السلام عليكم ورحمة الله وبركاته
مدري من وين ابتدي بسرد معاناتي :09:
بنتي اللي عمرها ست شهور و 20 يوم
معاناة معها انا نزلت موضوع قبل كم اسبوع به الخصوص
بنتي تعبت فترة ورفضت الرضاعة اطبعا صناعي و بالاصح ماهي قادرة ترضع
كل مامسكتها تبي تمص تتألم وتغص وتوقف وتصيح وتحاول لين ماعد تقدر وترفض
هي تصيح من هنا وانا دموعي على خدي تخيلو يابنات شهرين وزييادة على هالحال
ولا تحسنت من مستشفى لمستشفى اللي يقول احتقان بالحلق ويعطيها مضاد ولا تتحسن
واللي يقول سليمة
رحت فيها مسافة 400 كيلو وزيادة عشان دكتور يرفع العظيم وقال عظيمها نازل ورفعه لها ولا تحسنت ابببد
صبرت عليها شهر وزيادة ووديتها لحرمة وقالت بالحييل عظيمها نازل ورفعت لها وتحسنت من تاني يوم ترفيع
طبعا اول يوم ما تحسنت ابد وثالث يوم رفعت لها وبعدها ماعد مسكت الرضاعة ولا عد قدرت ورجع يافوخها نزل زي اول والله صاير حفرة مع اني قاعدة اعوضها بالاكل والسوائل :(
الحين اسبوع من بعد الترفيع وهي زي قبل وقلبي محروق على بنتي
معقولة عندها شي غير العظيم وش ممكن يكون ؟؟
واذا هو نفسها عظيم ليه ماتتحسن بعد الترفيع او يوم وتنتكس ؟؟
وآآآه آآه ياامهات صرت ماعد اطلع ولا اجي عشان اعوضها بالاكل واذا اضطريت وطلعت تجلس جوعانة لين ارجع
عجزززت واحترق قلبي على بنتي اشوفها قدامي تعاني وانا ماعد بقى في يدي شي جربت العلاج الشعبي والطبي وبنتي على حالها
افيدوني وانصحوني الله لايذوقكم اللي اذوقه
تكفون ياحوائيات ارفعوا الموضوع ولو بدعوة لبنتي
وانا ماكتبت هنا الا وعندي باقي امل ان وحدة فيكم تعرف علة بنتي او دواها بعد الله سبحانه
ويمكن وحدة منكم مرت باللي مريت فيه وتفيدني
:44:
يمه @ymh
محررة
يلزم عليك تسجيل الدخول أولًا لكتابة تعليق.
لميندا
•
ام روز :
ياقلبى ماعندى علم شفاالله بنتك يااااااااااااااربياقلبى ماعندى علم شفاالله بنتك ياااااااااااااارب
ولدي عمره شهرين ونفس معاناة بنتك بس انتي أهون مني تقدري تعوضيها بالاكل بس أنا ايش اقدر اسوي صرت أحط الحليب في الابره واشربه .. واجازه مو راضيين يعطوني والله معاناه وكان اخر امل ليه بعد الله الطب الشعبي وانتي كذه حطمتيني ياريت لو لقيتي حل ماتنسين أختك في الله ارسليلي على الخاص والله يفرج كربتي وكربتك
الصفحة الأخيرة
ماعندي علم بس وديها اخصائي اطفال