السلام عليكم بنات حواء وربي اني اكتب لكم والهم ماكلني وعيوني صارت توجعني من البكاء اعتبروني اختكم💔 انا عمري 22 سنه اكبر وحده في خواتي واخواني عندي اربع خوات وعندي اثنين اخوان توأم اعمارهم اربع سنوات بالبدايه طفولتي انا وخواتي كانت كويسه الحمدلله ما انكر هذا الشي ابوي طيب وامي “كانت طيبه"💔 في عام 2021 يعني قبل سنه وعليها بعد عيد الفطر لاحظت فيه شي غريب قاعد يصير بالبيت مو طبيعي لين جاء هذاك اليوم اللي جاني ابوي فيه يفضفض لي ان امي متغيره جداً وشاك فيها انها تخونه وصار يبكي قدامي💔💔 خصوصاً انهم عشرة عمر اكثر من عشرين سنه وقتها ماكنت مستوعبه كنت اقول اكيد يا ابوي إنك تتوهم او تتخيل خصوصاً ان ابوي يحب امي ولكن للأسف كانت تشوف نفسها عليه ان هي اجمل منه وكانت تعيب على خلقة ابوي انه مب وسيم😔💔 وكان ابوي يسكت لها ويعطيها على قد عقلها ابوي طيب لدرجة انه ماعمره مد يده عليها او حرمها من شي 💔 كانت امي اكثر وحده بين خواتها حياتها مستقره وبيت ملك وابوي يعزها ويحبها وكل ما صار بيده فلوس يعطيها وكنا مرتاحين😔💔 ووقت شك ابوي فيها حتى كان متأكد انه تخونه💔 كان يقولها اعترفي لي بسامحك بس خليني ارتاح وانام لدرجة كان ماينام من التفكير 💔 مرت الأيام وبيتنا مليان توتر وكانت امي تدخن تخيلوا💔 لين جاء عيد الاضحى عام 2021 يوم عيد اللي المفروض اضحك فيه وانبسط انقلب بكاء وحزن جت اختي تصحيني من نومي تقول الحقي ابوي يبغى ينتحر وجت خالتي وزوجها وعيالها💔 وامي حسبي الله عليها عشان تبعد عنها الشبهه قامت تتهم ابوي بالمرض النفسي
ومرت تخيلوا وانا خواتي نصارخ ونبكي من حزننا على ابوي ذاك اليوم وامي ماكأنها سوت ولا شي طلعت غرفتها تنام وعادي عندها الوضع الله لا يسامحها ومر كم يوم لين شافتها اختي على جوالها تكلم رجال على السناب وفعلاً طلعت تخون ابوي وكانت ترسل له صورها ياناس💔💔 عمرها فوق ٤٤ وطعنتنا بظهرنا كانت تبغى تخلع ابوي وتتزوج اللي يكلمها تفكر انه بيتزوجها💔 اه ياربي حسبي الله ونعم الوكيل 💔 اكمل لكم اختي سكتت من صدمتها💔 بس لما شافت ابوي يتلوى من حزنه وقهره لدرجة انه نحف وتغيّر💔 قالت له يا ابوي انا شفت امي تكلم رجال على السناب قمنا وسوينا خطه انا واختي عشان نتأكد وشفنا بعيوننا كل شي وابوي بغى يطيح علينا لولا رحمة الله💔 كلمنا خالي اللي للأسف ماينقال له خال وقام يقول لأبوي وش فيها لو كلمت ويرقع لها💔 اخ يابنات مقهوره فيني نار 😔 وجت خالتي تحسب ان امي فيها عين ولا حسد قاموا جابوا لها ناس تقرأ عليها وكانت تمثل عليهم عشان يصدقون الناس انه فيها شي وهي مافيها شي سليمه وكانت تصرخ علي انا وخواتي وابوي الله لا يسامحها عشنا ايام لو تشوفون حالتنا تبكون علينا ورب البيت💔 المهم مرت الأيام وتعرفون قهر الرجال وش يسوي كنت ما الوم ابوي 😔💔 كان وده ينتقم منها بس مايدري كيف💔 في بداية 2022 جاء ذاك اليوم و راحت بيت اختها الكبيره وطلبت الطلاق من ابوي وكنا انا وخواتي نقول لابوي فكنا منها تعبتنا نبغى نرتاح منها طلقها تعبنا💔 وفعلاً رغم ان امي ابوها وامها متوفين وكل الورث تقاسموه يعني مافيه بيت تسكن فيه وراحت عند خالتي وخالتي متزوجه وعيالها كبار وقتها قلت لأمي ليش تسوين كذا ليش انتي مو صغيره مافيه رجال يتزوج وحده يكلمها انتي مو بزر يلعب عليك وتدمرين حياتنا وتطعنينا صرنا في طولك انا وخواتي وقامت تتريق علي وتنافخ بوجهي وتصرخ وتسب ابوي وتظلمه وتطلع عنه كلام عشان تبرئ نفسها قدام خالتي💔 وقتها ابتعدت عنها فتره المعاناه اللي شفتها منها وجرحي ماطاب ليومكم هذا خصوصاً اني البكر كنت اشوف امي قدوتي الان هي عدوي💔 وكانت ماتسأل عني ولا تكلمني بعدين مرت الأيام واضطرت انها تتزوج لان حست انها ثقيله على خالتي فـ تزوجت رجل مسيار استأجر لها شقه وزوجته الاولى ماتدري عنه ولا قال لها ولا لعياله طبعاً ابوي لما طلق امي كان محتاج يتزوج وحده تعوضه وحده تقوم فيه وكان يتقدم لحريم بس كانوا يرفضون لأننا معه عايشين يبغون بيت مستقل وابوي مايقدر😔 كان يفكر فينا انا وخواتي واخواني الصغار اللي احنا ضحيه💔 وفي الأخير ابوي تزوج مغربيه لانها الوحيده اللي قبلت انها تعيش معه رغم اننا كنا رافضين خايفين انا وخواتي يعني وحده تدخل بيتنا مانعرفها ولا نعرف عنها شي💔 بس انها طلعت كويسه ماعليها طبعاً ابوي وحرمته مسافرين لشغله ضروريه وجالسين انا وخواتي واخواني بالبيت فـ قلت لأمي امس امسكي اخواني الصغار بس ساعدينا فيهم ما اقدر في البيت كبير واطبخ واهتم للصغار💔 قامت سفهتني قالت خلي ابوك يرجع بس بعدين ارسلت قالت خذي من عمانك فلوس تشترين لاخوانك حفايظ قلت ليش اطلب منهم وانتي موجوده دام ابوي مسافر اشتري لهم حفايظ زي ماهو اب انتي ام بس ماتبغى تقول مالي دخل فيكم 💔 وقامت تتهزئ فيني تقول عمانك لاعنين جدفك انتي وخواتك وابوك مايعطيكم ريال حتى طلعات ما انتوا قادرين تطلعون الله لا يسامحها ولا يعفو عنها💔💔 صاروا الناس يتكلمون فيني انا وخواتي واخواني ويستضعفونا وشوهت سمعتنا الحين مين بيدق بابنا انا وخواتي 💔😔؟ مين بيتزوجني وامي شوهت سمعتنا احنا ضحايا ياناس بشي مالنا ذنب فيه 💔 صار الكل يشفق علينا اخ ياربي رحمتك فيني ادعولي انا وخواتي واخواني واجبروا خاطري واسفه طولت عليكم
💔