تعبانه من زوجي واهله

خلاص احس اني كرهت الدنيا تعبانه مره مره زوجي طفشني باهله بس رجاء لا تجرحوني باي كلمه وبقولكم كل شي بصراحه واضحه جدا انا متزوجه لي 6 سنوات ولي 2 اطفال الحمدلله بيتي جمب بيت اهل زوجي المهم حدثت خلافات بين زوجي وخواته زوجي علاقته بخواته اكس كلهم حتى المتزوجات ولاكن الاولاد علاقته حلوه يحبهم ويحبونه المهم تزوجته ويمكن جلست سنه اجيه بين فتره وفتره ولاكن لانهم مايتقبلون اخوهم اللي هو زوجي خلاص مايبوني اهجروني بحكم انهم زعلانين على اخوهم واقولكم ليش اكرهوه دائما ابو زوجي يشكي لزوجي عن البنات ويقول مايقومن بواجبي ولا يجلسن معي ودائما يزعلن امك ويرفعن الصوت عليها استغفر الله بس ابو زوجي شايب ومعه سكر وضغظ وامه بعد تعبانه لذالك دائما زوجي ينصحهن يقول عيب ابوكم وامكم ليش انتن عاقات فيهن والله يابنات فيهن عقوق في حياتي كلها ماشفت مثلها مايحترمن امهن ولا ابوهن ولذالك زوجي دائما في مشاكل معهن في يوم من الايام جمعهن وقالهن عيب كذا ومن هالكلام وجاب احاديث وايات للوالدين بحكم انه ملتزم ويخاف الله فيهن المهم بنات رفعن صوته عليه قويات ولا يستحن احترام مافيه قالت وحده فيهن انت وش دخلك فينا ودعت على عيالي هنا وقف شعر راسه وقال وش دخل عيالي في الموضوع انا اتكلم عن امي وابوي وقام عطاها كف والله يابنات والله حاربنه بعد هالهوشه مايسلمن عليه اذا دخل البيت قامن واذا عرفن انه موجود مايجلسن اللحين هو طق وحده فيكم وش دخل الباقيات والله يابنات سوو مجموعه عدائيه عليه عشان يكرهنه في بيت ابوه وخواته بعضهن متزوجات قسم بالله ماقالهن شي زعلن ولا يسلمن عليه وقاطعوني انا بعد وعياله ولدي الكبير تعبان وعندي بنت والله والله ماباركلي ولا شافوها ولا شي حتى ولدي يدخل المستشفى ويطلع مايدقن ولا شي الحين عمره 5سنوات تدرون متى خبرهن فيه يوم عمره سنه يعني اربع سنين وانا ماادخل بيتهم مالي قابيله ولاشي حتى زوجي قال خلاص قاطعيهن واهم شي امي وابوي قلت خلاص طبعا امه وابوه ايام الصيف دائما جالسين بالحوش واجي اسلم عليهم واتقهوى واطلع واخلي بنتي اللي عمرها سنه وخمس شهور عندهم تلعب لين يجيبها ابوه يعني داخل البيت مااجي نهائيا عمي اللي هو ابو زوجي يحبني مره وامه بعد مره تحبني مابيننا اي شي وايام العيد نروح نصلي العيد سواء مع امه وابوه وخلاص اعايدهم في السياره واروح لاهلي على طول وكذا ليومكم هذا هذي قصتي مع مشاكلهم نجي اللحين للمشكله الثانيه تدرون اللحين بردالجو وصار عمي وعمتي يدخلون داخل في الصاله ويكونون البنات عندهم بس اذا جاء زوجي كنهم فيران كل وحده تدخل بحجره بتقولون ليش زعلانه بنتي تعلقت بجدها وجدها وكل عصر تصيح تبي ابوها ينزلها تحت مسكينه تحسبهم في الحوش زوجي صار يدخل بنتي عليهم وتلعب بنتي تدرون كبرت وحركتها زادت وصارت تدخل عليهم بالغرف وتستطلع مسكينه بريئه تخيلو عمرها سنه وخمس شهور ماشافوها البنات الا بالصور زوجي يجيني واقول وين بنتي يقول عند جدانها اقول ليش ماتجيبها معك خلاص لعبت وشافت جدها وجدتها يقول خليها هذا بيت ابوها قلت ياحسره وين بيت ابوها كلكم مشتركين فيه ويقولي وش دخلك خليها تلعب ووين ماتروح تروح قلت ماابي خواتك يشوفونها من حب العين للبصله قلتله نسينا اللي كلينا ماتدري انهن هاجراتك وهاجراتني وولدك وتروح تدخل بنتي عليهن ويقولي مالك دخل خليها تلعب والله يابنات صار يعاندني ويوديها بنتي بريئه وتلعب وتسولف عليهن وهن ميتات ضحك عليها والله كل ماوداها ابكي ابكي وذاك اليوم يطلع نغص عليه بمشاكلي وانام بغرفه وهو بغرفه واجلس يومين ثلاثه زعلانه مره مرتفع ضغطي منه تعبت ماابي بنتي تجيهن مالها قابيله عندهن تعبانه والله يابنات مره اسوى رجيم وبنتي الصغيره الله يصلحها شوي تطفشني واهلي بهالعيد امي واخواتي بيعيدون عند خوالي يعني بسكر علي بيتي لاروحه ولاجيه وزوجي طفشني ببنتي صايره اكره حركاته ولنا يومين هو بغرفه وانا بغرفه هو اللي جاب لنفسه هالمشاكل