس وقف.. !! مادري شو المشكله
(عذرا على الوصف)
والله اني خايفه

خايفه يكون عندي شي في بطني ومسبب لي هذا؟!
وللعلم عوار البطن ذابحني...يروح شوي ويرجع مره ثانيه


بنات انا احس انه عين صايبتني والكل ملاحظ هالشي...مابى منكم غير تدعولي الله يخليكم
لاني من كم شهر وانا اعاني من هالأمراض الي لا لها اول ولا تالي

والي عندها معلومه عن الافراز الاحمر وسببه ياليت ماتخبل علي


اسمحولي طولت في الكلام..بس والله ماعندي غيركم افضفض له:( :(