السلام عليكم ورحمة الله وبركاته
كيفكم يادبات ان شاء الله تمام
طبعا في بنات حالهم زفت من كثر الرجيمات الي جربوها
من زمان وانا ادخل ها القسم وملاحظة انة في بنات من سنة الغوص وهم يحاولوا ينحفوا وماقدروا
وفي بنات نحفوا وخسروا 5 -6 او 7كيلوا ولكن اول ماتركت الرجيم زادت الدبل
عندي طريقة لو جربتواها راح تستفيدي من اي رجيم تسويينة ..والوزن الي تخسرية ماعاد يرجع لك
نظامي هو التدريج
انا اسوية من زمااااااان وبليز بنات لاتسئالوني كم خسيت علية وكم المدة والسبب اني ماسويتة كرجيم لها السبب ماكنت اقيس وماكنت مهتمة بالوزن
الي اذكرة انو وزني كان ب السبعينات 76 ونزلت الي الستينات 66 و 65 واحيانا 63
الطريقة بسيطة وهي حمية صغيرة جدا مب متعبة تبدايها قبل رجيمك باسبوع
يعني 3ايام تبدئي حمية ...والثلاثة الي بعدها حميه ثانية واليوم الاخير بعد باخبركم ايش تعملوا ...هذا طبعا اذا قررتي انة يكون قبلة ب اسبوع ,ممكن يكون قبلة ب 2 اسبوع
اولا –تعرفي شنهي الاشياء الي تسبب لك السمنة
ثانيا –تخففي من النشويات
ثالثا – الاضافات
يعني
اولا –تعرفي شنهي الاشياء الي تسبب لك السمنة
انا الاشياء الي تسببلي السمنة هي (الكرواسان +الشاي الحليب +الحلويات .سنكرز كتكات .مارس )
الكرواسان كل يوم افطر علية بالجامعة والحلويات بعد كل يوم اما الشاي الحليب هة المصيبة الكبيرة
في اليوم اشرب 3 اكواب شاي حليب ..الصبح العصر وفي الليل
كوب شاي بحليب = 140 سعرة
لانة ملعقة السكر =30 سعرة
وانا احط 3 ملاعق صغيرة يعني 90
والشاي + الحليب بدون سكر =50
يعني 50+90=140
140 *3=420....3 يعني لاني اشربة 3 مرات باليوم
يعي في اليوم 420:eek: سعرة حرارية مالها داعي بسبب الشاي الحليب ....عيل برااااااااا:angry2: مب لازم اشرب شاي حليب
طيب الكرواسون فية 235 سعرة .هذا الكرواسان السادة مدري بعد بالجبن كم سعرة ههههه...برااااااااا:angry2:
السنكرز والتوكس بعد برااااااا:angry2:...التوكس فية 120 سعرة علي مااعتقد و السكرز والمارس اكثر بكثير .الله يخلي التفاح والبرتقال والجريب فروت
علي فكرة انا حذفت ها الاشياء لانها هي الي نفختني وخلتني فيلة ولاكن اكل اكلي عادي بالكميات الي متعودة عليها .......
الحين البدائل ...وياعيني عليها
بدال الشاي الحليب ابو 240 سعرة اشرب شاي اخضر
الشاي الاخضر اذا شربتي 5 اكواب باليوم تحرق 80 سعرة بدون جهد وفي رواية اخري200,
بدل الكرواسان اكل سندويشة جبن او بيضة مسلوقة او اي شي غير الكرواسان
الحلويات مافي مانع اني اكل 1 او 2 في الاسبوع لاكن مب كل يوم
ثانيا –تخففي من النشويات
يعني في اليوم احنا ناكل فطور وغدا وعشا نشويات ...كيف مانمتن؟
علي الفطور صامولي او خبز
علي الغدا رز او معكرونة او خبز
علي العشا ..خبز او معكرونة
الطريقة هنا في البداية احذفي وحدة منهم :angry2:برااااااااااا ....اذا فطرتي نشويات لاتتغدي نشويات .دبري عمرج كلي اي شي ثاني ...دجاج مع سلطة او شربة او اي شي غير النشويات ...
او اتغدي عادي نشويات و احذفيها من العشا
بالمختصر كلي نشويات مرتين واحذفي واحد براااااااااااا:angry2:
الشطورة هنا ممكن بالتدريج تحذف وجبتين من النشويات ...بعد ماتتعود علي النشويات مرتين بعدين هي بنفسها راح تحذف وحدة زيادة ولافضل تكون الي علي العشا
يعني ممكن تفطر علي بيض وشاي بدون خبز
والغدا تتغدي عادي ...كبسة ولا اي شي
وعلي العشا تاكل سلطة مع دجاج او شربة بدون نشويات
لانة في النهاية النشويات تتحول كلها لسكر ودهون في الجسم
ثالثا – الاضافات
الحين خلصنا 6 ايام باقي يوم للاضافات
الاضافات هنا احلي شي لانها اشياء تاكلينها
الي هي (جريب فروت ,خل .اناناس ,زنجبيل ,شاي اخضر ,نسكافية....الخ)
دخلي الجريب فروت في اكلج ...يم يم كنت اكرههة لاني كنت اعصرة ....لاكن الحين اقطعها واكلها بدون عصر ...تشبع وتسد النفس ...حاولي تاكلينها مرتين في اليوم
الاناناس ...اشتري عصير سيزر واشربي منه في العصر بدال الشاي او الحلي
الخل .خلية بعد الاكل الدسم ...يعني اذا كلتي وكثرتي اكل اشربي بعدة خل
الزنجبيل ...اعمل لي دلة واشرب فيها طووول اليوم .الزنجبل ممكن تخفي علية بدون رجيم لانة يسرع عملية الايض ...بعد ماتشربية تحسي بحرااارة معناة انة الجسم يحرق
النسكافية ...طبعا بدون سكر اذا حنيت نفسي للحلويات ..يسد النقس بشكل فضييييع خاصتا اذا كان ثقيل ..يعني 2 ملعقة نسكافية
ولا تحطي فية سكر لانة اصلا طعم السكر مايبان .
مادري فهمتوا علي ولا لا
يعني تتدرجي في الحذف
اول 3 ايام تحذفي الاشياء الي تسبب لك السمنة
و3 الي بعدها تحذفي من النشويات
واليوم الاخير تدخلي الاضافات ..........
لم تخلصي ها الاسبوع ممكن تبداي اي رجيم بدون اي تعب .اما لم تبداي الرجيم فجاة تملي وتكرهيية ....حتي انة في بنات التزموا برجيمات ونحفوا عليها وبعد ماتركوها رجع وزنهم زي اول
هذا النظام ممكن بعد تتبعية بعد ماتخسري وزنك وصدقيني راح تشوفي نتايج حلوة
واي سؤال ؟؟

مجد7 @mgd7
محررة ذهبية
تعبتوا من الرجيم ومانحفتوا؟؟او نحفتي وزدتي الدبل ؟تعالي شوفي هذا النظام
38
7K
يلزم عليك تسجيل الدخول أولًا لكتابة تعليق.

soog
•
يسعدك ربي وهذا اللى راح اسوية ملينا من هالشحوووم

بصراحة روعة طريقتك واكيد بجربها لاني دايم اذا سويت ريجيم دائم اخربه وارجع اكل ثاني ....


يسلم فمك والله كلام جميل جدا وياريت نتبعة لانة لو عرفناا اش اللي ناكلة وكم السعرات الحرارية عرفنااا كيف نضبط اجسامناا من غير اي حميات مشددة

مجد7
•
*ام علاووي* :
لا يمكنك مشاهدة هذا التعليق لانتهاكه شروط الاستخدام.
:35:يؤ يؤ
تشرفنا
وانا الي علي بالي 240
الا برااااااااااااااااااااااا
برااااااااااااااااااااااااااااا
تشرفنا
وانا الي علي بالي 240
الا برااااااااااااااااااااااا
برااااااااااااااااااااااااااااا
الصفحة الأخيرة