تعبانه من اللوعه والترجيع تعالي دخلي ..

السلام عليكم ورحمة الله ..

اول شي انا كنت كاتبه موضوع اسألكم فيه اذا كنت حامل او لا .. والحمد لله طلعت حامل :):42:
واليوم حبيت اتشارك وياكم في بعض الافكار اللي تساعد
على تخفيف اللوعة واعراض الحمل
وانا بقول بعض الافكار اللي جربتها بنفسي ونفعت الحمد لله
طبعا انا اول شهر حمل ما كان فيني شي بس لوعه بسيطه مع وجع ظهر
وصداع .. بس من بداية الثاني زادت الاعراض وزادت اللوعه والصبح اول ما اقوم
يكون فيني صداع فظيع مع دوار ولوعه اعوذ بالله منها
بس الحين الحمد لله قبل لا اقوم من الفراش اكل كمن قطعة
بسكوت مالح واتريا دقايق عقب اقوم .. شفت اللوعه اخف

اهم شي انج ما تجوعين .. احسن شي انج تاكلين وجبات خفيفه كل ساعتين
لاني لاحظت انج اذا جعتي راح تزيد اللوعه

وهاذي طرق تخفف اللوعه ..

1- شرب كوب نعناع الصبح صراحه وايد يريح ويخفف اللوعه بشكل كبير
2- شرب نصف ملعقة صغيرة زنجبيل مع نص كوب ماء بارد بعد (لا تزيدين كمية الزنجببيل
لان زيادته تسبب الاجهاض
3- شرب شوي سفن اب بعد الوجبه اذا حسيتي بلوعة
4- في نوع من الحريم يريحهم اكل الليمون او شرب عصيره او حتى تشم ريحته
جربي وشوفي
5- اذا كان عندج طعم مش حلو في فمج جربي تاكلين لبان نعناع او تمصين مصاص
ليمون او نعناع
6- اذا يتج اللوعه وانتي في السيارة او في مكان وما عندج شي من اللي ذكرته فوق
جربي تضغطين بالاصبع السبابه والوسطى على السره لمدة دقيقة
7- قريت مره في موقع اجنبي انه شرب شوربة الميزو (موجوده في المطاعم اليابانية)
يزيل اعراض الوحام كلها طول اليوم ! بس صراحه ما جربت
8- بعد قريت انه شيبس الملح والخل يخفف وايد
9- اخذ فيتامين بي 6 بس هذا تاخذينه بأذن الطبيب هذا حتي مفيد اذا كنتي
تاخذينه قبل ما تحملين
10- تغيير الجو وزيارة الاهل سبحان الله وايد تخف اللوعه عندج
ويكون عندج شهية اذا كنت في بيت غير بيتكم !!

11- بعد قريت انج اذا شربت ملعقة كبيرة خل تفاح :09: تروح اللوعه !! بس ما جربتها


وانشاء الله تفيدكن هالافكار وانتن عاد جربن وخبرني شو اللي نفع وياكن
واذا عندكن طرق ثانيه ياريت تشاركنا فيها :42: