الله يرزقك بماتتمني ويثلج صدرك بتحقيق أمنياتك كلها.

امس كان فرح وحده عمرها ٤٢ لم يسبق لها الزواج قبل زفه وقصر ماشاء الله

اعرف وحده قاربت الخمسين وهي ماتزوجت وانتبهت لنفسها متأخره والتزمت سورة البقره مايقارب شهرين اذا ماكان اكثر مع المحافظه على اذكار الصباح والمساء وكثرة الذكر والاغتسال شبه اليومي بالسدر طلعت مسحوره وانفك سحرها بكثرة القراءة وبعد شهرين تزوجت والحين هي ببيت زوجها اسأل الله ان يرزقها الولد الصالح اللي يعوضها مافاتها والكل انصدم لما سمعوا خبر زواجها محد كان متوقع مع العلم انها جميله جداً ومن عائله ذات حسب ونسب ومتعلمه وراعية بيت لكن اللي مايخافون الله وقفوا بطريق سعادتها والمسكينه ماكانت تدري انها مسحوره وانا اقولكم قصتها عشانك وعشان كل وحده متأخره بالزواج تنتبه وتلتزم بسورة البقره لأنها قد تكون مسحوره او فيها مس وهي ماتدري انه هذا هو سبب تأخرها بالزواج طبعاً البعض قد يؤول كلامي على اني اقصد ان سورة البقره تجيب لك الزوج وانا لا اقصد هذا اطلاقاً وانما اقصد انها تعالجك من العراقيل اللي تمنع الزواج وقد يكون تأخر الزواج لسبب يعلمه الله ولا نعلمه وهنا نتذكر قوله عزوجل وعسى ان تحبوا شيئاً وهو شرٌ لكم لذلك انتي اعملي بالاسباب وفوضي امرك لله وهو اعلم باللي يصلح لك والله يفرجها عليك وعلى كل متأخره ويهدي المجتمع اللي جعل من الزواج هاجس لكل البنات اعرف بنات تزوجوا من شباب والله لو قعدت بدون زواج ماتزوجتهم بس المهم انها تتزوج وبالأخير اللي عايشه بهم وغم وضيق حال واللي تطلقت فاللي يتعب ويضايق من كلام الناس ونظرتهم لبعض الأمور بيتعب لذلك نصيحتي لايهمك كلام الناس انتي عايشه ببيت ابوك معززه مكرمه بشرفك منتي ناقصه عن اللي تزوجوا شي وربي يعوض صبرك خير

اسأل الله ان يرزقنا واياك من واسع فضله أنه سميع مجيب وكل ما سمعتي عن احد خطب او ملك قولي حسبنا الله سيؤتينا الله من فضله بقلب موقن بالاجابة

حبيبتي ماتدرين وين الخير لك.. كم وحدة تزوجت وعاشت تعيسة ودموعها على خدها واللي يضربها زوجها واللي تبتلى بزوج كافر مايصلي وراعي بنات وتفحيط.. الخ
انتي عيشي يومك واصبري وادعي الله يجيك الزوج الصالح المصلح اللي يسعدك دنيا واخره .. وبيني وبينك عيشة الاهل وراحة البال افضل من الزواج