رفع

مادري وش اقولك بس حبيت ادعي لك الله يسخره لك ويبعده عن كل أمر يضايقك

لو أنا مكانك ما أخترت المواجهه ..
اخترت اني احل المشكله بطريقه ابعد عن المواجهه


الخيانه عزيزتي درجات .. الخيانه الجسديه هذي لاتسامحين عليها أبدا لو كان يخونك وينآم مع وحده
لكن الخيانه الالكترونيه والنزوة الي يمر فيها هذي عآبره .. برنامج جديد وطآح فيه وبنات وانتي بنفسك شفتي مآيردون عليه .
قبل المواجهه اتخذي الحلول السلميه والبسيطه لو مانفعت وآجهي وثقي ان الله لو ستر عليه مره أو مرتين فماراح يستر عليه بالثالثه او الرابعه ..
اشتغلي على مبدأ رمي الكلام بطريقه غير مباشره .. من ناحيتين ..
الناحية الأولى بتقليلك من قيمتهم وقيمه الي يتابعونهم
الناحية الثانية بـ ترفيعك بزوجك وثقتك العمياء و فخرك فيه .. خلي ضميره يشتغل .
اجلسي معه بهدوء وامسكي يده .. قولي له الحمدلله الي رزقني ربي فيك أبو لـ اجمل بنتين في الدنيا , ما أخاف على بناتي دآم أنت أبوهم عآقل وفاهم وتخآف الله فيني و فيهم . مآدري كيف بعض الذكور ما يخآفون على اعراضهم و يتعرضون لـبنات الناس ,, ناسين ان ماسويت راح يسوى بك .. والي يسويه لغيره بيرده ربي بكرا لـ بيته وبناته وعرضه .. والله حسآفه اسم رجال عليهم .. آحمد ربي الف مره الي ربي رزقني فيك
" هو كذا رآح يشتغل تأنيب الضمير عنده الف وبيحس انه تافه وحقير ومن هالحكي "
شبه يومي كرري هالكلام خليه يحس فيه ويستشعره منك وانه لو اكتشفتيه بيطيح من عينك تماما ..
سولفي له قولي اعوذ بالله هالحثاله مايتابعهم الا حثاله مثلهم لا تربيه ولا دين ولا اخلاق ولا خوف من الله ..يالله يارب تعيني وياك على تربيه بناتنا تربيه نظيفه بعيده عن هالاشياء ..
جيبي الطاري بـ اشكال وطرق مختلفه عشان كل مامسك جواله يتردد كلامك و وجهه نظرك بـ اذنه ويكره هالشي
ومنها أنه ماراح يحس انه طاح من عينك من هالنزوه بالعكس بيضل خايف من هالشي لانك حسستيه انك رافعه سقف توقعاتك فيه

رجعت مخصوص عشانك لانه مريت بنفس مرحلتك لفتره
قبل شوي كتبت كلام طويييل وخلاص باقي شوي الا جوالي قفل والشاحن ٥٪ واضح جوالي بدأ يخرف وقهر راح كل الكلام
بس بأعيده عشانك
اول شي دام مايردو عليه معناها
هو بس ضايفهم وهما مو ضايفينه وعشان حساباتهم مفتوحه ومن كثر الرسايل اللي تجيهم مافتحو رساله زوجك
وثاني شي ممكن يكونو من مشاهير الانستقرام وطبعا لهم حسابات بالسناب وغالبيه الي بالانستقرام صايرلبسهم مو محترم وخليع ونادر ماتلقي المحترمه ....فممكن طلعوله بقائمه المشاهير وصار يرد عليهم وطبعا هذول ماراح يردو عليه لانهم مشاهير ولا راح يطولهم
يعني اتطمني
ثاني شي زوجي قالي قبل فتره شوفي بس يطلعولي بالمشاهير بنات اشكال وانواع عجيبه واجانب كثير وعاد تعرفي صور الاجانب اوقات ماتلبس وتغطي قلك بيدها الاماكن المحظوره واشكال وانواع ومغريات ...وهو يقول مهما حذفهم الا ويزيد عددهم مره كثير
طبعا زوجك دام دخل السناب بيشوف اشكال وانواع بس غالبا محيردو عليه
واعتبري نفس ماقالت وحده مرض متفشي بالمجتمع ونادر ماتلقي احد عاف نفسه الا وتلقيهم يطالعو في هذه الحاجات ،،، من كثر البرامج والمغريات اللي حولنا ولو فكرتي تطلقي بتتزوجي واحد اخص واخص لانه نادر رجال ماشاف نادر ..احنا بزمن مليان مغريات ومن رحم ربي بس اللي ماسك نفسه عن هذه المغريات
الخيانه الالكترونيه ...هذه اسحبي نفسك منها ..خليها بينه وبين ربه ...اهم شي مايخونك جسديا لانه ممكن ينقلك امراض وعدوى واصلا كبيره من الكبائر لانه بيكون زنا
لكن الالكترونيه راح يكلم ويسحب وهكذا لانه مافي شي زي هذا يستمر وهذا ان ردو عليه زي ماقلتي ماردو كثير عليه
ثالث شي خلي زوجك يشوف مقطع باليوتوب لشيخ قال مايجوز تفتشي جوال زوجك ولا هو ولاحتى اولادكم ..لانه داخل من التجسس
وقوليله شفت المقطع هذا..خلاص لاعاد تفتش جوالي ولا افتش جوالك ...واللي قاعد تسويه هذا بينك وبين ربك ..وانت اللي حتتحاسب في القبر مو انا >>>> خوفيه وانصحيه بطريقه غير مباشره
رابع شي انا زوجي من بدايه زواجي قالي شوفي لاافتش جوالك ولا تفتشي جوالي لانه ممكن اشوف صحباتك بالغلط او اقرأ كلام خاص وحتى انتي ممكن تقرأي كلام خاص بين اصحابي وما ابغاكي تشوفيهم واتفقنا على كذا
بس اللي صار وقلت حاسه فيك انه اضفنا بعض بتويتر وصرت اغار (بدايه زواجي) وليه هذه تضحكلك وليه انت تصبح على هذه وليه وليه وهو كمان ليه تضيفي ذا وليه تردي على ذا وليه تضحكي على ذا وصار مشاكل واخر شي اتفقنا انا وهو نحذف بعض وهو سوا حساب جديد وانا كمان عشان مانتابع بعض .... وجربت بعدها بفتره ارجع لحسابه القديم لقيته يكتب لكم بنت ممكن تضيفني ..ممكن تتابعيني .. وينكت مع ديه وحده قالت بالعام ماسافرت لمكه ( واحنا سكنا فتره بالرياض بسبب شغله ونجي مكه عشان امه ) عرفت انه بينهم كلام
المهم تعبت نفسيتي مره ثانيه بس ماكلمته لانه احنا متفقين مافي تفتيش
ومن بعدها ماعاد فتشت ولا تعبت نفسي ودست على قلبي ويووه اول سنه قلبي كان يعتصر لما اشوفه يبتسم اتخيل يكلم بنت
وبعدين صار عااادي
يبغالك قوه صبر ،، ولازم تحطي حد لانه فعلا ممكن يشوف صور بالخاص عندك ويحذف الرساله على اساس مايبان عندك انه فتحها
او يشوف بالعام يبان من بعيد
ليش تدخلي نفسك بذنب الناس اللي عندك
خلاص ممنوع من بعد اليوم لا انتي تفتشيه ولا هو يفتشك
ولاتطلبي الطلاق على سبب زي هذا ..لانه ممكن تتزوجي اخص من زوجك ..زي ماقلت نادر ماصار مايتفرج لانه البنات صارو يطلعو بكل مكان وبكل برامج واللي يغض البصر نادر ..ان غض مره وممكن الشيطان شاطر مايغض الثانيه ..عشان كذا لاتحاسبيه ولا عااد تدوري وراه
وبس الله يصلح مابينكم ويهديلك زوجك

آخر ردين كفوو ووفو
الخلاصة : لا تفتشي جواله نهائي