السلام عليكم ورحمة الله وبركاته
بنات انا تعرفت على جارتي تقريبا من سنه وكانت مره اجتماعيه مرررره احيانا مادري الا وهي داقه علي الباب وجايه تتقهوا صراحه انا عادي عندي كنت ابي جاره اجتماعيه مرت الايام وكنا مثل الخوات صراحه احس انها ونستني لان صارلي فتره انا من دون جاره بس مشكلتي وتعبي صارلي يوم راحت كانت حامل وتعبانه وراحت عند اهلها واخذت يمكن اربع شهور انا بعدها حسيت بضيقه ومالي نفس ابد اني اسوي شي ابد وانا عندي قولون وزاد علي وانسدت شهيتي عن الاكل ونحفت والكل لاحظ علي ادري يمكن تقولون حسيتي بالوحده وثار عليك القولون لا عادي عندي ياما جارات جاورني وراحو وجلست لحالي ومافيني الا العافيه وانا مو من النوع اللي اجتماعيه واحب الطلعات يمكن طلعه بالاسبوع تكفيني
المهم مع الايام تحسنت وصار الوضع طبيعي ورجعت جارتي لبيتها وعادي الحمد لله حسيت بتحسن وصرت اشتهي اكل بس المشكله رجعتلي بعد ماسافرت هي الحين لها اسبوع يمكن ورجعت لي الضيقه وانسدت شهيتي وكاعاد لي خلق باي شي مع العلم انا بعيده عن اهلي في منطقه ثانيه
بس ودي اوصل لكم ليش اذا سافرت جارتي جاتني كأبه مع اني مو من النوع اللي متولع بالجيران والله انا الحين تعبانه من ضيقه الصدر مع ان ضيقة الصدر ملازمتني وحتى هي عندي
وآسفه ع الاطاله وادعولي ربي يشفيني ويبعد الضيقه عني
*ساالي* @saaly_2
عضوة نشيطة
يلزم عليك تسجيل الدخول أولًا لكتابة تعليق.
لا تروح افكاركم غلط. تعلقت فيها كأخت عزيزه وتفقدها لما تروح. أنا اول لما يسافرون بنات خالتي احس بنفس شعورها.
الصفحة الأخيرة
بس يمكن مرتاااحه لها انتي مررره
وفقدتيهاااا
وحسيتي بالوحده