تعبت💔حياتي كل مالها للاسوء

عشت ٢٣ سنه ونا من هم ل هم ومن مشكله ل مشكله ومن مصيبه ل مصيبه وغير الظلم والتحقير وغير الامراض اللي فيني وكل مالها تزيد ... عانيت من تحرش من اخوي ومن خالي من عمري ٥ سنوات عرفت اشياء المفروض ماعرفها برائتي انقتلت
هذا غير مشاكل امي وابوي اللي ولدت عليها ماعمري شفت امي وابوي يسولفون هواش وابوي ماكنت اشوفه ينام برا وكل يوم مشكله وامي تجي تحط حرتها فينا اخوي مات وبعدها بشهر امي وابوي انفصلو وناصغيره واخذنا ابوي وتزوج وحده حقيره ماشفنا منها خير حسبي الله عليها ونعم الوكيل وغير اخواني واختي اللي كانو دايم يتحكمون فيني ويهينوني صرت ذليله بسبتهم وغير الامراض اللي بدت تجيني ...
اخواني كلهم تزوجو واختي تزوجت ونا من هم لغم ماقدرت ادرس جامعه مع نسبتي بالتسعينات بس مانقبلت
امي ومادراكم ماامي تنكد علي وتهينني قدام الحريم والناس وتسبني وماترحمني وماتحب تشوفني مرتاحه كانها مسلطه علي ابحها واموت فيها بس مره قاعده اعاني منها بس رغم كل الاذى تظل امي ومااتمنى افارقها ...
انحرمت من حنان امي القاسي وانحرمت اني اعيش بين امي وابوي وانحرمت من برائتي وطفولتي وانحرمت من صحتي وشبابي وعافيتي وانحرمت من مراهقتي وحريتي وانحرمت من شخصيتي صرت معقده
ماعاد عندي مكان اقدر اعيش فيه ونا مرتاحه امي ماتخليني بحالي وابوي ماطييق زوجته اكررهاا الله لا يحللها حسبي الله عليها على قد ماظلمتني
ليومكم هذا ونا من سوء ل اسوء .. اخواني واختي مبسوطين وحياتهم حلوه الله يهنيهم الا انا .. امي تقولي انتي منحوسه انتي مدري كيف حياتك نحسه ... ماني متوقفه بحياتي ورب ابكعبه اني اصلي واقرا قران واقيم الليل واهتم بس مدري ليه كذا حياتي
بنات عمري ٢٣ والمشاكل والمصايب والامراض كل مالها تزيد بشكل مو طبيعي اللي حولي صارو يرحموني وحاسين فيني ..
ابي ادرس وهالشي حلم حياتي البنات اللي بعمري ايام المدرسه كلهم حياتهم تغيرت وتخرجو ومبسوطين وبين اهاليهم
ماحب افضفض عشان محد يرحمني مابي الناس ترحمني مابي اكون مثيره للشفقه هالشي يقهرني ويزعلني مره لاني العب على نفسي انو حياتي حلوه ومافيها شي بس لما اشوف شفقتهم علي انقهر واستوعب حياتي كيف تعيسه من قلب
تصدقون اني حاولت انتحر من عمر ١٤ سنه شربت علاجات عشان اموت بس مامت جاني غثيان واستفرغتهم ..
صرت اتمنى الموت صار الموت لي جنه لما تجيني اعراض مرض خطير افرح واروح ابحث بقوقل لعل وعسى يكون مرض خطير ياخذني ويفكني من هالحياه .. اللي بعمري تكون متمسكه بحياتها الا انا ماشفت خير من هالدنيا من ولدت .. الهم لك الحمد والله اني اعرف اني احسن من ناس غيري بكثيير الحمدلله وهذا اللي مهون علي ..بس كمان اللي قاعده اعيشه مو شويه عشت اشياء اكبر من عمري .. واللي يقهر اكثر اني ماني قويه ماعندي القوه ولا الثقه اللي تخليني استمر واواجه الواقع الممر اللي عايشته
دايم ادعي ربي انو يقويني ويرزقني شخصيه قويه تتحمل هالضروف القاسيه شخصيه تعرف تاخذ حقها عالاقل قلبي يبرد شوي علاقل ماحس اني ضعيفه ومهزوزه
طلبتكم يمكن وحده فيكم قرييه من ربها ودعوتها مستجابه ادعولي من قلبكم ان الله يفرج همي ويستجيب دعواتي 💔
اللهم ارحمني واغفرلي وارض عني يارب اللهم فرج هم كل مهموم .