تعبت..هل انا رفله وما اعرف ادبر اموري او استحق اجيب شغاله

صباح الخيرات و:icon35:


بعد صراع نفسي قررت اخذ رايكم او على الاقل تصويت
هل استحق اجيب شغاله والا لا

لاني من جد تعبت من كل النواحي نفسي وجسدي


يا بنات انا موظفه وليتني مدرسه كان ارحم لي وباب الحضانات مفتوح

انا اشتغل في مستشفى على 3 فترات صباح اطلع من البيت 7 واوصل 5
او مساء اطلع من البيت 3 وارجع 12
او اخر ليل اطلع من 10 ونص واوصل البيت 8 ونص
وحاليا انا مستلمه اخر ليل وقاعده اكلمكم من المستشفى

عندي ولد بسم الله عليه عفرررررريت من يقوم من النوم لين يرجع ينام مايقعد
ماىاقولكم صياح ويتحجج لا والله ما علي منه يلعب ويعفس ويقلب البيت بس اهم شي مو صياح ولا يحن مشكلتي معاه بوقت النوم
وانا الحين حامل في الشهر السادس
ننجي للقضيه الاساسيه
انتو شايفين كيف وقت دوامي طويل ومتقلب 3 شفتات والله ارجع البيت منهط حيلي
ومنحوله عيوني وابغى ارحع بيتي مرتاحه ما اشيل هم ملابس وكوي وطبخ وغسيل وتنظيف
عندي امور البيت يمكن ارحم
اللي حاصل اني لما اجي اروح الدوام احط ولدي بيت اهلي
اذا صار دوامي صباح اخليه معي لين وقت نومه واوديه لهم عشان ينام
نومه وحده وما اقطع نومته اذا جيت اروح الدوام
واذا مساء ينام معاي بالليل واوديه لهم العصر وارجع اخذه اخر الليل
وهكذا
امي طفشت من ولدي بشكل ابدا ابدا ما تتخيلونه مع العلم انها ما تتهتم فيه ولا عليها منه
والله والله سالها اكل شي تقولي مادري اسالي الشغاله
طول الوقت اختي اللي في الابتدائي قايمه فيه مع الشغاله وامي والله ما تدري متى تام متى جلس وفوق. هذا مضايقها
وعطتني كتابي في يميني لا عاد تجيبين الولد الا اذا كنتي في الدوام والافضل تجيبين شغاله
وصرت ما اودي ولدي بالليل لا صار دوامي صباح
اخليه ينام معي بالليل واذا جيت اروح الدوام الصباح اوديه لهم طيب الولد يصحى
ما يقدر يكمل نومه
انزله عند الشغاله وياذيها ما يخليها تشتغل واشتكت لامي ان ولدي ما ينام الصباح وما تعرف تشتغل
طيب والحل وش اسوي بحالي فوق اني ما انام بالليل معاه واسهر
احيانا ارجع من الدوام انزلي اقعد ببيت الي لين يجي زوجي المغرب وجهي اصفر من التعب
وقله النوم
حتى ما تقولي قومي نامي ارتاحي و وانا امسك ولدك
ومواقف كثيرررررره كثيرررره
بذكر لكم موقف سريع عشان تعرفون ان امي ما تبي ولدي بكل الحالات
بالرغم ان خواتي ما يعيشون يوم بدونه واذا كنت انا اجازه يدقون علي ليل نهار يبونه

في اجازه الاضحى جى يوم كنت معزومه فيه
ومستحيل اخذ ولدي معاي لانه بيحوسني وزوجي طالع مع ربعه
دقيت عاى اختي اللي في الابتدائي وقلت لها بجيبه عندك بعد العشاء وبرجع البيت وينام عندكم اليوم
امي كانت طالعه ما تدري رجعت البيت وكانت اختي المتزوجه بعد موجوده هناك وكان ولدي اصلا عندها مو عند اللي في الابتدائي
دقت علي اختي المتزوجه وتقولي امي يوم شافت ولدك ركب راسها جني تحلف تقول والله صراخها وصل للحوش ويمكن حتى الجيران سمعوه
ليش اجيب ولدي وانا وش عندي انا اجازه المفروض ما اجيبه تقولي اختي وربي اني انغبنت وجيت اصيح
انا كنت برى وقتها دوروني ما تلاقوني قمت ابكي من قلب كان احد ميت علينا وعلى طول رجعت اخذت ولدي ورحت شقتي
وغيره انها كل ما شافتني تزن علي يبي شغاله لولدك جيبي شغاله خلاص قربتي تولدين
والله صار ما عندها سيره الا هالشغاله
قلت طيب بستسلم وبجيب لماقلت لها بجيب شغاله ووقت دوامي بخليها عندكم
عصبت وقالت لا تجيبين الشغالع وولدك خليهم في الشقه عشان يتعودون ماله داعي كل يوم جايبتهم
تخيلو يا بنات تبغاني اامن وحده غريبه على بيتي وعيالي واطلع انا من تشرق الشمس حتى تغرب

هذا غير شغل البيت الي ما ينتهي المطبخ لحاله يكفي مواعينه وحوسته
والله تجي ايام بيتي كانه شقه عزوبيه ما اقدر انظف الا في الاوف والمواعين تتراكم
والملابس مرميه

من بعدها تركت دوام الصباح والمساء وصرت اداوم اخر ليل بس برضو مو متهنيه
لان ولدي يقعد مع ابوه وما يخليه ينام الا الفجر
انا اجي الصباح و ابوه يطلع يداوم وميت تعب ونوم
وانا توني رتبت بسرعه وبنام الا ولدي صحى

واحنا الاثنين ضايعين

انا عن نفسي ما ودي بهم شغاله ولا زفت احس من كثر حنة امي عليها بتجيني حوبه منها
واحيانا اسب والعن التعب والدوام والعيشه المبهدله
ابي ارجع بيتي نظيف مافي مواعين مكركبه ولا ملابس مرميه
ابي انام اقل شي 5 ساعات قبل دوامي
ابي اطلع اسير ولا اشيل هم ولدي وين احطه وكم بقعد برى. البيت


ادري طولت عليكم بس والله من قهر قلبي
ترى قلت لكم شوي من اللي احس فيه وباقي الكثيرررر


واحين انصحوني اجيب شغاله والا استمر بهالمعاناه وخصوصا اني حامل
وبدل الواحد بيصيرون 2