0534884888

او 0534994999

ياعمري وسعي الخاطر وربي اللي فيج نفس بنت خالتي والكل يقول عين والحمد لله تعالج نفسها ونفسيتها جدااا رائعه وتشجعنا احنا نستمر على العلاج ياقلبي مافي احد بينه وبين مصائب الدنيا حجاب وربي مايبلي الا عبده المؤمن الشيطان يخليج تفكرين شفتي وش صار فيج شفتي وشفتي لقى باب يدخل اليأس في قلبج منه ياعمري تعوذي من ابليس وقولي الحمد لله انتي بعافيه وصحه يكفي انج عارفه علتج غيرج وربي يعيش ويموت ولا يدري وش علته ولا وش صابه والكل يكرهه ومايدرون انه كان مسحور ولا به مس قولي الحمد لله كلنا معاج وربي الرحمن الرحيم االي احن من الام على ضناها شفتي حنان امج ربي احن عليج شفتي وقفتنا معاج لانج لجأتي لنا ولهفتنا ودنا كل وحده فينا نوصلج ونريحج ربي اكثر منا بس ألجأي له ربي ما بلاج ياحلوه الا لانه يحبج يحب يسمع دعائج ربي مايبلي الا لحكمه يبينا نقرب منه يبي يسمع دعائنا لاتقولين اخاف واخاف ولا تكبرين الشيطان في عقلج وقلبج واتخافين منه يخسي ملعوون ذليل والعياذ منه لاتفكرين كذا ياقلبي انتي معاج العزيز الجبار المنتقم ربج القوي العظيم اقري الاسماء الحسنى عظمي الله في قلبج ياعمري شوفي ربي وعظمته ورحمته معانا حبيبتي مهما صار معاج وانتي مستمره بالرقيه لاتوقفين كملي كملي وقولي مهما صااار ومهما سويت انا معاي ربي انا بجاهد وبرجع لي حياتي القبليه انا استحق افضل من كذا انا استحق حياه طبيعيه بدون خوف بدون الم تدرين حلج وين علاجج وين في لجوئج لمن تلجئين لنا احنا بنعطيج خلطات واعملي كذا وكذا بس لا لجأتي لله عز وجل صدقيني ماراح تحتاجين لاي وحده لنا لانه مادخل جسمج الا بأمر الله ولن يخرج الا بأمر الله الجأي لله ألحي بالدعاء قولي يارب اني مسني الضر وانت ارحم الراحمين ياعمري صدقيني لا احسنتي الظن بالله وإيقنتي انه الشافي المعافي وحده وقتها بترتاحين بتدرين انه معاج بكل خطوه بكل دمعة اذرفت من عينج وكل ونه ونيتيها الحالج ربي عالم بها وربي وربي لو تعلمين بالخير اللي ربي كاتبه لج بالاخره والدنيا لاخترتي اللي اختاره لج ربج ادخلي على يوتيوب واسمعي عن حسن الظن بالله ووالله هالمحضرات بتقويج واسمعي بالذااات لو اعتصمت بك نمله للشيخ عبدالمحسن الاحمد انصحج بقوووه تسمعينه بتغير نضرتج ماراح تفكرين باللي اصابوك بالعين لا ياعمري بتفكرين بطريقه ثانيه بتتخذين خطوه جديه وبتحسين انك اقوى بكثيررر من كل مره وانا بعطيج برنامج حبيبتي وامشي عليه وبأذن الله اي شي تحتاجينه احنا كلنا معاج ولو تبين اكون معاج على المسن نقرا البقره مع بعض بعد انا حاضره منها نشجع بعض بس انتي مدي يدك العلاج قدامج سعادتج قدامج بس مدي يدج واخذيها صدقيني ياقلبي الفرج قررررررريب مو ربي الرحمن الرحيم قال وبشر الصابرين في احلى من كذا بشاره يالله من فضلك ربنا يبشرنا ووعده حق والفرج قريب ابشري ياقلبي بالفرج والشفاااء التااااااااااام والزواج والتوفيق بالزواج بعد وان شاء الله ماتخلص هالسنه الا وانتي عروووس وزي القمر بعد بس انتي اتبعي البرنامج اللي اقوله لج

اولا: كوني على وضوء 24 ساعه

ثانيا : اكثري من سبحان الله الحمد لله لا اله الا الله الله اكبر

ثالثا : تصدقي كل يوم واذا ماعندك اشتري نبته ولا سمكه زينه ان شاء الله اسقي النبته ولا اكلي السمكه المهم اعتبريها صدقه لوجه الله وصلي الضحى فهي صدقه عن كل مفصل بأذن الله


رابعا :سورة البقره خليها شغاله في بيتكم 24 ساعه المسجل اللي يقلب الحالها والتلفزيون خليه على قناة المجد خليه يختم القران في بيتكم كل ثلاث ايام مره


خامسا: خذي مرش وخذي ماي واقري فيه الرقيه الشرعيه العامه والمعوذات وحطي فيه ملح خشن ومسك ابيض ورشيه في غرفتك وبيتكم وادخلي موقع عبدالله الخليفه واقري عن تحصين المنزل


سادسا: تمعني في نفسك توبي عن سماع الاغاني مثلا شوفي وين اللي مو صح فيك وعدليه وقولي يارب انا تبت لك توبه نصوحا ربي مابلانا الا لحكمه ربي اذا حب عبد ابتلاه ربي يبيك تغيرين من نفسك حاولي تتقربين من الله عز وجل ومن توكل على الله ماخاب اسمعي محاضرات عن حسن الظن بالله والتوكل على الله ومن ترك شيئا لله عوضه الله خيرا منه شوفي لحد الان ماقلت لك سوي كله اقولك اسمعي اسمعي اسمعي كبدايه


سابعا: قبعة المسك هاذي ضروري تستخدمينها لانها بتوقف عندك الوسواس والخمول والاكتئاب والضيقه وبتريحك واااااجد بتحسين براحه مو طبيعيه اذا استخدمتيها بترتاحين وااااجد بتلقين موضوعها في المنتدى وفيه منتدى الشيخ عبدالله الخليفه بتريحك وااااجد بتخلي العارض ينزل من راسك ولا راح يثقل عليك الطاعات وبتحسين نفسك خفيفه وانا في البدايه صرت البسها 24 ساعه بعدين صرت البسها وقت النوم بس انتي شوفي اللي يريحك وسويه كبدايه لاتبدين بدايه قويه الا اذا انتي معزمه ابدي بالتدريج عشان ماتتركين العلاج ودوم احتسبي الاجر لله


ثامناَ: عليج اختي بعد ماتعملين اللي قلته لك فووق انك تبدين بعدها لو بأسبوع تقرين البقره ولو صفحه باليوم ولا قسميها على ثلاث ايام كبدايه لين تقدرين تقرينها مره باليوم وخلي جنبج مرش في ماي مقري مخلوط مع ماي ورد ويفضل تخلينه بالثلاجه وكل ماتبغين تقرين تطلعينه ترشينه على ويهج وصدرج وقت القرايه وصدقيني بترتاحين واجد


تاسعا: ادهني جسمك بالزيت المقري مع مسك اسود وقت النوم جسمك كااااااااااامل ويفضل تخلطينه بزيت حبة البركه والشذاب بترتاحين واجد


عاشرا : وهذا اهم شي (( الدعااااااااااااااء)) ألحي بالدعاء اعتصمي بالله لاتوقفين علقي قلبج بالله عز وجل ربي ماراح يخليك احنا بنشجعك اليوم بكره بعدها كل وحده بتروح في حال سبيلها انتي معاك الله الرحمن الرحيم احن من قلب الام على ضناها والله اذا تعلق قلبج بالله لن تحتاجين لاي وحده فينا توقف معاج اختي اسمعي وأيقني ان الله راح يجيب دعائج ربي عند حسن ظن عبده به فأحسني الظن بالله وبشريني وش يصير معاج

ضاقت فلما استحكمت حلقاتها فرجت وكنت اضنها لاتفرج

حتى لو تعبتي هذا دليل على بوادر الشفاء يزداد الألم ثم يزول
الاهم ان تستمري

صدقت اختي اسوار قويه عن برنامج الطب النبوي وانا من مجرباته والخطه الرباعيه
ولله الحمد كأني كنت بحلم وصحيت منه صرت اتعجب من حياتي قبل مع اني لازلت اتعالج لكن فرق فرق ولله الحمد

ولا يهمك هذا حال اي شخص مدفون وسط مرضه

انا مت علي سنه الحمد الله على كل شي ربي يخليها بحظي بالدنيا والاخره

مشكلتي براسي واي حركه او صوت او ازعاج وي الا اتشنج

ويجيني صداااع شديد ولما يخلص ابكي من الخوف والحزن

وعقلي يطير ويرجع

والله العظيم ان عقلي ماكان ثابت فيه بلى


والحمدالله ربي هداني لرقيه

ثبتت عقلي بدات اهدى وانتبه سباب مرضي وشوي شوي ووسط الالام بديت اقرى على نفسي واحاول اندمج مع المجتمع رحت وحجمة ثم عملة فحوصات


اختي الرقيه ثم الرقيه ثم الرقيه والبقره ماتتخيلين كيف الرقيه عظيمه


حبيبتي واشربي العزائم زعفران الرقيه تارها خطيره للحسد والعين

انااشوف امرك جدا سهل لانه عين مو مرض عضوي اساسه بس جربي الرقيه اسبوع واحد شوفي كيف تتغيرين وكثري موية زمزم على الريق واتمسحي بزيت مقري


ربي يفرج كربك ويشرح صدرك وصدقيني بماانك وسط الالم تراك بقمة الضياع بس تهدين شوي يرجع لك الهدوء والتفاؤل مريت نفس حالتك وتراه كله على حظك بالدنيا والاخره

كنت كاتبه كلام كثير وانقطع الاتصال المهم انا عارفه وواضح عليك انك قويه والبنات ماشالله ماقصرو ابد اناماراح اقوللك سوي كذا ولاسوي كذا لاابي اقولك من الي قااااااال لك انك رح تشوفي اشكال واشياء ترعب ياحبيبتي ناس مسحوره وتعالجت ولاشافت شي من الاشكال هذي بالعكس الرقيه كلها خييييييييير انتي ابدي فيها بس وماراح تعرفي الا اذا جربتي والله انشراااح بالصدر ومن تبدي فيها مارح تتركيها اسمعي بقولك على تجربه لي انا بديت الرقيه واستمريت عليه شهرين طبعا انا دايم ارقي نفسي الحمدلله على كل حال والله العظيم يمكن تضحكين لو اقولك كنت عجوووووووووووووووووز يالله اقوم وعظامي توجعني وصدري كان كبيييييييييير لدرجة مادري وين اوديه شوي ويوصل حلقي اذا لبست السوتيانه واذا نمت كتم على صدري على بالي اني هذي خلقت ربي لي وكان فين اشياء كثيرة والله ياكان فيني بلاوي الحمدلله بعد الرقيه كانت الصاعقه ماتوقعت بعد شهرين من العلاج صدري وين رااااااااااااااح صغر صغر وماكنت مصدقه والله العظيم شي عجيب الرقيه الرقيه الرقيه عليك بها واحنا معك ياقلبي يالله عاد بتقرين ردي وبتضحكين تتخيلين صدري وشلون كان يالله بشوف ردك وابيك قويه وابيك بعد تبشرينا انك بديتي الرقيه استودعتك الله الله يقومك بالسلامه