تعبانه نفسيا احس اني فشلت في بيتي

متزوجه وعندي اطفال الحمدلله وعيالي صغار فوق بعض وموظفه
من اول ما جبت الخدم وانا مو متوفقه فيهم ماعمرها جتني وحده وعندها امانه واخلاص ولو شوي
ارجع من دوامي ألقى بيتي وسخ مغبر والغسيل والكوي ماخلص !
انا انسانه أحب البيت النظيف وجبتها تساعدني لاني أداوم ما ارجع الا وانا مهدود حيلي وعيالي في مدارس وحضانه وإذا رجعو ماتمسكهم انا الي أمسكهم وااكلهم واغسل لهم والبسهم
ومع هذا مافيه اي إنجاز
حرمت نفسي من الطلعات بسببها انظف ورآها وافهم فيها لكن لئيمه ماهمها اكتشفت انها تجلس الصبح ع الجوال والفيس تايم وإذا خلصت نظفت ع السريع لا زوليه تنظف تحت لا طاولات تمسحهم حتى موية السيراميك ماتغيرها يكون لها كم يوم ويجي السيراميك مقرف شكله
الحمام تمسحه بمنشفه
يعني شغل مش حاااااااالك
بتقولون غيريها المشكله كل الي يجوني كذا
بديت أشك في نفسي بصراحه
كل الشغالات يمشون على سيناريو واحد لدرجة أخذت اجازه 6 شهور وجبت فلبينيه قلت اجلس معها اعلمها على كل شي
ولا فيه فايده ان قلت نظفي قالت نظفت ان قلت مسحي قالت مسحت
تعبت نفسيتي كل يوم فيه مشكله
انا ادري ان الشغالات يتعبون وكل وحده لازم فيها عيوب بس مو كذا
تعطلت حياتي بسببها ودي أجي ع الأقل ألقى البيت نظيف وريحته حلوه
أجي ألقى وسخ حتى التلفزيون كله اثار أصابع عيالي ماتنظفه مع انه تلفزيون واحد
المطبخ ماينظف الا في الليل على اقل من مهلها تشتغل هددت بخصم الراتب مافيه فايده



اااااااااه الي يشوف كشتي في البيت وهي طايره يقول ماعندها شغاله
نفسي في وحده عجله في شغلها تنظف زين عندها شوي امانه