الله يفرجها عليك

زوجي كان مثله كان ببداية شغله ويومه كله شغل شغل شغل عشان يثبت جدارته وينقلونه
على الاقل انتي عندك اهل تروحين لهم وتكلمينهم وعندك نت وووو....إلخ
انا كنت صغيره وماعندي شي .. لا اهل ولا نت .. ولا جوال ولا شي
جالسه ومقابله التلڤزيون اعرف كيف جلست البيت تذبح .. ومره خلاص ماقدرت اتحمل وانفجرت بوجهه
وبكيت وطلعت كل اللي بقلبي .. وقلت له احساسي وقلت له انا وش محتاجه وقلت له حط نفسك مكاني ماتقدر تطلع مكان وبس جالس بين اربع جدران ما تطق ماتموت ماتطفش .. ماعندي اي وسيلة ترفيه غير هالتلڤزيون وفضفضت له كل اللي بقلبي
وتأثر لاني بصراحه بكيت بكا ما انساه كنت تعبانه من الوحده ونفس حالتك وماعندي اطفال ولا شي .. ومن ثاني يوم طلعني وهكذا بدا يطلعني شوي شوي لما صار هو يجيني ويقول يلا نطلع
حتى السوبرماركت يزفني معاه له .. نصيحه صارحيه وقولي اللي بقلبك .. بدون هواش باسلوب يحركه .. بشويش ترا الهواش ما ينفع

كان الله في عونك يا إختي
بما إنه من أول ماتزوجتي وهو كذا معناته الرجل تعود بس برضو مو عذر ذا
تكلمي معه بشكل حازم طلع وأخذ ولدك ألبسي عبايتك وقولي معكم
إعترض قولي أبطلع طقيت بغير جو
وكوني حازمه معه ولا تتهاونين قولي أنا صبرت والصبر له حدود قدرت وضعك
وعملك بس مو معقوله ما أطلع لو ساعه !
قولي المساجين وهم مساجين يطلعونهم بحديقه أو بحوش يشمون هوا ويتنفسون !
ما إقتنع ما لك غير تهددينه بعض الرجال مايفوق إلا بالتهديد
قولي خلاص أنا أعترف إني زهقت ومليت وأفكر أروح لأهلي كم يوم أغير جو عندهم
يمكن بهالطريقه يتغير شوي عاد أنتي أدرى بزوجك هل بتنفع معه ولا لأ
والله الله بالدعاء يا قلبي والإستغفار كثري منه وماتندمين بإذن الله

إذا أنتِ يائسة ل هذا الحد .. أنصحك تأجلين التفكير في حل المشكلة هذي لأنك قدام مشكلة أكبر

وهي اليأس .. أو التشاؤم

أول شيء أتركي التشاؤم وأيقني بأن حالتك بتتغير

ثاني شيء اجتهدي وحاولي تغيرين من حالك

لو كان بإمكانك البحث عن وضيفه .. توضفي

ولو ما كان بإمكانك .. أشغلي نفسك بأي شيء .. تجارة بسيطة أو أي شيء تقدرين عليه

وأهم شيء الدعاء .. الدعاء يعمل المعجزات .. ممكن يغير لك جلاميد الصخر لماء عذب

وشيء مهم لا تعلقي آمالك ببشر حتى لو زوجك .. السعادة في داخلك مو في الخرجات

اكتشفيها واستخرجيها من داخلك

هذا كله لن يجدي نفع لو كنتي يائسه أو محطمة أو متشائمه

أتمنى لك التوفيق

إذا أنتِ يائسة ل هذا الحد .. أنصحك تأجلين التفكير في حل المشكلة هذي لأنك قدام مشكلة أكبر

وهي اليأس .. أو التشاؤم

أول شيء أتركي التشاؤم وأيقني بأن حالتك بتتغير

ثاني شيء اجتهدي وحاولي تغيرين من حالك

لو كان بإمكانك البحث عن وضيفه .. توضفي

ولو ما كان بإمكانك .. أشغلي نفسك بأي شيء .. تجارة بسيطة أو أي شيء تقدرين عليه

وأهم شيء الدعاء .. الدعاء يعمل المعجزات .. ممكن يغير لك جلاميد الصخر لماء عذب

وشيء مهم لا تعلقي آمالك ببشر حتى لو زوجك .. السعادة في داخلك مو في الخرجات

اكتشفيها واستخرجيها من داخلك

هذا كله لن يجدي نفع لو كنتي يائسه أو محطمة أو متشائمه

أتمنى لك التوفيق