تعبانه من كل شي شوروا علي واسوني انا احتاجكم بعد الله/ قديم

السلام عليكم

كلامي بيكون ملخبط لاني متضايقه كثير ولاودي اذكر لكن بكتب عشان ارتاح يمكن ارتاح
انا عمري 27 سنه حبيت شخص من خمس سنين والله شاهد علي اني احبه ونيتي منه الزواج ولاني من اللي يتسلى ويلعب
وهو نفس الشي على كلامه لكن بين فتره وفتره يقولي مالنا نصيب في بعض انا ماعندي استعداد ارتبط
المشكله فيني انا
احبه حب الله يعلم فيه وانا انسانه ولله الحمد ملتزمه بديني ومحافظه على صلاتي المفروضه والسنن وقيام الليل والاستغفار والصدقه والله اني قريبه من الله واشعر بهذا الشي
هالانسان يعرف كل شي عني واعرف كل شي عنه يفهمني وافهمه ابيه زوج لي ابي عيالي منه ابي نعيش انا وهو مع بعض
طول هذه السنين ادعي ربي بان يجمعني فيه وان ماكان خير لي ربي يسخره لي ويجعل فيه الخير الكلام بهالموضوع يطوووول لكن بختصره الى هنا

قبل كم شهر توفى ابوي
زلزلني هالموقف مت بعد ابوي روحيا لاني كنت الاغلى عنده من بين اخواتي واخواني كلهم
ولكن كلنا كنا مقصرين بحقه لان ابوي الله يرحمه ويغفرله كان عصبي جدا لكنه يحبنا وبحبني انا لدرجة مره يقولي انا عايش بهالحياة اشوف وش تبين بس
لكن انا كنت اتضايق من تصرفاته خاصة مع امي ماودي اتذكر لكن هالشي متعبني كثير كثير
وكان متهاون في صلاته لكنه مسحور وتعذب بالامراض

كنت اقوله ادعيلي يبه ان الله يحققلي اللي ابيه وابكي واللي ابيه هو هالشخص
كان يدعيلي ويقولي قوليلي وش هالشي اللي تبينه والله لاجيبه لك لو من تحت الارض قولي اللي تبين
مايدري انه يعذبني اكثر اذا قالي كذا
والا اذا قال قوليلي وشللي تبينه اروح اتعلق بالكعبه ادعيلك

ابوي مات فجاه
والصدمه خذت مني ماخذت انا ماكنت اؤمن بالالم النفسي انه ممكن يضعفك
لين ماشفته وحسيته بعد موته
بعد موت ابوي عزاني ههالشخص
وبعدها بكم يوم قالي انا ماعندي استعداد للارتباط ورااح
ودعائي ؟ وابوي اللي كان يضيق صدره لاشافني ابكي
خذلني بهالموقف ولكم تتخيلون كيف صدمتي بوفاة ابوي ثم خذلان هالانسان لي
لكن اناعندي امل برجوعه لان ماهي اول مره يقولي كذا مايقدر يستغنى عني
لكن انا مجروحه منه ومابيدي حيله احبه ومسامحته على موقفه معي
ابيه يرجع والله قادر على كل شيء


امي اللي بقت لنا
صرت اخاف عليها اضعاف من اول احبها ولاابي اعيش من دونها
الناس ماهمها امي يجون ويجيبون اطفالهم وتعرفون يبون ضيافه وامي ماتصبر لازم هي تقوم واذا كلمتها تقول انا ارتاح بالشغل انسى الصدمه
لكن هي مريضه وماتتحمل والله ان رجولها قامت توجعها من كثر المشي والناس

واختي الكبيره تعبت امي بمشاكلها مع زوجها
ادري انه مالها الا امي بعد الله لكن المفروض تهتم لصحة امي وتراعيها ماتضغط عليها وتصبر
والله انها تعصب على امي وكل حرتها تطلعها فيها وامي اااه بس تصبر وتسكت

وان زعل احد من امي هي تروح تراضيهم ولو كانوا مخطين عليها وانا اكون في قمة ضيقي لكن اروح عند امي اضحكها بس ابي اشوفها تضحك واكتم بقلبي

والله فيني من الهم فوووووق طاقتي
تعبانه تعبانه ياناس تعبانه ماكان ودي اكتب لاني اتبع قول يعقوب عليه السلام انما اشكو بثي وحزني الى الله
لان الله اللي بيده كل شي لكن تعبت من الكتم بنفجر من الضيق والكبت


قبل ماانام اقرا عن الموت افكر في ابوي اتخيله اتعب
اتذكر تقصيري معه اتعب اكثر كنت مقصره صحيح لكن برضه ماكنت ارضى عليه بالغلط واحبه والله احبه

انا ماني مقصره معه بالدعاء ولا الصدقه ورحت مكه عشان اخذ عمره عنه والحمدلله تيسرت


انا تعبانه من كل شيء
من فقدي لابوي ثم لهالانسان اللي بنيت عمري كله معه وباذن الله بيكون معه لاني مازلت ادعي والله كريم ويسمعني وقادر على كل شي
وتعبانه لاني شايله هم امي
ابي دايما اشوفها بخير ومبسوطه لكن وييين وهالناس واخواتي واخواني متعبينها
وتعبانه من الموت ووسواسي فيه وابوي

ادعولي واسوني يمكن ارتاح