السلام عليكم ورحمة الله وبركاته ..
اخواتي بقولكم موضوعي وابي رد راقي واللي تبي تجرح وتقول كلام ماله داعي توفره لنفسها
انا حبيت مساعدتكم يارب بتفيدوني
انا عندي بنت عمرها 5 ونص وعنييييييده لدرجه غير طبيعيه
ماانكر اني عاقبتها وضربتها ومافي فايده ادري الضرب مو حل
بس احيان اطلع من طوري لاشفت تصرفاتها الله يهديها
لمن نطلع من البيت امسكها وانبه عليها لاتسوي لقافه او عناد
واتفاجاء بعكس اللي اقوله .. والله اني ابكي احيان لاشفتها نايمه
المشكله حتى المدرسه بالتمهيدي تعاني منها تقول عنيده مررره ولاقلت لها بكلم ماما تهجد
انا ماابغى بنتي تنعدم شخصيتها .. هي ذكيه بس احيان تسوي حركات مو طبيعيه
مره كنت عند قريبه لي وطلبتني بنتي تروح لأبوها بالمجلس قلت اوكي بس خليكي مؤدبه
والله تفاجأت يقولي زوجي جلست جنب ابوها وتعطيه كفففف على غفله >>>>تخيلو قمممه الاحراج
ابوها يرحم يقول ماقدرت اضربها ويقول سكت وقامت تسحب اذني تبي تلفت انتباه الناس اللي بالمجلس
لا وتضارب اختها اللي اصغر منها
المشكله اعاقبها واحرمها وإذا قلت لها ليش سويتي كذا البنات الحلوات مايسوون كذا ماتهتم اهددها وتقول يلا اتحداكي .. وإذا قلت لها ليش سويتي كذا انا نبهت عليك ماتلمسين شي مو لك تقول انتي قلتيلي زمان ماقلتي لي اليوم ..
وهي دايمآ تقول انتو ماتجيبولي شي ماتسوو لي شي
والشاهد الله ابوها مو مقصر ودايم اوضح لها شوفي الفقراء والايتام ماعندهم شي
تكفون دلوني على رابط او موقع اوحلللل انا بديت افقد اعصابي
والله اني اضرربها احيان واندم
ساعدوووني ماابغى تنعدم شخصيه بنتي ولا ابغاها تتمادى اكثر
ربي لايحرمكم الجنه
سلوه المشتاق @sloh_almshtak
عضوة نشيطة
يلزم عليك تسجيل الدخول أولًا لكتابة تعليق.
هالة ضوء
•
ربي يهديها ويخليها لك
عيوني دائما شجعيها وبالكلمة الحلوة يا بطله يا شاطره ياعسل ياقمر
ترى العنف يولد عنف انتبهي لا تضربي الا في الشئ الشديد جدا
حاولي معها اشتري لها هدية وقولي لها لو ما مديتي يدك ثاني او لو صرتي بنت مهذبه راح انزلك السوق وانت راح تختاري الهدية بنفسك.
شوفي اسلوب الثواب معها علشان هيا عنيدة راح يجيب معاها نتيجة بس لازم الصبر
او لو سوت حركه ما عجبتك طنشيها لما تجي تسالك او تكلمك الين تقولك ليش مارديتي عليه وبعدين جاوبيها لكن بعد فترة من قصيرة من الوقت .
ولو عندك طفلة ثانية اخت لها او اخ اشتري لهم هدية وهي لا و وضحي السبب
علشان تعرف
ولا زم تقرئي عليها قران علشان تهدأ
والله يهديها ولازم تحاولي وتصبري والله لا دعيلك دعوة صادقه من القلب ان ربي يهديها لكي بإذنه تعالى
ترى العنف يولد عنف انتبهي لا تضربي الا في الشئ الشديد جدا
حاولي معها اشتري لها هدية وقولي لها لو ما مديتي يدك ثاني او لو صرتي بنت مهذبه راح انزلك السوق وانت راح تختاري الهدية بنفسك.
شوفي اسلوب الثواب معها علشان هيا عنيدة راح يجيب معاها نتيجة بس لازم الصبر
او لو سوت حركه ما عجبتك طنشيها لما تجي تسالك او تكلمك الين تقولك ليش مارديتي عليه وبعدين جاوبيها لكن بعد فترة من قصيرة من الوقت .
ولو عندك طفلة ثانية اخت لها او اخ اشتري لهم هدية وهي لا و وضحي السبب
علشان تعرف
ولا زم تقرئي عليها قران علشان تهدأ
والله يهديها ولازم تحاولي وتصبري والله لا دعيلك دعوة صادقه من القلب ان ربي يهديها لكي بإذنه تعالى
ياقلبي انا زيك نفس عمر بنتي والله اني امسك نفسي عنها كثير الله يحفظها ..عناد موطبيعي واختها الحين تسوي زيها
عجزت الاقي حل بس ادعيلهم ربي يهديهم ويهدي بنتك ياكريم..
عجزت الاقي حل بس ادعيلهم ربي يهديهم ويهدي بنتك ياكريم..
الصفحة الأخيرة