تعبانة من كثرة همومي

مادري من وين ابتدي كل ماضاقت في مالقيت غير هذا المكان افضفض فيه انا ماحب اشتكي لاحد ولاحب ابين انكساري غير لامي رحمها الله راحت امي وخلتني في دنيتي وحيدة لاخوات عندي مشكلتي اليوم ماعمري تكلمت عنها
زوجي مادري من وين ابدا هو طيب اوبمعنى اخر شخصيته ضعيفة وماتظهر الشخصية الا عند الفلوس
عند الفلوس تروح الطيبة ويظهر بوجه ثاني يتخاصم ويتقاتل مع ابوه علشان الفلوس انا يتحكم براتبي تحكم فظيع تخيلوا ماقدر اعطي احد الا باستئذان منه وهوينفذ جميع طلباتي بس طفشت اافكر فيه الف مرة قبل ماطلع اي ريال
تخيلوا اكذب عليه يعني اذا صرفت في السوق مئة اقولة صرفت ثلاثمئة علشان تكون معاي فلوس وهو مايدري عني
هو له تضحيات معاي بس انسان سلبي اتكالي مشاكلي كثيرة مع اخواته لاتهزه ولايهتم فيها بحجة بر الوالدين بس اذا طلبه ابوه فلوس ينسى بر الوالدين
انا مانكره هوطيب بس قاهرتني شخصيته تخيلوا اذا اتكلمت معاه براتبي وتخاصمنا تروح الطيبة
نسيت اقولكم هو راتبه كله قروض ولايبقى منه شي بس انا تعبت من الحياة المملة معاه كل شي علي. نفسي اترك التدريس بس ابوي مات وهو يوصيني اني ماترك عملي وهوتعب على تعليمي كان يرفض اي احد يتقدملي يقولي الزواج مافيه فائدة اهم شي تتعينن علشان اذا مت ماتحتاجين احد معاك راتبك
الله يرحمك يابوي ماكان ياخذ ريال لا من مكافاتي ولا من رواتبي كان رجل شديد بس حنون
اخواتي لو كنتم مكاني ماذا فعلتم علما لدي اربعة ابناء