تعبانة من اخواني

مدري وش اسوي بجد انا تعباااااااانة قاعدة اكتب وانا ابكي من الضيق اللي فيني مالي غيركن ابي افضفض متضايقة ومخنوقة من حياتي ولا ابي الدنيا انا اكره كل شي كل ما حطيتلي هدف في الحياة اخواني حطموني ياربي وش اسوي لا اب لا خال لا عم والاخوان ماعندهم رحمة اقسم اخوي الكبير عمره 40 سنة عمري ماحسيت ان فيه رحمة اناني والله اني عمري ماجرحت احد ولا غلطت على احد بس الناس متسلطين علي تعرضت لمواقف كثيرة في حياتي تعذبت بسببها نفسيا وظل الالم يعتصرني وانا مستحملة وشايلة همي جوا قلبي
طول عمري وانا اكرف بالبيت والله على قد ما اقدر ما اقصر واخدم الكبير والصغير حتى بنات اخواني اخدم عليهن وهن كبار بس متسدحات حتى الشكولاته اللي ياكلنها والله مايرمن تغليفها انا اشيلها !! اليوم امي تقول لاخوي بنجيب شغالة عشان تساعد البنت قال لا ما نجيب هي تقوم تشتغل يقصدني !!! والله البيت كله مسؤليتي من يوم بخامس اشتغل وصار عمري فوق الثلاثين والله امس يوم شفت شعري في المراية تضايقت قعدت ابكي في شيب كثير من كثر همومي ولا افضفض لاحد اشكي همي لربي واذا احد هاجمني منهم لاتفه سبب ما اقدر ارد ابكي على طول مايخافون الله ياناس ليش كذا والله متضايقة موووت ما ابي الدنيا ذي اخليها لهم بس ربي يكون راضي عني والله اني اصلي واستغفر ومتوكلة على ربي بس مدري هذا عقاب من ربي ولا ابتلاء ،، مو زي البنات انا والله حتى سوق ما اشتهي اروح من كثر ما قهروني شهور ما رحت سوق حتى لبس ما لي نفس اجيب احس عجزت بسببهم السواق بس لحريمهم لو رحت معاه لاي مكان يتضايقون كرهت الطلعة والله بس قاعد ة في البيت واحس الدنيا والعالم كله سواد ، والله بنات اخواني واخواتي اقوى شخصية مني احس اخواني هزو شخصيتي من كثر التهزيء على اتفه شي متسلطين علي بشكل عجيب حتى ظل او كحل اذا حطيت كان مسوية جريمة ما صرت احط شعري يتساقط بشكل فظيع صايرة اكره نفسي احسهم يكرهوني والله انهم ظلمة عمري ما تهجمت على احد ولا آذيت احد ، اخوي اللي مارضى نجيب شغالة هو مستقل في بيته ومتزوج وعند زوجته شغالة طيب ليش الحسد والله ايديني تغير لونها واظفاري تكسرت وصارت خشنة ولا عشت حياتي ولا دلعت نفسي ولا ابي شي من الدنيا بس ابي يحلون عني حتى زواج واقفين لي في زواجي !! اخوي الكبير والله يقول انت عنستي

خواتي مرررة متضايقة والله فيني الم يعتصرني نفسيتي تعبانة ابي احد يوقف جنبي حاسه بنهار ادعولي ادعولي ربي يفرج همي يارب يسعدكن ويفرج همي وهمكن عاجلا غير اجل