تعبانه من هالروتين وحيده لاصديقه ولا احد

مرحبااا بنات حابه افضفض لكم لانكم خواتي الله يسعدكم جميعااا
انا متزوجه وعندي بنت الحمدلله
زوجي طيب لكنه بيتوتي مايحب يطلعني الا لحاجه او ضروره مستحيل يفكر نطلع نتمشى او نغير جوو لو بالسياره على قولته مايحب مولاتنا ولا شوارعنا يحب بره نسافر لكن ظروفنا الماديه صعبه جدا يعني مانقدر نسافر هالفتره نهائي
وماطلبت منه سفر بس نسوي اكشن نغير من هالروتين حتى بنتي مقطعه قلبي تطفش وودها تطلع صارت تعرف وتحس عمرها سنه وشهرين وتحب الاطفال اهل زوجي ماعندهم الا بنتين بنات عمها ومو دايم تشوفهم واهلي انا الكبيره المتزوجه ماعندنا احد فاقوله نوديها تلعب لو تتفرج ع الاطفال وديناها مرتين وخلاص انبسطت وفرحت والله تجيب لي جزمتها تكرمون تبيني البسها تبي تطلع
انا انسانه اجتماعيه كثير بس حظي مدري كيف ماعندي احد اهلي وخواتي من تزوجت متغيرين علي لاني صممت اتزوج زوجي وكذا ومشاكل مدري غيره او ايش بالضبط مايزوروني ولا يجوني عزمتهم بحفله سويتها لبنتي ماجات الا امي ومجامله ولا وحده قدرتني خلوها على الله بس واهل زوحي علاقتي فيهم رسميه ومحترمه ماشفت منهم الا كل خير لكن خواته ماتزوجوا بنات بالجامعه ولا يطلعون وادرس انتساب يعني ماعندي صديقه نهائيا احس بفراغ كبير عاطفي
زوجي يقول روحي اطلعي عادي انتي مثل العظم بالبلعووم وتجبريني ادور لك مكان وانتي ماعندك احد لاصديقات ولا احد واااه جرحني الحين انا واقفه معاه وضحيت بكل شي يقول لي لاجاتني فلوس بسافر لحالي اروق الحين اللي ماسكه بيتها ومراعيه زوجها صارت عظم مو مخليته يرتاح
تعبانه نفسيا حتى والله كنت اخذ كلوميد وماصار حمل من النفسيه المنهاره وخيره الحمدلله
عشان كذا ودي اغير من نفسي ودي اكون صداقه واطلع معها واجي واحسسه اني مو محتاجه له وابي ابعد عنه يمكن يشتاق لي ويحس بغلطته وجرحه لي
تعبانه اعذروني ع الاطاله