السلام عليكم ورحمة الله وبركاتة
صباحكم زي العسل
ياخواتي انا جاايه اشكي الحال بعد مامليت من السكوووووووووت والتطنيش ومالقيت من خواتى غير الصمت وامي كذلك ماعاد احب اتكلم عندهم
حتى اختى المتزوجة الي اصغر مني صارت ماتسوالف عندى خوف من اني اصكها عين :06:
بمعنى خواتي مو خوات احسهم مو معي حتى امى الله يهديه مو لمي ابد
كل ماقلت له عن مشاكلي قالت هذا حظك ارضي فيه:06:
وانا اقول حنا الي نصنع الحظ مو هو الي يصنعنا:16:
المهم مالكم بطويله بقولكم قصتي
اهلي من النوع المعقد جدا يعنى ماتدرين وش يبون بضبط شوى يقولي ابوى كذا بعد شوى يقول كلام ضده وسبحان الي جمع بينه وبين امى لانها نفس الشي:06:
ومن يومي بثانوى وانا ادعى ربي اتزوج وافتك من هالبيت المعقد وناس المتناقضه جدا:o
ودرست الكلية وتخرجت وخطبنى ولد عمي الي ماعرف عنه شي غير اسمه ومن طفاقتي وافقت ابي الفكه من اهلي:06:
وحتى ابوى الي كان يرفض الخطابين وافق عليه على طول:(
وحده من قرايبه كانت تكذب علي تقولي انه له بيت هو وامه مدرى يعمرون بيت وانا ماكان نظرتي مادية لان اهلي مرتاحين ماديا كل الي ابيه اني افتك منهم وبس
بعد الملكة قالتلي امى تراه ماديا شوى ضعيف قلت بخاطري مو مشكله الرجال اذا هو طيب وحنون ومتفهم ماراح يهمنى اذا عنده فلوس او لا
المهم قرب الزواج وجهزت نفسي بعد طلوع الروح لان امي زي ماقلت لكم معقدة كل شي مو لازم مولازم حتى الفستان الي كل البنات يحلمون فيه قالتلي مو لازم:44:
تعبت نفسيا من امى الله يهديه والمشكلة انا اكبر خواتى وطقه الاولي براسي:06:
وقول هانت بتزوج وبفتك المهم
قالت لي امى ترا بتسكنون عندنا بالبيت لكم شقه معزوله خاصع فيكم
كييييييييييييييييف تزوجت علشان انحاش وبالاخير في بيت اهلي
لاحول ولاقوة الا بالله رضيت بالامر الواقع لان الرجال ماعنده لابيت ولاشي
الا بيت امه الي باخر دنيا وشعبي حالته حاله
بناتتتت حتى غرفة النوم امي الي جابتها
كانهم مهديني له هدية
كل اخوانه حسدوه علي هالزواج الي مادفع فيه غير المهر
رضيت وقلت اهم شي الرجال يطلع كويس وطيب من كلام الكل عنه قلت اكيد بينسينى كل شي
تزوجت ووناسه وفله وكل شي
بعد الاسبوع الاول من الزواج لاحظت انه مستحيل يطلعنى الا اذا انا قلت
وحتى انا وياها بالغرفة ومجهزه نفسي وجو رومانسي
لاحظته مستعجل قلت له خير خير وش عندك
قال العيال برا ينتظروني بروح العب ورقه معهم
زعلت وقلت يلا مافيه
وقعد يراضيني
بس حسيت انى ولا شي
بعد كم شهر صار مايطلعنى الا اذا اخذت من خواتى فلوس او امي
قمة الفشله
بمعنى مافي وجه حياء
انا الي مااطلب احد فلوس صرت اشحد اهلي علشان اروح انبسط
صرت ابكي علي الحياة الي انا فيها
وكل يوم اقول ان شاء الله تتعدل
هنا بقولكم سالفه
كان بوقت عيدالاضحى وكانو بنات خالته مجتمعين عند امه
وهم جايين من دولة خليجيه وتعرفون كيف يلبسون لثم ومكياج خليجى ولا حياء المهم نبهته قلت ان رحت لهم راح تندم
وراح يابنات ماهمه كلامى
بنات والله اني بغيت اموت من الغيرة والقهر سالت وحده قاعده معهم تقولي جالسين كلهم في مجلس واحد وبشكلهم الي قلتلكم
وعيون زوجي كذا:p
وقال لوحده من خواته انه مايجيه النوم اذا شاف عيون وحده منهم
رجع وسويت سالفه طويله عريضه وصلت لطلاق تدخل واحد من اخوانى وهونت قلت خلاص بس لاعاد يروح الا انا معه
ومن بكرة قلت له ودنى المستشفى هذا الكلام بالليل وركبت بسيارة وانا من النوع الي اعرف السيارة راكب فيه احد او لا
قلت له من ركب بسيارة قال محد
قلت الا فيه احد راكب معك السيارة من
قال محد بس امي وخالتي
على طول يابنات طالعت المرايه الاماميه الا لفها علي جهة المرتبه الي وراه
هاوشته قلت من غيرهم قال ووحده من بناتها
قلت انت ماتتوب امس كن بنطلق علشان ناس ماتحس واليوم مركبهم معك
قلت له امك على عيني وراسي بس هذي وش تبي تركب معك
بنات انا متتتتتتتتت خلاص ذبحوني والله
الله لايبيحهم ولايحللهم
وبعد كم يوم قال بنروح لامي قلت اوكى
ورحت وياليتنى مارحت ماامدى زوجي يجلس الا كلهم جالسين معنا ووحده فيهم قالت بروح اجيب الهدية لابو سلطان الي هو زوجي
بنات ابيكم تتخيلون اشكالهم
الملابس متكتكه على الجسم والراس كانه نفيخه ولثمه والكحل والعيون الي تذوب الحريم كيف الرجال
تحملت لين رحت علشان استر عمري من لسان الحريم
وسكت وقلت خلاص ماعاد فيه جلوس مع الحريم قال خلاص معاد اقعد اذا هذا يزعلك
خلونا من هالسالفه نبدا بزوجي نفسه
بعد سنه من زواجي طلع زوجي مافيه دبره انسان اتكالي وبمااني توظفت قررت اطلع بشقه من اهلي الي ذلونى لدرجة ان ابوى يطفي الكهرب اذا ماطلعنا لهم ملييييييييييييييت
وطلعنا بشقه واخذ قرض علشان يفرشها
وكنت مبسوطة اخيرا بااستقر واصير حرمة بيت وحملت اللهم لك الحمد ومشت حياتي اوكى لمدة كم شهر ولاحظت في هالشهور اني انا الي اسدد كهرب ومويه وتلفون والنت ومصروف جيبه والشغاله
وهو راتبه مايبقى منه شي ابداااااااااااااااااااااا
قلت مو مشكلة ضعيف ماديا يتعدل الحال ان شاء الله
طلع ضعيف ماديا وعاطفين وحسياَ وكل شي يعنى اتضايق مايسال عني عندى ضغوط عمل مستحيل يقول يلا نطلع اروح عن نفسك حامل تعبانه اون ابكي يتلحف وينام مايدري عني ابدااااااااا
كيس نايم جنبي كرهت نفسي صرت اروح للمرايه اشوف نفسي اخاف اني شينه ولا شكلي يبيله تعديل ولا وش السالفه يدخل يلقينى ابكي ولا زعلانه يصفق الباب ويروح بنات ماابي منه غير الكلمه الحلوة ماابي سفريات ولا تمشي ولا مصرف بس ابي حياة فيها تفاهم نقاش يسال عني اسال عنه
المهم قربت ولادتي ورحت اجهز نفسي والله انه ماحط ريال واحد
ولدت وجلس البيبي بلحضانه لان كان تعبان مايرضع
تصدقون يابنات انه طلع برا الرياض وانا الي يودين للبيبي هو اخوى وانا الي طلعته بعد كذا وهو مو موجود هذا اول بيبي لنا قلت مو مشكله انا حساسه شوى
المهم بعد ماطلعت من النفاس مامد لي هدية ولا طلعنى طلعه حلوة ولا حتى لمطعم لازم احن ورن علشان يحس تعبت
مو مشكله نعديلها هو كان يودينى لدوام لاني مااقدر اركب نقل لان يالله يكفي الراتب مصارفنا بعد اصار عمر البيبي 3 شهور قال انا بسافر قلت له لا اول شي النونو تعبان وثانين دوامي من بيودين له
قال اركبي اي نقل ورفضت قلت مايكفي الراتب ابددددددددد
المهم يابنات راح سافر دقيت عليه قلت خلاص الي بينا بينتهي ان رحت تروح وراك مسئولية زوجه وطفل ولحالهم بشقة قال مقدر ارجع تخيلو حط السفرة اغلي من عايلته قال اذا رجعت بترضين قلت لاطبعا قال اجل خلاص ليه ارجع
وش اقول بعد هالكلام غير لاحول ولاقوة الا بالله
بنات للقصة بقيه انتظروني
يلزم عليك تسجيل الدخول أولًا لكتابة تعليق.
يادلعي
•
الله يفرج همك يارب مالك الا الدعاء ان ربي يهديه
الله يسخره لك ويهديه يارب عليك بالاستغفار صدقيييين بترتاحين كثيييييييير بس كثري من الاستغفار واقري قصص الاستغفار
في قوقل صدقيني بتحمسك
في قوقل صدقيني بتحمسك
الصفحة الأخيرة