تعبانه ..اروح لدكتوره ولا لأ؟؟؟

السلام عليكم ورحمة الله وبركاته
كيف حالكم يا اخواتي ....معليش انا عارفه اني ما اكتب موضوع غير مشاكلي بس والله انا مالي احد بعد الله عزوجل غيركم ...ومااقدر افضفض لغيركم بالله عليكم سامحوني
يابنات انا الأيام هذه امر بضغوط نفسيه ومشاكل من كل جهه من جهة اهلي اختي المطلقه ومشاكلها مع اخويا وابويا وامي ...ومرض ابويا بقلبه اللي عمره ما اشتكى منه ابدا بسببها ومرض امي وسفر ولدي بره عشان يدرس ولما كلمني وقالي انه مابياكل ومومرتاح وانا والله يابنات مرررررررره تعبانه ومش قادره استحمل وبأضغط على نفسي عشان زوجي لايتعب واليوم امي زوجي توصيني عليه وتقولي امانه عليك انتبهي له ولاتزعليه ولاتحمليه هم ابدا
وامي اللي تتصل عليه وتشكي لي من اختي وعمايلها ومرض ابويا ومرة اخويا تتصل عليه تشتكي لي من اختي برضه وعمايلها واختي تتصل وتبكي وتشكي من مضايقة اهلي لها
وانا اراضي في هذه واصبر هذه وانا مو لاقيه احد يصبرني ولا يهون عليه
يكفيني ولدي وغربته واللي هو فيه :06:والله العظيم اني لما اصلي واسجد ابكي واقول يارب بس ما اعرف ايش ادعي غير يارب فرج همي
والله العظيم مررررررره تعبانه يابنات ونفسي اروح لدكتوره نفسيه بس لما افكر ارجع اقول يابنت اشكي همك للي خلقك ما احد عارف اللي بيكي غيره عز وجل
والله تعبانه تعبانه نفسي ارتاح يمكن حتقولو لي ايش معنى انا اللي الكل يكلمني ويشكي لي
اولا لأن اختي دي الله يهديها ماتسمع غير كلامي انا
وابويا مايرتاح غير لما يسمع رأيي انا
بس احس انه مافي احد عنده وقت يسمع لي او يعرف ايش عندي والله وقلبي زي النار على ولدي بس مابيدي شي اسوي له هو غير الدعاااااااااااااااااااء
انا استودعته الله وربنا يحفظه ويسلمه
بس ايش رأيكم اروح للدكتوره النفسيه ولالأ؟؟؟؟؟؟؟؟؟؟؟؟؟
بالله يابنات اعو لي ان ربنا يشرح صدري ويعيني عاللي انا فيه ضغط ضغط من جميع النواحي الله المستعان