والله ياحبيبتي مو كل من كان راتبه قليل يسبب مشاكل

أهم شي كيفية تدبير المال أعرف واحد راتبه50000شهرياً ولاسه مستأجر

ووأحد 5000والله من يوم تزوج زوجته وهي في بيت ملك

إذا بس عيبه بنسبه لك الفلوس فشوفي كيف يدبره من خلال مكالماتك معه..وشوفي هل هو ماسك بقوة أو وسط حسب وضعه..ولا تسبقي الأحداث يمكن بكره يكمل دراسة ويحس بالمسؤولية


بس تصدقين لو أنا مكانك مااااااا أخاف من الراتب قد ماااااااااأخاف من الفرق التعليمي إلي بيني وبينه جامعية وثانوي والخوف مو من التفكير العقلي بينكم الخوف من المقارنات فيما بعد.. مع الأستخارة و التفكير المتوازي دون النظر للمستقبل الغيبي كثير..تستطيعي حل مشكلتك



والله يوفقك:27:

:)حبيبتي اتوكلي على الله واللي تخاف منو ما يجي احسن منو

ياعمري عليك ذكرتيني بفتره الملكه متوتره علاخير وحسيت اني تسرعت مع اني تمنيته يتزوجني ...هذا شعور اغلب البنات انهم تسرعوا خصوصا ان كان الرجال مايعيبه شي من ناحيه الدين والاخلاق
انتي ذكرتي من عيوبه الفقر والتدخين بس ماقلتي شي ثاني يعني بس هذي عيوبه؟؟
اذا عيبه الفقر انا معك ان الوحده تخاف بس لو كان مقتدر هل بتوافقين؟؟
اذا ايه اجل توكلي على الله وترى هذا الوضع الحالي لأغلب الشباب اللي يردهم عن الزواج قله الراتب
بقولك قصه لأختي هي تزوجت وعمرها 19 من واحد عمره 32 وهو فقران بس هي ما تتكلم مره زرتها بصراحه انصدمت بوضع بيتها تخيلي البويه متقشره والفرش بااهت ومتقطع والكنب مافيه بس جلسه ارضيه قديمه والاكبات متشلعه بيبانها ..والبيت من الخارج يفشل باب حديد متصدي ..........انا انصدمت لكن اقول لك احس بسعاده من ادخل بيتها وكل اهلي يقولون مع انهم فقرانين لكن تحس السعاده من تزورهم هي صبرت وزوجها بعد صبر يجمعون القرش عالقرش واللحين سكنوا بفله بنوها من تعبهم بعد فضل الله

الحياه مو بس فلوس الحياه الزوجيه ان كانت ثمرتها السعاده خلاص كل شي يهون .....لا تتصورين ان حياتك بتصير افضل ولا مثل غيرك انتي عيشي على ظروفك كيفي نفسك عليها ....
اذا بتتزوجين على الافكار هذي صدقيني بتتعبين والمشاكل بتدق بابك من اول اسبوع
نصيحه من اخت... حطيت نفسي مكانك وبصراحه ان كان المعرس مثل ماتفضلتي اهم شي يصلي ومهو راعي جريم اخلاقه زينه اوافق للأسباب التاليه :
1 / ما اضمن بيجي احسن منه
2/ عمري 29 والبنت تقل فرص الزواج عندها كلما تقدمت بالعمر
3/ افكر اجيب اكثر من طفل بلحق على عمري قبل لا ينقطع الضنا
4/ رغبتي بالاستقرار
5/ ابغى استقل ببيت او شقه اكون انا راعيتها اديرها وانظمها

بصراحه انتي استخرتي والخيره اللي الله بيقسمها لك وهذا انتي ملكتي ... لا تخربين على نفسك احلى الايام ... كل وحده متزوجه تتحسف على لحظات راحت من ايام الملكه ما انبسطت فيها ... قومي توضي وصلي ركعتين وادعي الله انه يشرح صدرك ويبارك لك بزواجك و يحببكم ببعض ويفتح لكم ابواب الرزق ...انسي الخوف من المستقبل لا تنظرين بسلبيه لأن نظرتك بتعكس على تصرفاتك ..الفلوس مو مهم البركه بالفلوس اهم ... ولا تنسي قول الله تعالى(( الشيطان يعدكم الفقر..))

اختي
فرص حلوة اسمحي لي العمر يركض وما عاد فية رجال زي اول يعني اليوم ترفضين بكرة ماتلاقين
عمر الشاب مناسب وعمرك كذلك
والاسخارة مش معنا اسفرغت او كيذا او حلمت ولاتضايقت الاسخارة ياتمشي الامور ياتقفل وتنسد
انت استفرغتي لانك ماتشربين الاماء وماتاكلين شي
وطبيعى انك تخافين ترى كل البنات مثلك وحتى الرجال انت بشر تشيلين هم الحياة الجديد وهذا طبيعي
وصدقين ترى احلا الايام ايام الملكة مررررررررررة حلوة استمتعي بها
ولاتفكرين بالمادة
لان كثير ازواج تزوجوا وكان وضعهم ضعيف وماشاء الله تحسن قال علية السلام في معنى الحديث(زوجوهم فقراء يغنيهم الله )
وانا اعرف كثير ماشاء الله تحسن وضعهم المادي
وطبيعي انت عمرك شفتي احد او مايتخرج يصير مدير او رئيس او وزير
طبعا لا
يبيلة يكافح ويتعب والزوجة الذكية هي اللي توقف وتشجعه على مواصلة الدراسة
وترى ممكا يشغل شغل اضافي او انت تشتغلين
يعني ابحثي عن الحلول وناظري للمستقبل باجابية عشان تسعدي
وتعوذي من ابليس
وانسي شي اسمه طلاق

للرفع

شكرا لكل الي ردووا وابدوااااا رايهم