تعبانه خلاص ماعاد اتحمل

بنات فيني ضيقه واحس مافي شي حلو بلدنيا كارهه كل شي مدري وش السبب بلضبط قاعده استغفر واذكر الله وتزيد مع العلم يابنات اني من يوم اصحى لين انام قاعده بنفس المكان لا طلعه لا احد يسولف معاي كلن في حياته وحتى زوجي لو قعد معاي يا ساكت يا ماسك جواله واذا سولف سوالف مدري شقولكم تقصر العمر تعبت تعبت اسالكم بالله قولولي وش اسوي صار يجيني افكار سودا مدري شقول ابغي ارتاح من هذا الشعور اللي يقتلني مليت اتحمل واسكت الشهر اللي فات كان زوجي عندو اجازه طوويله شهر وعشر ايام تخيلو يمين بالله ماطلعني مكان الا ياربي يادوب وداني لاهللو الله ينتقم منهم على معاملتهم السيئه والذل اللي شفته وطلعني لفه بلسياره وكل الوقت طالع يتمشى بلايام ما اشوفه وسكت لاني تعبت اتكلم مالي حيل حامل وصحتي زفت كله بسبب الضغوط لو اكتب من هنا ليوم الدين مارح اطلع اللي فقلبي اساسن انا مظلومه من اهلي قبله ماشفت الا الهواش والمشاكل والتفكك والظلم كل هذا اثر فيني تعبت ياربي ترحمني قولولي وش اسوي مخنوقه مليت من وضعي ابي احس بطعم الحياه حسبي الله ونعم الوكيل حسبي الله ونعم الوكيل 💔💔💔💔💔امانه يابنات قولولي هل هو عادي تقعدين شهور وشهور ماتشوفين مخلوق ولا تطلعين مكان انا لمن اقوله شي احسه يستغرب ليش اطلب اطلع صرت اشك فنفسي اني على باطل وهو الحق
ولا يوم اطلبه اغراض للبيت يجي يقول اكتبيها كلها سوا واكتبها ولمن بعد فتره يخلص شي زي اللبن يابنات حاجه تستهلك بسرعه يجي يعصب ويسب ليش ماقلتيلي قبل انا هنا انجلط مااعرف ارد احس ودي اموت ويقول ماني سواق عندك واسكت اتحمل بس خلاص ابييييكم تعطوني كلمه انا خلاص اقسم بالله افكر اهج بس مايمنعي الا خوفي من الله ثم بنتي وجنيني اللي فبطني امنتكم الله ردو علي بموت من الضيقه