تعبانة من كل شي

السلام عليكم
جيتكم وانا واصلة حددي فعليا صرت افكر بالانتحار بس اتعوذ من ابليس
انا اعيش بوحدة شديدة وضغوط متراكمة وفراغ ومحاولات انجاب فاشلة اخرها قبل شهرين واعترف انها اثرت علي بشكل كبير صرت اوقات افكر بالطلاق واوقات بالانتحار
زوجي تعبني بعناده انا ساكنة بشقة صغيرة للغاية اثاثها بشع ودرجها طووويل مهلك و لمباتها اغلبها خربانة ولا هو راضي يصلحها يقول تبذير ولو اطبخ في شقتي تقعد ريحة الطبخ ٣ ايام عساس تروح الريحة لان مافيها درايش حمامها الله يكرمكم متهالك وفوق كذا تحركاتي مراقبة لاني ساكنة جنب اهله .. الشقة ماني مرتاحة فيها ولاهو راضي يغير اثاثها ولا راضي نطلع منها لانها ببلاش
والله تعبت نفسيا منها تفشلل ماقدر اعزم عليها عشان كذا علاقاتي تنتهي قبل ماتبدأ فترة العزايم ماعندي جارات ولا صاحبات واهله انطوائيين مايحبون الناس ولا الجمعات ويخافون من الحسد خوف عظيم لاني ما انجبت للان على كلامهم نخاف من فلانة متأخرة بالحمل ودايم يسبون ازواجهم وحياتهم قدامي عشان ما احسدهم ودايما كل امورهم بالتكتم ورسميين معاي حتى عزايم مايعزموني الا لو يبوني اقوم بضيافة ضيوفهم > صبابه بالمختصر
لي فترة ازن على زوجي ابي اعدل بشقتي وهو رافض قلت له اضعف الايمان بغير طاولة التلفزيون كلها تصدعات > هي قزاز ورفض قال ماني دافع ولا رياال تبين ادفعي انتي !!!
والله يابنات صرت اغلب اشياء بيتي واشياءي الخاصة حتى مطاعمنا انا ادفعها من جيبي عشان ما يعصب اني مبذرة او ينكد علي طلعتي عشاننا صرفنا اليوم صرت اتفادى هالشي وادفع من جيبي اذا اشتهيت مطعم معين او اذا بغيت اشتري ملابس او ميك اب او اواني للبيت لان بيتي مافيه اساسيات المطبخ رغم اني غير موظفة
احس تعاملي معاه غلط بغلط و وصلت حدي تعبت نفسيا منه .. اللي يقهرني فيه ينتقد الناس ومايشوف نفسه بدليل
قريبته خلت زوجها يستأجرلها دبلكس بدال شقتها اول زواجها اللي اثثوها اهل زوجها ماعجبتها وغيرت كل شي فببيتها جدران الارضية التحف الاثاث وحتى الحوش واثاثها غاالي وهو كان ينتقد زوج قريبته لانه رفض اول الامر يغير بالبيت لكن بالنهاية غير لها من الى وانا وياها متزوجين بنفس الفترة وزوجي افضل ماديا بكثير من زوجها ورغم ذلك قدرت الله يفتحها علينا كلنا تغير من بيتها ابي اعرف كيف الطريقة
وكيف اعدل تعاملي معه صاير يرفع صوته علي بسبب اشياء تافهه وصاير معتمد اني بصرف علي نفسي