تعبانه نفسيا والله . ساعدووووني نخيتكم

السلام عليكم
صباح الخير

خواتي بختصر لكم مشكلتي لأني تعبانه نفسيا منها

حتى مادخلت النت الاعن طريق الجوال

زوجي قبل اتزوج كان مدممممن سفر لاحدى الدول الخليجيه المجاروه والمشهوره بفسادها ولأنه يروح لها كل اسبوعين تخيلووو ايقنت انها مو سفرات سياحه خصوصا انه قال بنفسه ان كل اللي معاه يروحون علشان البنات الا هو ?
بعد الزواج خفت سفراته صارت كل ثلاث او اربع شهور ومع هذا ماعاد قدرت استحمل منه ومن شلته الفاسده واختلفت معاه وتهاوشنا مره بسبب هالموضوع وكادت تصل للطلاق وبعدها ماعاد سافر
هالكلام من سنه
اليوم جاء يقوللي تبوني أوديكم لذيك الديره انا وانتي وعيالنا فرحت وقلت ايه في نفس الوقت مستغربه لأن قبلها بكم يوم يتكلم مع صديقه واحس ان هذاك احرجه بسؤال شفته تلخبط ويردد إيه إيه إيه بعدين قال خلاص اذا شفتك نكمل كلامنا
قلت الله يستر
وبعدين بعد مافرحني بموضوع السفر قال مااستغربتي اني بوديكم قلت الا قال لاوالله بس فلان كان مزعجني يبينا نسافر وقلت أول بودي أهلي يتمشون وينبسطون وبعدين أنا وانت عرفت ان هالسفره اللي بيودينا حركة غش وتمويه
صكت فيني الدنيا والله ماعلقت ولابكلمه بس انسدت نفسي وماتت فرحتي بالسفر

الحين أبيكم تساعدوني كيف أخليه مايسافر
طفشت والله وتعبت نفسيا كل ماذكرت سواليفه عن البنات اللي هناك ويقول انا مادري عنهم بس اخوياي يقولون لي
تكفووووون نخيتكم ساعدوني
فكرت اكلم فلان اللي هو صديقه وجارنا بنفس الوقت واترجاه مايخرب بيتي لأن هو اللي أكثر السفرات معاه واخوياه الثانين صارت مشكله بينهم وتركهم وحمدت ربي بس باقي هالصديق لو يتركه بحاله
تعبانه والله ذبحني الهم والبكاء مالي غيركم بعد الله